டி.வி., நடிகை தற்கொலை வழக்கு : டி.வி., நடிகருக்கு 5 ஆண்டு சிறை!

ரேவதி · ரேவதி Wed Nov 02, 2011 1:13 am

"டிவி" நடிகையை தற்கொலைக்கு
தூண்டியதாக தொடரப்பட்ட வழக்கில், "டிவி நடிகருக்கு ஐந்து ஆண்டு சிறைத்
தண்டனை விதித்து, சென்னை மகளிர் கோர்ட் உத்தரவிட்டுள்ளது. சென்னையைச்
சேர்ந்தவர் தேவ் ஆனந்த். ஏராளமான "டிவி தொடர்களில் நடித்து வருகிறார்.
இவருக்கும் டி.வி., தொடர்களில் நடித்து வந்த வைஷ்ணவி என்பவரும் பழக்கம்
ஏற்பட்டது. வைஷ்ணவி பாபா உள்ளிட்ட சில படங்களிலும் நடித்துள்ளார். இந்த
நிலையில், கடந்த 2006 ஏப்ரல் 15ம்தேதி வைஷ்ணவியை தேவானந்த் கிழக்கு கடற்கரை
சாலைக்கு அழைத்து சென்றுள்ளார். பின்னர் இரவு வீடு திரும்பினார் வைஷ்ணவி.
அப்போது அவரது உடலில் பல இடங்களில் காயம் இருந்தது.

இதுகுறித்து
தனது பெற்றோரிடம் வைஷ்ணவி கூறுகையில், தேவானந்த் இரண்டாம் தாரமாக திருமணம்
செய்ய வற்புறுத்துவதாகவும், இல்லையென்றால் யாருடனும் வாழ முடியாமல் செய்து
விடுவேன் என்று மிரட்டுவதாகவும் கூறியுள்ளார். பின்னர் 2 நாட்கள் கழித்து
அவர், தூக்குப் போட்டுத் தற்கொலை செய்து கொண்டார். இதையடுத்து அவரது
பெற்றோர் அண்ணாநகர் காவல் நிலையத்தில் தேவானந்த் மீது புகார்
கொடுத்தனர்.தற்கொலைக்கு தூண்டியதாக, நடிகர் தேவ் ஆனந்த் மீது வழக்கு பதிவு
செய்யப்பட்டது.

இவ்வழக்கு, சென்னை மகளிர் கோர்ட்டில் நடந்து வந்தது.
நேற்று(31.10.11) இந்த வழக்கை விசாரித்த நீதிபதி சேதுமாதவன், நடிகர் தேவ்
ஆனந்த் மீதான குற்றச்சாட்டு நிரூபிக்கப்பட்டதால் அவருக்கு ஐந்தாண்டு சிறை
தண்டனையும், 10 ஆயிரத்து, 500 ரூபாய் அபராதமும் விதித்து, தீர்ப்பளித்தார்.

தினமலர்

ஹர்ஷித் · ஹர்ஷித் Wed Nov 02, 2011 1:50 am

சென்னை அண்ணாநகரில் வசித்தவர் டி.பி.நாகை வைஸ்ணவி. இவர் தீனா, பாபா உள்ளிட்ட படங்களில் துணை நடிகையாகவும் நடித்துள்ளார். இவருக்கும் டி.வி. நடிகர் தேவ் ஆனந்த்துக்கும் இடையே நட்பு ஏற்பட்டது. தேவ் ஆனந்த் திருமணமானவர். இருந்தபோதிலும் அவர் வைஸ்ணவியை காதலித்துள்ளார்.

2-வது மனைவி ஆகும்படி அவர் வைஸ்ணவியிடம் தொடர்ந்து வற்புறுத்தி வந்துள்ளார். கடந்த 2006-ம் ஆண்டு வைஸ்ணவியை திருமணம் செய்து கொள் ளும்படி வற்புறுத்திய தேவ் ஆனந்த் அவரை கடுமையாக தாக்கியதாக கூறப்படுகிறது. இதில் முகத்தில் காயம் அடைந்த வைஸ்ணவி நடந்த சம்பவங்களை அழுது கொண்டே வீட்டில் வந்து கூறியுள்ளார்.

2 நாட்கள் கழித்து வீட்டில் தனியாக இருந்த வைஸ்ணவி தூக்குபோட்டு தற்கொலை செய்து கொண்டார். இது குறித்து அண்ணாநகர் போலீசார் வழக்குபதிவு செய்து விசாரணை நடத்தி னர். வைஸ்ணவி தற்கொலை (174-ஐ.பி.சி.) செய்து கொண்டதாக வழக்கு பதிவு செய்த போலீசார் அதற்கான காரணம் குறித்து விசாரணை நடத்தினர். தேவ் ஆனந்தின் தொல்லை தாங்காமல்தான் வைஸ்ணவி தற்கொலை செய்து கொண்டதாக போலீஸ் விசாரணையில் உறுதியானது.

இதையடுத்து தற்கொலைக்கு தூண்டியதாக அவர் மீது வழக்கு பதிவு செய்யப்பட்டது. இது தொடர்பான வழக்கு கடந்த 5 ஆண்டுகளாக, சென்னை மகளிர் கோர்ட்டில் நடைபெற்று வந்தது. இந்த வழக்கில் தீர்ப்பு வழங்கிய நீதிபதி சேது மாதவன் தேவ் ஆனந்துக்கு 5 ஆண்டுகள் கடுங்காவல் தண்டனை விதித்து தீர்ப்பு கூறினார். தீர்ப்பை கேட்டதும் தேவ் ஆனந்த் கண்ணீர் விட்டு அழுதார். கோர்ட்டு உத்தரவை தொடர்ந்து தேவ்ஆனந்த் புழல் சிறையில் அடைக்கப்பட்டார்.

http://www.maalaimalar.com

உதயசுதா · உதயசுதா Wed Nov 02, 2011 2:06 am

இந்த செய்தி ஏற்கனவே இருக்கு ,அதனால அந்த பழைய செய்தியோடு இணைத்துவிடுகிறேன்

ARR · ARR Wed Nov 02, 2011 2:21 am

அந்த அப்பாவி முகத்துக்குள் இப்படி ஒரு அடப்பாவியா..?

**பிரசன்னா** · **பிரசன்னா** Wed Nov 02, 2011 3:10 am

அவர் கொண்டாட்டம் நிகழ்ச்சி வழங்கிய விதம் நன்றாக இருக்கும்...

வர்ஷா_shri123 · வர்ஷா_shri123 Wed Nov 02, 2011 5:57 am

நீதி கிடைத்த வரைக்கும் பரவாயில்ல ஆனா போன உயிர் போனது தான்

**அருண்** · **அருண்** Wed Nov 02, 2011 5:59 am

இது மாதிரி செய்பவர்களுக்கு 5 ஆண்டு பத்தாது..!

**ஜாஹீதாபானு** · **ஜாஹீதாபானு** Wed Nov 02, 2011 6:14 am

அப்போ இனி செல்லமெ சீரியல இவருக்கு பதிலா யாரோ ..........?

**பிளேடு பக்கிரி** · 01/03/2010

இதெல்லாம் பெரிய விஷயமா? ஜாலி

ranhasan · ranhasan Wed Nov 02, 2011 6:26 am

வைஷ்ணவி செத்து பலவருஷம் ஆச்சு, இந்த பல வருஷத்துல தேவ் பல மெகா சீரியல் நடிச்சுட்டான்... இவ்ளோ தாமதமா தீர்ப்பு வந்தாலும் தண்டனை கிடைச்ச வரைக்கும் சந்தோஷம்...