புதுக்கவிக்குறள் - காமம்.புதுக்கவிக்குறள் - காமம்.

ரூபன் · ரூபன் Fri 25 Sep 2009 - 0:47

கண்டார் உயிருண்ணும் - காமத்துப்பால் - குறள் 1084

புதுக்கவிக்குறள் - காமம்.புதுக்கவிக்குறள் - காமம். Valluvar_vasuki

இதென்ன முரண்பாடு
பெண்மையெனும் மென்மை அழகை
பரிபூரணமாய்க் கொண்டிருக்கிறாள் இவள்
ஆனால் இவள் கண்களோ
காண்போரின் உயிர் உண்ணும்
தோற்றத்தையல்லவா கொண்டிருக்கின்றன

கண்டார் உயிருண்ணும் தோற்றத்தால் பெண்டகைப்
பேதைக்கு அமர்த்தன கண்

வல்லோன் வள்ளுவனுக்கு என் புதுக்கவிதைப் பூமாலை

கண்டுகொண்டேன் - காமத்துப்பால் - குறள் 1083

உயிர் பறிக்கும் காலனைக்
கண்டிருக்கவே இல்லை
நான் முன்பெலாம்
இப்போதோ
மாபெரும் விழிகளோடு
படையெடுத்துப் போரிடும்
பெண்ணென்று கண்டுகொண்டேன்

பண்டறியேன் கூற்றென் பதனை இனியறிந்தேன்
பெண்டகையால் பேரமர்க் கட்டு

3 காமத்துப்பால் - 1 களவு இயல்
109 தகையணங்குறுத்தல் - குறள் 1083

வல்லோன் வள்ளுவனுக்கு என் புதுக்கவிதைப் பூமாலை

படையாய்ப் பார்த்தாளே - காமத்துப்பால் - குறள் 1082

பார்த்தேன் நான் அவளை
பதிலாகப்
பார்த்தாள் அவளும் என்னை
வெறுமனே அவள் பார்த்தாலே
அந்தப் பார்வை எனைக்
கொன்று குவிப்பதாய் இருக்க
அவளோ
ஒரு படையையே
தன் விழிகளில் திரட்டி
என்னைப்
பார்த்துத் தொலைத்தாளே

நோக்கினாள் நோக்கெதிர் நோக்குதல் தக்கணங்கு
தானைக்கொண் டன்னது உடைத்து

3 காமத்துப்பால் - 1 களவு இயல்
109 தகையணங்குறுத்தல் - குறள் 1082

வல்லோன் வள்ளுவனுக்கு என் புதுக்கவிதைப் பூமாலை

மயங்கித் தவிக்கிறதே - காமத்துப்பால் - குறள் 1081

கனத்த
காதணி அணிந்த இவள்
தேவ மகளோ
அல்லது
அரியதோர் மயிலோ
அடடா
இவள் மானிடப் பெண்தானோ
மயங்கித் தவிக்கிறதே
என் நெஞ்சு

அணங்குகொல் ஆய்மயில் கொல்லோ கனங்குழை
மாதர்கொல் மாலும்என் நெஞ்சு

3 காமத்துப்பால் - 1 களவு இயல்
109 தகையணங்குறுத்தல் - குறள் 1081

வல்லோன் வள்ளுவனுக்கு என் புதுக்கவிதைப் பூமாலை