கனிமொழிக்கு ஜாமீன் மறுப்பு, கோர்ட்டில் அழுத கனிமொழி

ஜாமீன் மனு மீது நேற்று தனிக்கோர்ட்டு நீதிபதி ஓ.பி.சைனி தீர்ப்பு வழங்க இருந்ததையொட்டி கனிமொழியும் மற்ற 7 பேரும் கோர்ட்டில் ஆஜர்படுத்தப்பட்டனர்.

தீர்ப்பை அறிந்து கொள்வதற்காக கனிமொழியின் கணவர் அரவிந்தன், மகன் ஆதித்யா, தாயார் ராஜாத்தி அம்மாள் மற்றும் தி.மு.க. எம்.பி.க்கள் டி.ஆர்.பாலு, டி.கே.எஸ்.இளங்கோவன், வசந்தி ஸ்டான்லி, முன்னாள் அமைச்சர் துரைமுருகன், நடிகை குஷ்பு ஆகியோரும் கோர்ட்டுக்கு வந்து இருந்தனர்.

இதேபோல் மற்ற 7 பேரின் உறவினர்களும் கோர்ட்டுக்கு வந்து இருந்தனர்.

கோர்ட்டில் அழுத கனிமொழி

கனிமொழிக்கு ஜாமீன் மறுக்கப்படுவதாக நீதிபதி ஓ.பி.சைனி தீர்ப்பை அறிவித்ததும், அவருடைய உறவினர்கள் மற்றும் தி.மு.க. தலைவர்கள் மிகுந்த அதிர்ச்சியும் சோகமும் அடைந்தனர். கனிமொழி சோகம் தாங்காமல், அருகில் நின்று கொண்டிருந்த தனது தாயார் ராஜாத்தி அம்மாளை கட்டிப்பிடித்துக் கொண்டு அவர் மீது முகம் புதைத்தார்.

அப்போது அவரது கண்களில் இருந்து கண்ணீர் வழிந்தோடியது. கனிமொழியின் உறவினர்களும், தி.மு.க. தலைவர்களும் அவருக்கு ஆதரவு அளிக்கும் வகையில் அவரை சூழ்ந்து நின்று கொண்டிருந்தனர்.

நடிகை குஷ்பு கருத்து

கோர்ட்டு அறையில் ஏராளமான பத்திரிகை மற்றும் டெலிவிஷன் நிருபர்களும், புகைப்படக்காரர்களும் கூடி இருந்தனர். அப்போது நிருபர்கள் நடிகை குஷ்புவிடம், கனிமொழிக்கு ஜாமீன் மறுக்கப்பட்டது பற்றி கருத்து கேட்டனர். அதற்கு அவர் பதில் அளிக்கையில்; கனிமொழிக்கு ஆதரவாக நான் இங்கு வந்துள்ளேன். நான் இப்போது அதிர்ச்சி அடைந்த நிலையில் இருப்பதால் கோர்ட்டு தீர்ப்பு பற்றி எதுவும் சொல்ல விரும்பவில்லை என்றார்.

தீர்ப்பை கேட்பதற்காக கோர்ட்டுக்கு வந்திருந்த கரீம் மொரானியின் மகள் ஜோயா மொரானி, தனது தந்தையின் அருகே அமர்ந்து இருந்தார். தனது தந்தைக்கு ஜாமீன் மறுக்கப்படுவதாக நீதிபதி அறிவித்ததும் அவர் சோகம் தாங்க முடியாமல் அழுதார். இவர் ஷாருக்கானுடன் ஆல்வேஸ் கபி கபி படத்தில் நடித்துள்ளார்.

மு.க.ஸ்டாலின் சந்திப்பு

தீர்ப்பு கூறப்பட்டதை தொடர்ந்து, கனிமொழியும் மற்ற 7 பேரும் மீண்டும், டெல்லி திகார் சிறைக்கு அழைத்துச் செல்லப்பட்டனர்.

தி.மு.க. பொருளாளர் மு.க.ஸ்டாலின் திகார் சிறைக்கு சென்று கனிமொழியை பார்த்தார். அவருடன் முன்னாள் அமைச்சர்கள் துரைமுருகன், எ.வ.வேலு ஆகியோரும் சென்று இருந்தனர்.

தினதந்தி

எனக்கும் கவலையாகதான் இருக்கு ...

வை.பாலாஜி wrote:எனக்கும் கவலையாகதான் இருக்கு ...

கவலை தீர

dsudhanandan wrote:

வை.பாலாஜி wrote:எனக்கும் கவலையாகதான் இருக்கு ...

கவலை தீர

சிறை சென்ற தியாகி , வெளியே வரட்டும் ....

கனிமொழிக்கு ஆதரவாக நான் இங்கு வந்துள்ளேன். நான் இப்போது அதிர்ச்சி அடைந்த நிலையில் இருப்பதால் கோர்ட்டு தீர்ப்பு பற்றி எதுவும் சொல்ல விரும்பவில்லை என்றார்.