பாலிஸ்டர் துணியில் பூ செய்யும் முறை

by ரேவதி Tue Nov 01, 2011 3:52 pm

தேவையான பொருட்கள் :

மஞ்சள் நிற பாலிஸ்டர் அல்லது சாட்டின் துணி
பசை
பச்சை நிற டேப்
வெள்ளை நிற டேப்
பட்டர் பேப்பர்
நூல்
மஞ்சள் நிற அக்ரிலிக் பெயிண்ட்
கம்பி
மார்க்கர்
சார்ட் பேப்பர்

நீங்கள் செய்ய போகும் பூவின் இதழ் ஒன்றை எடுத்து, ஒரு சார்ட் பேப்பரில்
வைத்து மாதிரி படம் வரைந்து வெட்டி எடுத்துக்கொள்ளவும். மாதிரி இதழ் இல்லை
என்றால் படத்தில் உள்ள வடிவத்தில் இதழ் வரைந்து வெட்டி எடுத்துக்
கொள்ளவும்.

படம் 2 :

சார்ட் பேப்பரில் வெட்டி வைத்திருக்கும் இதழை துணியின் பின்பக்கத்தில் வைத்து 5 இதழ்கள் வரைந்து கொள்ளவும்.

படம் 3 :

பிறகு இதழ்களை நறுக்கி எடுத்துக் கொள்ளவும். நறுக்கின இதழை விட ஒரு இன்ச் கூடுதலாக 5 கம்பிகள் வெட்டி எடுக்கவும்.

படம் 4 :

பிறகு கம்பியை படத்தில் உள்ளது போல் வளைத்து வெள்ளைநிற கம் டேப்பை ஒட்டவும். பிறகு இந்த கம்பியை இதழ்களில் ஒட்டவும்.

படம் 5 :

பின்னர் ஐந்து இதழ்களையும் பட்டர் பேப்பரில் ஒட்டி நன்கு காய விடவும்.

படம் 6 :

இதழ்கள் காய்ந்ததும் பட்டர் பேப்பரோடு சேர்த்து இதழ்களை தனித்தனியாக வெட்டி
எடுக்கவும். பிறகு பின் பக்கம் ஒட்டிய பட்டர் பேப்பருக்கு மஞ்சள் நிற
ஃபேப்பரிக் அல்லது அக்ரிலிக் பெயிண்ட் அடிக்கவும்.இவற்றின் நடுவே ஒரு கம்பியை வைத்து நூலால் கட்டிய பின் பச்சைநிற டேப்பை சுற்றி முடிக்கவும்.

படம் 7 :

இப்பொழுது பூவின் இதழ்களை உண்மையான பூவின் இதழ் போல் வளைத்து
அழகுப்படுத்தவும். சுலபமாக செய்யக்கூடிய அழகிய பூ ரெடி. இதுப்போல் நிறைய
பூக்கள் செய்து ஃப்ளவர் வேஸில் வைத்து அலங்கரிக்கலாம்.

நன்றி அறுசுவை. காம்