அரசு ஆஸ்பத்திரிக்கு பிரசவத்துக்கு வந்த பெண் மரணம்: 3 பெண் டாக்டர்கள் சஸ்பெண்டு

ஸ்ரீவில்லிபுத்தூர் அரசு ஆஸ்பத்திரிக்கு பிரசவத்துக்காக வந்த கர்ப்பிணி பெண் மரணம் அடைந்த சம்பவத்தைத் தொடர்ந்து, 3 பெண் டாக்டர்கள் சஸ்பெண்டு செய்யப்பட்டனர்.

பெண் மரணம்

ஸ்ரீவில்லிபுத்தூர் சந்தைப்பேட்டை தெருவை சேர்ந்தவர் ராஜா. இவருடைய மனைவி மரியலில்லிபவுலினாள். கர்ப்பிணி பெண்ணான இவர் கடந்த மாதம் 26-ந்தேதி ஸ்ரீவில்லிபுத்தூர் அரசு ஆஸ்பத்திரிக்கு இரவு நேரத்தில் பிரசவத்துக்காக வந்தார்.

ஆனால் அங்கு பணியில் இருக்க வேண்டிய டாக்டர்கள் யாரும் இல்லாததால் அவருக்கு உரிய சிகிச்சை கிடைக்கவில்லை. இதனால் அவர் பரிதாபமாக இறந்தார்.

இதைத் தொடர்ந்து பணியில் இல்லாத டாக்டர்கள் மீது நடவடிக்கை எடுக்கக் கோரி இறந்த கர்ப்பிணி பெண்ணின் உறவினர்கள் மறியல் போராட்டம் நடத்தியதோடு, சுகாதாரத்துறை உயர் அதிகாரிகளுக்கும் புகார் மனு அனுப்பினர்.

விசாரணை

இது பற்றி விருதுநகர் மாவட்டம் வந்த சுகாதாரத்துறை கூடுதல் செயலாளர் பங்கஜ்குமார் பன்சல் விசாரணை நடத்தினார்.

விசாரணையில் பணி நேரத்தில் ஸ்ரீவில்லிபுத்தூர் அரசு ஆஸ்பத்திரியில் பெண் டாக்டர்கள் மீரா, மேகலா ஆகிய இருவரும் பணியில் இல்லாதது தெரியவந்தது. எனவே, அவர்கள் இருவரையும் சஸ்பெண்டு செய்ய உத்தரவிட்டார்.

இதே போன்று ஸ்ரீவில்லிபுத்தூர் அரசு ஆஸ்பத்திரியில் பணியாற்றிய மற்றொரு பெண் டாக்டர் பொன்வடிவு. இவரை தற்காலிகமாக விருதுநகர் அரசு ஆஸ்பத்திரிக்கு சென்று பணியாற்றும்படி உயர் அதிகாரிகள் உத்தரவிட்டனர். ஆனால் இவர் விருதுநகர் அரசு ஆஸ்பத்திரிக்கு பணிக்கு செல்லாமல் மருத்துவ விடுப்பில் சென்றுவிட்டார்.

மீண்டும் பணிக்கு சேரவரும்போது உயர்அதிகாரிகளின் அனுமதியுடன் பணியில் சேரவேண்டும் என டாக்டர் பொன்வடிவுக்கு தகவல் தரப்பட்டது. ஆனால் டாக்டர் பொன்வடிவு இந்த தகவலை அலட்சியம் செய்து தானாகவே பணியில் சேர்ந்தார்.

டாக்டர் பொன்வடிவின் இந்த நடைமுறை பற்றி கூடுதல் செயலாளர் பங்கஜ் பன்சாலி விசாரணை நடத்தி, டாக்டர் பொன்வடிவையும் சஸ்பெண்டு செய்ய உத்தரவிட்டார். அவரது உத்தரவைத் தொடர்ந்து, பெண் டாக்டர்கள் மீரா, மேகலா, பொன்வடிவு ஆகிய 3 பேரையும் சஸ்பெண்டு செய்து, மாவட்ட சுகாதாரத்துறை இணை இயக்குநர் டாக்டர் அஜித்கண்ணம்மா, உத்தரவிட்டார்.

இந்த சஸ்பெண்டு நடவடிக்கை அரசு ஆஸ்பத்திரி வட்டாரத்தில் பரபரப்பை உண்டாக்கியுள்ளது.

தினதந்தி

இப்படியும் மருத்துவர்களா? மனிதாபமனமே இல்லையா, எப்படி இப்படி நடந்துக்கொள்ள இவர்களால் முடிகிறது. பணி நீக்கம் செய்திருக்க வேண்டும்.

இப்படி அடிக்கடி நடக்கிறது. கொடுமை.

சுந்தரராஜ் தயாளன் wrote:இப்படி அடிக்கடி நடக்கிறது. கொடுமை.

இது அனைத்து பொது மருத்துவமனைகளிலும் நடப்பது தான் அண்ணா.இப்போது விருதுநகரில் வெட்டவெளிச்சமாகிஉள்ளது.
பணத்தை மட்டுமே குறிக்கோளாக செயல்படும் இது போன்றோர்களுக்கு பணி இடை நீக்கம் சரியான தீர்பு அல்ல.
மனசாட்சியும் தியாக மனப்பான்மையும் கொண்ட உள்ளங்களை காண்பதே அரிதாகிவிட்டது.
இதில் இவர்களை மட்டும் குறை கூறியோ ஒரு பிரியோஜனமும் இல்லை.

கொடுமை ....இவர்களை டிஸ்மிஸ் செய்ய வேண்டும் .

காசு இல்ல நா இப்படி தான் யாரும் மதிப்பதில்லை