காதலி தராத முத்தம்....

First topic message reminder :

காகங்கள் வீட்டின் மேற்கூரையிலிருந்து
கரைகின்றன.
வீட்டிற்கு விருந்தினர்கள் வரப்போவதாய்
"பக்ஷி சாஸ்திரம்" சொல்கிறது.
அப்பாவிற்கு சந்தோஷம்...
தனது அப்பா..அம்மா வரப் போவதால்.
குழந்தைகளுக்கும் சந்தோஷம்..
கதை சொல்லும் தாத்தா., பாட்டி வரப் போவதால்.
அம்மாவிற்கு அத்தனை இல்லை.
அவரவர் கவலை அவரவருக்கு.
********************************************
ஒரு குருடன் நடந்து வந்து கொண்டிருந்த
பாதையில் எதிர் திசையில் வந்தார் கடவுளும்.
தனக்காக பாதையிலிருந்து விலகாத
ஒருவனைப் பார்த்ததும் கொஞ்சம்
வருத்தமாகிவிட்டது கடவுளுக்கு.
ஒதுங்கி நின்ற கடவுள்...
அவன் தன்னைக் கடந்து செல்கையில்
அறிந்தார்..குருடன் என.
அவனிடம்...தன்னைக் "கடவுள்"
என்று சொல்லிக் கொள்ள முடியாத "கடவுள்"...
அதன்பிறகு---
வாய் திறந்து பேசவே இல்லை யாரிடமும்.
**********************************************
நீர் அருந்திய மேகம்
தவித்து அலைகிறது
மழைக் கனவுகளுடன்.
*************************************************
வாலைச் சுழற்றுகிறது.
தலையைத் தூக்குகிறது.
தொண்டை துடிக்கத் தன்
கேவல்களால்-
எதையோ சொல்ல முயல்கிறது.
அதன் தவிப்பைப் பார்க்கச் சகியாமல்
நான் பேச எழுந்தவுடன்...
தலை திருப்பி வேகமாய் ஓடிவிடுகிறது...
எங்கள் வீட்டுப் பல்லி.
******************************************
கல் சிலையாகி விடுகிறது...
களிமண் பொம்மையாகி விடுகிறது..
சில கோடுகள் ஓவியங்களாகி விடுகின்றன.
வாழ்க்கை அற்ற பொருள்களிலும்...
வாழ்ந்து விடுகின்றன ...
சில கன்வுகளும்..சிலரின் கனவுகளும்.
***********************************************
காற்றை ஓங்கி..ஓங்கி அறைகிறது பூனை.
அதன் கோபத்தில் தெரிகிறது
அதன் காதலி தர மறுத்த முத்தம்.
************************************************

அனைத்துமே சூப்பர்

ரேவதி wrote:அனைத்துமே சூப்பர்

ரொம்பவும் நன்றி! ரேவதி.

.தன்னைக் "கடவுள்"
என்று சொல்லிக் கொள்ள முடியாத "கடவுள்"..

அனைத்தும் அருமை அய்யா! எதார்த்தமாக உள்ளது..!

அருண் wrote:

.தன்னைக் "கடவுள்"
என்று சொல்லிக் கொள்ள முடியாத "கடவுள்"..

அனைத்தும் அருமை அய்யா! எதார்த்தமாக உள்ளது..!

ரொம்பவும் நன்றி! அருண்.

நீர் அருந்திய மேகம்
தவித்து அலைகிறது
மழைக் கனவுகளுடன்.


அனைத்தும் அருமை

இது ரொம்ப பிடிச்சிருக்கு

ரொம்பவும் நன்றி! ஜாஹீதா பானு.

மிகவும் அருமை

ரொம்பவும் நன்றி சுந்தர்ராஜ் தயாளன்