செல்லமே செல்லமே !

அ.இராஜ்திலக் · அ.இராஜ்திலக் Tue 1 Nov 2011 - 15:46

நர்கிஸ் 700 கோடி குழந்தையாம்
நீ !

எப்படியும் அதை
தெரிந்து கொள்ளபோவது
உன்விவரம் தெரியும் வயதில்தான்!
இதோ இந்த நினைவை வைத்துகொள்
உன் இடபக்க இதயத்தில் .

பிலிப்பைன்ஸ்,ரஷ்யா
இன்னும் பலவாய் புள்ளிவிவரங்கள் குழப்பிவிட்டாலும்
அவர்களையும் சேர்த்து
நீங்கள் அதிசய பிறவியல்லவா?

உமக்காக நாங்கள்
அனுப்பும் வாழ்த்துக்கள்
வந்து கொண்டேதான் இருக்கும்!

உங்களது வளர்ச்சி
உமது நாட்டின்பெருமையோடு
சேர்ந்து கொள்ளும் என்பதில்
ஆச்சர்யம் கூட்டிவைத்து
கொள்ளலாம் !

நலமும் வளமுமாய்
நாளைய வரலாற்றை
எழுதிய நேற்றைய செல்லமே
இன்று
என்னை என்ன
உறவு முறை சொல்லி கூப்பிட போகிறாய்
மாமா என்றா ?

நிச்சயம்
இன்று இரவு
உனக்காக
இரட்டை நிலவுகளுடன்
காத்து இருக்கிறேன்
உனக்கு ஒரு கதை சொல்ல.

முடிந்தால்
தாலாட்டை
தமிழில் கற்று பாட முயற்சி செய்கிறேன்.