டூத்பேஸ்ட்'டில் கரப்பான் பூச்சி

First topic message reminder :

சென்னை : தரம் குறைந்த, "டூத் பேஸ்ட்'டை பயன்படுத்தியதால் உடல்நிலை பாதிக்கப்பட்டவருக்கு, நஷ்டஈடு வழங்க, சம்பந்தப்பட்ட தனியார் நிறுவனங்களுக்கு, நுகர்வோர் கோர்ட் உத்தரவிட்டுள்ளது.சென்னை, கே.கே.நகர், சிவலிங்கபுரத்தைச் சேர்ந்தவர் மணிமுத்து. இவர், மும்பை, ஹிராநந்தனி கார்டன்ஸ், கோல்கேட் - பாமோலிவ் (இந்தியா) நிறுவனத்தின் ஆராய்ச்சி மைய தலைவர், சென்னை, தி.நகர், ஜி.என்.செட்டிச் சாலை, யுனிட்டி எண்டர்பிரைசஸ் உரிமையாளர் மற்றும் அசோக் நகர், இரண்டாவது அவென்யூ, செல்வி ஸ்டோர்ஸ் உரிமையாளர் ஆகியோருக்கு எதிராக நுகர்வோர் கோர்ட்டில் தாக்கல் செய்த மனுவில், "செல்வி ஸ்டோரில், கடந்த 2004ம் ஆண்டு பிப்ரவரி 15ம் தேதி, மளிகை பொருட்களுடன், 100 கிராம், "கோல்கேட்' மூலிகை, "டூத் பேஸ்ட்'டும் வாங்கினேன்.
இரண்டு நாட்கள் கழித்து, அதைக் கொண்டு பல்துலக்கிய என் மனைவிக்கு, வாந்தி, பேதி ஏற்பட்டது. பின்னர், சோதித்துப் பார்த்தபோது, "டூத்பேஸ்ட்' நிரப்பப்பட்ட குழாயில், கரப்பான்பூச்சியின் உடல் உறுப்புகளை ஒத்த, கருமை நிற பொருட்கள் இருந்தது கண்டு அதிர்ச்சியடைந்தேன். நேர்மையற்ற முறையில் வணிகம் செய்ததற்கு நஷ்டஈடாக ஒன்பது லட்சம் ரூபாய் தர வேண்டும்' என, தெரிவிக்கப்பட்டுள்ளது.மனுவை விசாரித்த சென்னை(தெற்கு) நுகர்வோர் கோர்ட் நீதிபதி கோபால், தீனதயாளன் ஆகியோர் பிறப்பித்துள்ள உத்தரவில், "கிண்டியில் உள்ள, தொழில் கூட்டுறவு பகுப்பாய்வகம், தமது சான்றிதழில், மனுதாரர் வாங்கிய, "டூத் பேஸ்ட்' தரம் குறைந்தது என குறிப்பிட்டுள்ளது. நேர்மையற்ற வழியில் வணிகம் செய்ததற்கு நஷ்டஈடாக, எதிர்மனுதாரர்கள் மூவரும், மனுதாரருக்கு 50 ஆயிரம் ரூபாய் நஷ்டஈடும், வழக்குச் செலவாக 5,000 ரூபாயும் வழங்க வேண்டும்' என, தெரிவித்துள்ளனர்.

தினமலர்

நட்புடன் wrote:

KESAVAN wrote:

அய்யய்யோ ஒரு கரப்பாம் பூச்சிய அநியாயமா கொன்னுட்டாங்களே?

ஆம் ஒரு சிறு எறும்பென்றாலும் அதற்கும் நம்மைபோலவே வாழ்க்கை உள்ளது ,ஆகவே இது ஒரு கொலைக்கு சமமானது

இத நம்ம கலைஞர் கிட்ட சொன்னா போதும்
பொங்கி எழுந்து போராட்டம் நடத்தி அந்த களேபரத்தில
கணிமொழிய வெளில கொண்டு வந்துடப் போறாரு...

இதுக்கு ஏம்பா என் தலைவனை வம்புக்கு இழுக்குறீங்க?

எங்க டூத் பேஸ்டில் உப்புதான் இருக்கு..! இன்னும் கரப்பான் பூச்சி பாரண்ட் இன்னும் வாங்கவில்லை..!

இதுலதான் கலப்படம் பண்ணாம இருந்தாங்க இப்ப இதலாயுமா

இதில் எப்படி கரப்பான் வந்து இருக்கும்....ஒருவேளை சிறந்த கம்பனியை வீழ்த்த ஏதும் சதி திட்டமாக கூட இருக்கலாம்...

கலப்படம் மற்றும் தரமற்ற பொருள் உற்பத்தி எல்லா இடங்களிலும் இருக்கிறது. அதற்கு கோல்கேட் நிறுவனமும் விதிவிலக்கல்ல போலிருக்கிறது!!!