இன்றும் ஒரு கதை (பானு 02/11/11) ஐந்து விரல் -சிந்தனைக்கதை

**ஜாஹீதாபானு** · **ஜாஹீதாபானு** Wed Nov 02, 2011 3:15 pm

உள்ளங்கையில் இருக்கும் விரல்களுக்கிடையே `யார் சிறந்தவர்?’ என்ற போட்டி வந்தது. எல்லா விரல்களையும் விட நான்தான் சிறந்தவன்? என்று இறுமாப்புடன் கூறியது கட்டை விரல்.

இல்லை! இல்லை!! மற்ற விரல்களைவிட நானே உயர்ந்தவன். எனவே நானே சிறந்தவன் என்று பெருமை கொண்டது நடுவிரல்.

மனிதன் அணிகலனான மோதிரத்தை அணிவித்து அழகு பார்ப்பது என்னைத்தான். எனவே நானே உயர்ந்தவன் என்றது மோதிரவிரல்.

மனிதர்களுக்கு கடைக்குட்டியான செல்லப் பிள்ளைகள் மீதுதான் பிரியம் அதிகம். எனவே உங்களைவிட நான்தான் கடைக்குட்டி. அதனால் செல்லப்பிள்ளையும் நான்தான் என்றது சுண்டுவிரல்.

ஆள்காட்டி விரல் மட்டும் எதையும் சொல்லாமல் மவுனம் சாதித்தது.

இதையெல்லாம் பார்த்துக் கொண்டிருந்த உள்ளங்கை, உங்களுக்கு நான் சரியான தீர்ப்பு கூறுகிறேன் என்று விரல்களின் போட்டிக்கு நாட்டாமை ஆனது.

நீங்கள் எல்லாம் யாருடைய கைகளில் விரல்களாக இருக்கிறீர்களோ அவர்களுக்குத்தான் பயன் கொடுக்கிறீர்கள். ஆனால் ஆள்காட்டி விரல் மட்டும் திசை தெரியாமல் வரும் பிறருக்கும் `அதோ வழி’ என சுட்டிக்காட்டி உதவுகிறது. பிறருக்கு உதவும் பண்பினை ஆள்காட்டி விரல் கொண்டிருப்பதால் அதுவே முதலிடம் என்று உள்ளங்கை தீர்ப்பளித்தது.

நீதி: பிறருக்கு உதவுபவர்கள் மட்டுமே என்றும் முதலிடம் பிடிக்கிறார்கள்.

ந.சிவநேசன், ஆரியபாளையம்-

ரேவதி · ரேவதி Wed Nov 02, 2011 3:20 pm

நல்ல சிந்தனை கதை இன்றும் ஒரு கதை (பானு 02/11/11) ஐந்து விரல் -சிந்தனைக்கதை 224747944

முஹைதீன் · முஹைதீன் Wed Nov 02, 2011 4:28 pm

நல்ல தீர்ப்பு நாட்டாமை சூப்பருங்க

**ஜாஹீதாபானு** · **ஜாஹீதாபானு** Wed Nov 02, 2011 4:53 pm

நன்றி நன்றி

சதாசிவம் · சதாசிவம் Wed Nov 02, 2011 5:05 pm

அழகான கருத்து பானு , அருமையிருக்கு

இந்த ஆள்காட்டி விரல் குறித்து மகாபாரத்தில் உள்ள கதை ஒன்றை பகிர விரும்புகிறேன்.

கர்ணன் இறந்த பிறகு சொர்க்கம் செல்கிறான், அங்கு அவனுக்கு பசிக்கிறது. இறைவனிடம் சொர்க்கத்தில் யாருக்கும் பசிக்காது, ஆனால் எனக்கு பசிக்கிறதே என்று கேட்டான். அதற்கு இறைவன் பூலோகக்தில் நீ பல தானம் செய்து வள்ளல் என்ற பெயர் பெற்றாலும் அன்ன தானம் செய்யவில்லை அதனால் தான் பசிக்கிறது, உன் ஆள்காட்டி விரலை எடுத்து வாயில் வைத்துக்கொள் பசி போய்விடும் என்று இறைவன் கூறினான். இது ஏன் என்று கர்ணன் கேட்டான், அதற்கு இறைவன் ஒரு முறை பாரதப் போரில் ஒரு வீரன் உணவுக்கூடம் எங்கே என்று உன்னிடம் கேட்க அது அங்கே இருக்கிறது என்று உன் ஆள்காட்டி விரலால் சுட்டிக் கட்டினாய். ஆதாலால் அன்ன தானம் செய்த பலன் உன் விரலுக்கு உண்டு. அதனால் அதை வாயில் வைக்கும் பொது உன் பசி போய்வீடும் என்று கூறினான்.