என்னங்க .........! ஏன்னா......!

**ஜாஹீதாபானு** · **ஜாஹீதாபானு** Tue Nov 01, 2011 7:02 pm

என்னை நீ
என்னங்க
ஏன்னா..!
என்று அழைக்கும்போது…
சொல்லா அது?
ஜலதரங்கம்- ஒரு
சொல்- பலபொருள்!

படுக்கையில்
கிடக்கும் போது
பாய்ந்தது அந்தச்சொல்!

மணி எட்டு
மனிதனுக்கு
இன்னுமா தூக்கம்?
எழுங்கள்䤠குளியுங்கள்!
ஏடு படியுங்கள்
நடவுங்கள்- விரைவில்
நாழி ஆயிற்று!
ஏ…அப்பா…
என்னங்க என்றால்
இத்தனையா-
இத்தனையா?

எங்கோ பார்த்திருப்பேன்
‘என்னங்க” என்பாய்!
பேசுகிறேன்- பல நிமிடம்
பகல் கனா- என்ன?
பதிலைச் சொல்லுங்கள்
பணம் உண்டா?
‘பர்சில்” காணோமே?விழிபெயர்க்கும்
வினாக்கள் புதைத்த
‘என்னங்க” என்பது
இது தானோ…?

உளறிக்கொண்டிருப்பேன்
உற்றார் நண்பர்களிடம்!
கதவு ஓரத்தில் இருந்து
காது துழைக்கும்
‘என்னங்க”

இங்கே வாங்க கொஞ்சம்!
இன்னது பேசுவது
என்றில்லையா?
நாளைக்குக் கேலிவரும்!

அன்றொருநாள்- உனை
அழகுபடுத்தி- என்
அருகே படுத்திருப்பாய்!
அப்பாவி நானோ
அலைச்சலில் துவண்டு䤠
அரைத்தூக்கம் போடும் போது…

‘என்னங்க”
எனும் அழைப்பு-
இரவுச் சங்கீதத்தில்
இனிமைச் சங்கதி!

பூவும் பொட்டுமாய்
பூவுலகில் உனைவிட்டு
காலில்லாம் கட்டிலில்
கால் நீட்டி கண்மூடிநாலுபேர் தூக்க
நான் ‘போகும்” போது…

‘என்னங்க”
என்பாயே…!
எட்டுத்திசையும்- உன்
கூந்தல் மலர்
குதறி எறிவாயே!
அந்த ஒரு ‘என்னங்க”
மட்டும்
இந்தப் பாவியின் காதில்
எட்டாதே?

அடியார்-