நான்காவதும் நமக்கே..!

**ரா.ரமேஷ்குமார்** · 23/01/2011

இந்தியா மற்றும் இங்கிலாந்து அணிகளுக்கு இடையே ஆன நான்கவது ஒருநாள் போட்டி மும்பையில் உள்ள வான்கடே மைதானத்தில் இந்திய நேரப்படி பகல் 2.30 மணிக்கு தொடங்கியது.டாஸ் வென்ற இங்கிலாந்து அணி தலைவர் குக் முதலில் பேட் செய்வதாக அறிவித்தார்...
முதல் இரண்டு ஓவர்களை மெய்டன் செய்தாலும் அடுத்து சில ஓவர்களில் அதிரடியை காட்டிய துவக்க ஜோடி அதிக நேரம் நீடிக்காமல் அடுத்ததுத்த பந்துகளில் ஆட்டம் இழந்து ஆட்டம் இழந்தனர்.இதன் பின் களம் இறங்கிய பீட்டர்சனும்,டிராட்டும் இனைந்து ரன் கணக்கை அதிகரித்தனர்.22 வது ஓவரில் இந்த இணை பிரிந்த உடன் இங்கிலாந்து அணியின் ரன் வேகமும் குறைந்தது விக்கெட்டுகளும் சீரான இடைவெளியில் விழுந்தது.இறுதியில் பிரஸ்னன் மட்டும் தாக்கு பிடித்து ஆடி 45 ரன்களை எடுத்தார்.
இங்கிலாந்து அணி 46.1 ஓவரில் அனைத்து விக்கெட்டுகளையும் இழந்து 220 ரன்களை எடுத்தது.
புதிய வேகம்:
இன்றைய போட்டியில் அறிமுக வீரர் ஆக வருண் அரோன் என்ற வேகப்பந்து வீச்சாளர் களம் இறங்கினார்.உள்ளுர் போட்டியில் 153 கிலோ மீட்டர் வேகத்தில் பந்து வீசிய இந்தியாவின் இளம் வேகம் இவர்...
முதல் போட்டியிலே மூன்று விக்கெட்டுகளை வீழ்த்தியது குறிப்பிடதக்கது.
இந்திய பந்து வீச்சில் அஸ்வின்,அரோன் தலா மூன்று விக்கெட்டுகளையும்,ஜடேஜா இரண்டு விக்கெட்டுகளையும்,பிரவின்,வினய்குமார் ஒரு விக்கெட்களையும் எடுத்தனர்...
இன்றைய ஆட்டத்திலும் இந்திய அணியின் பீல்டிங் அருமையாக இருந்தது.
ஆரம்ப அதிர்ச்சி:
221 ரன்களை வெற்றி இலக்காக கொண்டு களம் இறங்கிய இந்திய அணி தொடக்கத்தில் 46 ரன்களுக்கு மூன்று விக்கெட்களை இழந்து தவித்தது.
இதன் பின் இனைந்த கோலி மற்றும் ரெய்னா இவர்களின் ஆட்டம் இந்திய அணியை வெற்றி பாதைக்கு இழுத்து சென்றது.
இருவரும் அரைசதம் கடந்தனர்.50 ரன்களுக்கு பின் ரெய்னாவின் ஆட்டத்தில் அனல் பறந்தது.
62 பந்துகளில் 80 ரன்களை எடுத்து ஸ்டிவென் பின் பந்தில் ஆட்டம் இழந்தர்.
இறுதியி டோனி மற்றும் கோலி இனை வெற்றி இலக்கை 223/4 கடந்தது. குதூகலம்

5 போட்டிகள் கொண்ட ஒரு நாள் தொடரில் 4-0 என்ற கணக்கில் இந்திய அணி முன்னிலை வகிக்கிறது. நடனம்

