தொங்கு பாலம் அறுந்து ஆற்றில் விழுந்த 50 குழந்தைகள் பலி

**சிவா** · **சிவா** Sun Oct 30, 2011 8:18 am

பாலம் அறுந்து விழுந்தது

அருணாசல பிரதேசம், கிழக்கு காமெங் மாவட்டத்தைச் சேர்ந்த செப்பா நகரின் நுழைவாயிலில், காமெங் ஆற்றின் குறுக்கே தொங்கு பாலம் உள்ளது. 200 அடி நீளமுள்ள அந்த பாலம் வழியாக நேற்று மாலையில் ஏராளமான குழந்தைகள் நடந்து சென்றனர்.

உணவாக பயன்படுத்தப்படும் ஈசல் போன்ற ஒரு வகை பூச்சிகளை பிடிப்பதற்காக அவர்கள் ஒன்றாக சென்றனர். அப்போது திடீரென்று அந்த பாலம் அறுந்து விழுந்தது. இதனால் பாலத்தில் சென்று கொண்டிருந்த 100-க்கு மேற்பட்டவர்கள், ஆற்றுக்குள் விழுந்தனர்.

50 குழந்தைகள் பலி

அவர்களில் பலர் நீந்திக் கரை சேர்ந்தவர். ஏறத்தாழ 50 குழந்தைகள், ஆற்றில் அடித்துச் செல்லப்பட்டு பலியாகி இருக்கலாம் என்று அஞ்சப்படுகிறது. நேற்று இரவு வரை 5 பேர் உடல்கள் மட்டுமே மீட்கப்பட்டன.

ஆற்றில் ஏற்பட்ட திடீர் சூழல் காரணமாகவும், இரவாகிவிட்டதாலும், மீட்பு பணியில் பாதிப்பு ஏற்பட்டது. இதனால் எத்தனை பேர் பலியானார்கள் என்ற விவரம் இன்றுதான் தெரியும் என்று மாவட்ட போலீஸ் சூப்பிரெண்டு கிமி அயா தெரிவித்தார்.

தினதந்தி

**மாணிக்கம் நடேசன்** · 14/12/2009

ஐயோ பாவம் இந்த குழந்தைகள், பலர் இன்னும் உயிருடன் மீட்கப் பட வேண்டும்.

**Aathira** · **Aathira** Sun Oct 30, 2011 8:23 am

இதே போல நிகழ்ச்சி காட்மாண்டுவில் சென்ற வாரம். என் நண்பர் முதல்வராக உள்ள மார்க் க்ருகோரியஸ் கல்லூரி மாணவர்கள் சென்ற போது நிகழ்ந்துள்ள்து. மூன்று பெண்கள் பலி. மற்றவர்கள் தப்பித்தனர்.

பாலம் எத்தனை பேரைத் தாங்கும் என்று அறிந்து பின்னே செல்ல வேண்டும். அழைத்துச் செல்பவர்களும் சற்று கவனம் செலுத்த வேண்டும். சோகம்

**கேசவன்** · **கேசவன்** Sun Oct 30, 2011 9:09 am

**ராஜா** · **ராஜா** Sun Oct 30, 2011 9:18 am

வேதனையான செய்தி , தொங்கு பாலங்களில் நடக்கும்போது கவனம் தேவை, குதித்து நடக்க கூடாது. சிறு குழந்தைகளை அதுவும் இத்த்நை பேரை ஒரே நேரத்தில் எப்படி தான் அனுமத்தித்தார்களோ........