நாய் இறந்த ஏக்கம்: கிராம மக்கள் தீபாவளி புறக்கணிப்பு

**இளமாறன்** · **இளமாறன்** Fri Oct 28, 2011 11:10 am

வேலூர்: நாய் இறந்த ஏக்கத்தில் கிராம மக்கள் தீபாவளியை கொண்டாடமல் புறக்கணித்தனர். வேலூர் மாவட்டம் அரக்கோணம் அடுத்த குள்ளங்குட்டையை சேர்ந்தவர் கூலி தொழிலாளி குமார். இவரது மனைவி முனியம்மாள். இவர்களுக்கு குழந்தை இல்லாததால் ஒரு ஆண் நாயை வளர்த்து வந்தனர்.அந்த நாய்க்கு "பிளாக்கி' என பெயர் வைத்து அழைத்து வந்தனர். அந்த ஊர் மக்கள் அனைவரும் அந்த நாயை ஆசையுடன் அழைத்தனர். அந்த ஊருக்குள் அன்னியர்கள் யார் வந்தாலும் "பிளாக்கி' கடித்து குதறி விடும். கடந்த 4 ஆண்டுகளாக அந்த ஊரில் திருடர்கள் பயம் இல்லை. இந்த நிலையில் அடையாளம் தெரியாத வாகனம் மோதி "பிளாக்கி' கடந்த 23ம் தேதி இறந்து விட்டது. இதையடுத்து அந்த ஊர் மக்கள் ஒன்று சேர்ந்து 25 ஆயிரம் ரூபாய் செலவு செய்து பாடை கட்டி மனிதர்கள் இறந்தால் செய்யும் அனைத்து இறுதி சடங்குகள் செய்து "பிளாக்கி'யை புதைத்தனர். "பிளாக்கி' இறந்த ஏக்கத்தினால் அந்த ஊர் மக்கள் தீபாவளி பண்டிகையை கொண்டாடவில்லை. நேற்று ஒரு நாள் முழுவதும் எதுவும் சாப்பிடாமல், பேசாமல் மவுன விரதம் இருப்பதாக அந்த ஊர் நாட்டாண்மை சண்முகம் கூறினார்.

தினமலர்