குறிப்பிட வேண்டிய நபர் ஸ்டிவென் பின்,இந்த பய புள்ள தேவையில்லாம நம்ம அணி வீரர்களிடம் பிரச்சனை பண்ணிட்டு இருக்கு.பிளின்டாப் பன்ன தப்புக்கு பிராட் வாங்கினார் அடி(அதுதாங்க ஆறு பந்துக்கு ஆறு சிக்ஸ்).அதுமாறி இந்த பையன் பந்து வீச்சையும் இறுதில் துவம்சம் செய்து விட்டார்கள் ஆனாலும் ரெய்னா ஆடும் போதும் ஆட்டம் இழந்து வெளியேறும் போதும் ஓவராக ரவுசு விட்டார் ஸ்டிவென் பின்... போட்டிக்கு ரெடி

puthiyaulakam · puthiyaulakam Sun Oct 23, 2011 10:09 pm

ஈகரை தமிழ் தளங்களின் தரவரிசைப்பட்டியலில் புதிய உலகம் இணையத்தளம் முதலாம் இடத்தைப்பிடித்துள்ளது. ஈகரை நிர்வாகத்தினர் மற்றும் நண்பர்கள் வாசகர்கள் அனைவருக்கும் எமது அன்பு கலந்த நன்றிகள். உங்கள் ஆதரவுக்கு நன்றி. :வணக்கம்:

**இளமாறன்** · **இளமாறன்** Sun Oct 23, 2011 11:54 pm

மும்பை, அக். 23-

இங்கிலாந்து கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 5 ஒருநாள் போட்டித் தொடரில் இதுவரை நடந்த 3 போட்டியிலும் இந்தியா வெற்றி பெற்று தொடரை வென்றது.

இன்று 4-வது போட்டி மும்பை மைதானத்தில் இந்திய நேரப்படி மதியம் 2.30 தொடங்கியது. இங்கிலாந்து டாஸ் வென்று பேட்டிங் தேர்வு செய்தது. தொடக்க ஆட்டக்காரர்களாக குக்கும், கீஸ்வெட்டரும் களம் இறங்கினார்கள். இருவரும் தொடக்கம் முதல் அடித்து விளையாடினார்கள். இதனால் ரன் விகிதம் அதிகரித்தது. ஆனால் 6வது ஓவரில் முதல் விக்கெட்டை இழந்தது இங்கிலாந்து.

6வது ஓவர் கடைசி பந்தில் குக் அஸ்வின் பந்தில் எல்.பி.டபிள்யூ. முறையில் அவுட் ஆனார். அவர் 19 பந்தில் 2 பவுண்டரியுடன் 10 ரன் எடுத்தார். அடுத்து 2 விக்கெட்டுக்கு கீஸ்வெட்டருடன் ட்ராட் ஜோடி சேர்ந்தார். 7வது ஓவர் முதல் பந்தில் கீஸ்வெட்டர் 29 ரன்னில் ஆட்டம் இழந்தார். அவர் 18 பந்தில் 4 பவுண்டரி, 3 சிக்சர் விலாசினார்.

அடுத்து 3வது விக்கெட்டுக்கு ட்ராட்டுடன் பீட்டர்சன் ஜோடி சேர்ந்தார். இருவரும் ஒரளவுக்கு தாக்குப்பிடித்து விளையாடினார்கள். இதனால் இங்கிலாந்து 18.4 ஓவரில் 100 ரன்னை தொட்டது. 22வது ஓவர் 3வது பந்தில் ட்ராட் வினய்குமார் பந்தில் அவுட் ஆனார். அவரைத்தொடர்ந்து பீட்டர்சன் 41 ரன்னில் அஸ்வின் பந்தில் அவுட் ஆனார். அப்போது இங்கிலாந்து 26.4 ஓவரில் 4 விக்கெட் இழப்பிற்கு 128 ரன் எடுத்திருந்தது.

அதன்பின் வந்த வீரர்கள் அடுத்தடுத்து அவுட்டானதால் இங்கிலாந்து அணி 46.1 ஓவரில் 220 ரன் எடுத்து ஆல் அவுட் ஆனது. பிரெஸ்னன் அதிகபட்சமாக 45 ரன் எடுத்தார். இந்திய அணி சார்பில் அஸ்வின், புதுமுக வீரர் ஆரோன் தலா 3 விக்கெட் வீழ்த்தினர்.

பின்னர் 221 ரன் எடுத்தால் வெற்றி என்ற இலக்குடன் களமிறங்கிய இந்திய அணி 40.1 ஓவர்களில் 4 விக்கெட் இழப்பிற்கு 223 ரன்கள் எடுத்தது. இதனால் இந்திய அணி 6 விக்கெட் வித்தியாசத்தில் வெற்றி பெற்றது. அணியில் அதிகப்பட்சமாக விராட் கோக்லி 86 ரன்களும் ரெய்னா 80 ரன்களும் எடுத்தனர்.

மாலைமலர்