இங்கிலாந்துக்கு எதிரான 3-வது ஒருநாள் போட்டி: இந்தியா 5 விக்கெட் வித்தியாசத்தில் வெற்றி

மொகாலி, அக். 19-

இங்கிலாந்து கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 5 ஒருநாள் போட்டித் தொடரில் ஐதராபாத்தில் நடந்த முதல் ஆட்டத்தில் 126 ரன்னிலும், டெல்லியில் நடந்த 2-வது போட்டியில் 8 விக்கெட் வித்தியாசத்திலும் இந்தியா அபார வெற்றி பெற்றது.

இந்நிலையில் 3-வது ஒருநாள் போட்டி மொகாலியில் இன்று மதியம் 2.30 மணிக்கு தொடங்கியது.டாஸ் வென்ற இங்கிலாந்து அணி கேப்டன் குக் பேட்டிங் தேர்வு செய்தார். அதன்படி கீஸ்வெட்டரும், கேப்டன் குக்கும் தொடக்க ஆட்டக்காரர்களாக களம் இறங்கினார்கள்.

இங்கிலாந்து அணி 3.1 ஓவரில் 8 ரன் எடுத்திருக்கும்போது முதல் விக்கெட்டை இழந்தது. குக் 3 ரன்னி்ல் வினய்குமார் பந்தில் எல்.பி.டபிள்யூ. முறையில் ஆட்டம் இழந்தார்.அதன்பின் கீஸ்வெட்டருடன் ட்ராட் ஜோடி சேர்ந்தார். இங்கிலாந்து 53 ரன்கள் எடுத்திருந்தபோது கீஸ்வெட்டர் ஆட்டமிழந்தார். அவர் 38 பந்துகளை சந்தித்து 36 ரன்கள் எடுத்தார்.

அதன்பின்னர் பீட்டர்சன் ட்ராட்டுடன் இணைந்தார். இந்த ஜோடி அணியின் ஸ்கோரை சீரான நிலைக்கு கொண்டு சென்றது. பீட்டர்சன் 64 ரன்கள் எடுத்திருந்த நிலையில் ஜடேஜா பந்தில் எல்பிடபிள்யூ ஆனார்.

அடுத்து, களமிறங்கிய போபரா 34 ரன்கள் எடுத்து ஆட்டமிழந்தார். அதன்பிறகு ட்ராட்டுடன் ஜோடி சேர்ந்த படேல் அதிரடியாக விளையாடி 43 பந்துகளில் 74 ரன்கள் எடுத்து கடைசி வரை ஆட்டமிழக்காமல் இருந்தார். ட்ராட்டும் 116 பந்துகளுக்கு 98 ரன்கள் எடுத்து கடைசி வரை ஆட்டமிழக்கவில்லை. இங்கிலாந்து நிர்ணயிக்கப்பட்ட 50 ஓவரில் 298 ரன்கள் குவித்தது.

பின்னர் 299 ரன்கள் எடுத்தால் வெற்றி என்ற இலக்குடன் களம் இறங்கிய இந்திய அணி 49.2 ஓவர்களில் 5 விக்கெட் இழப்பிற்கு 300 ரன்கள் எடுத்தது. எனவே இந்திய அணி 5 விக்கெட் வித்தியாசத்தில் வெற்றி பெற்றது. அணியில் அதிகப்பட்சமாக ரகானே 91 ரன்களும்,காம்பீர் 58 ரன்னும் எடுத்தனர்.

இப்போட்டியில் வெற்றி பெற்றதன் மூலம் இந்தியா-இங்கிலாந்துக்கு இடையேயான 5 ஒரு நாள் கிரிக்கெட் போட்டிக்கான தொடரை இந்தியா கைப்பற்றியது.

மாலைமலர்

எப்படியோ தொடரை ஜெயிச்சாச்சு...... இதேபோல் மற்ற 2 போட்டிகளிலும் ஜெயித்து விட்டால் ரொம்ப நல்லாயிருக்கும்

மானத்தை காபாத்திட்டங்க

இங்கிலாந்தில் சரியான பிராக்டிஸ் கிடைக்கல ரேவா அதுவும் இல்லாம பிட்ச் ஈரமா வேற இருந்துச்சு அவங்க போடுற ஸ்பீடுக்கு பந்து எல்லாம் நல்லா வந்துச்சு நம்ம பசங்க போடுற ஸ்பீடுக்கு பந்து எல்லாம் லட்டு சாப்பிடுறியா கண்ணானு கேக்குற மாதிரி பேட்ஸ்மேன் கிட்ட வரும்போது ஸ்லோவா வந்துருச்சு அதான் முக்கிய காரணம்.........

தேவை 5-0 வெற்றி... வாழ்த்துக்கள் இந்தியா... இந்த தொடரில்
மூன்றாவது match தான் ரொம்ப நல்ல இருந்தது (Close finish - good entertainment / excitement ) -

பழிக்கு பழி!