அப்துல்கலாம் கூடங்குளம் வந்தார், அணுமின் நிலையத்தை இன்று பார்வையிடுகிறார்

**சிவா** · **சிவா** Sun Nov 06, 2011 6:19 am

முன்னாள் ஜனாதிபதி ஏ.பி.ஜே. அப்துல்கலாம் கூடங்குளம் வந்தார். அணுமின் நிலையத்தை அவர், இன்று (ஞாயிற்றுக்கிழமை) பார்வையிடுகிறார்.

அணுமின் நிலையம்

கூடங்குளம் அணுமின் நிலையத்துக்கு எதிர்ப்பு தெரிவித்து இடிந்தகரையில் அந்த பகுதி கிராமமக்கள் தொடர்ந்து உண்ணாவிரதம் இருந்து வருகிறார்கள்.

அணுமின் நிலையத்துக்கு எதிராக பல்வேறு பகுதிகளில் போராட்டங்கள் நடந்து வருகின்றன.

இந்த நிலையில் முன்னாள் ஜனாதிபதியும், அணு விஞ்ஞானியுமான ஏ.பி.ஜே. அப்துல்கலாம் ``கூடங்குளம் அணுமின் நிலையத்தை நேரில் பார்வையிட்டு, பொதுமக்கள் அச்சத்தை போக்குவேன்'' என்று கூறி இருந்தார்.

வருகை

அதன்படி, அப்துல்கலாம் சென்னையில் இருந்து விமானம் மூலம் மதுரைக்கு நேற்று இரவு வந்தார். பின்னர் அங்கு இருந்து கார் மூலம் கூடங்குளம் சென்றார். அங்கு உள்ள விருந்தினர் மாளிகையில் இரவு தங்கினார்.

அப்துல்கலாம் இன்று (ஞாயிற்றுக்கிழமை) காலை கூடங்குளம் அணுமின் நிலையம் செல்கிறார். அணுமின் நிலையத்தில் பாதுகாப்பு தொடர்பான தொழில்நுட்பங்களை பார்வையிடுகிறார்.

ஆலோசனை கூட்டம்

அதன்பிறகு மதியம் 2 மணி அளவில் கூடங்குளம் அணுமின் நிலையத்தில் விஞ்ஞானிகளின் ஆலோசனை கூட்டம் நடக்கிறது. இந்த கூட்டத்தில் அப்துல்கலாம் கலந்து கொள்கிறார்.

ஆலோசனை கூட்டத்தை முடித்து விட்டு அப்துல்கலாம், பிற்பகல் 3.30 மணிக்கு கூடங்குளத்தில் இருந்து தூத்துக்குடி விமான நிலையத்துக்கு செல்கிறார். அங்கு இருந்து சென்னைக்கு புறப்படுகிறார்.

முன்னாள் ஜனாதிபதி அப்துல்கலாம் வருகையையொட்டி கூடங்குளம் பகுதியில் நெல்லை மாவட்ட போலீஸ் சூப்பிரண்டு விஜயேந்திர பிதரி தலைமையில் பலத்த போலீஸ் பாதுகாப்பு போடப்பட்டு உள்ளது.

தினதந்தி

அப்துல்கலாம் கூடங்குளம் வந்தார், அணுமின் நிலையத்தை இன்று பார்வையிடுகிறார்

அப்துல்கலாம் கூடங்குளம் வந்தார், அணுமின் நிலையத்தை இன்று பார்வையிடுகிறார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக