கடாஃபியின் சொத்து மதிப்பு 10 லட்சம் கோடி ரூபாய்

**இளமாறன்** · **இளமாறன்** Sun 23 Oct 2011 - 20:12

வாஷிங்டன், அக்.22: புரட்சிப் படையால் கொல்லப்பட்ட லிபிய சர்வாதிகாரி மம்மர் கடாஃபியின் மொத்த சொத்து மதிப்பு ஏற்குறைய ரூ.10 லட்சம் கோடி (20 ஆயிரம் கோடி அமெரிக்க டாலர்) என்று அமெரிக்க நாளிதழ் செய்தி வெளியிட்டுள்ளது.

42 ஆண்டு காலம் லிபிய நாட்டை இரும்புக் கரம் கொண்டு ஆட்சி செய்தவர் மம்மர் கடாஃபி. இவரது ஆட்சிக்கு எதிராக அண்மையில் புரட்சி வெடித்தது. இந்த உள்நாட்டுப் போரில் அமெரிக்கா உள்ளிட்ட நேட்டோ நாடுகள் பங்கெடுத்தன. இறுதியாக கடந்த வியாழக்கிழமை கடாஃபியை புரட்சிப் படை கொன்றது. கடாஃபி கொல்லப்படுவதற்கு முன்பு அவருடைய சொத்து மதிப்பு ரூ.5 லட்சம் கோடியாக இருக்கும் என்று மேற்கத்திய நாடுகள் மதிப்பிட்டிருந்தன. ஆனால் சமீபத்திய கணக்கெடுப்பு அதைவிட இரண்டு மடங்காக உள்ளது.

தனது செல்வங்களை எல்லாம் வங்கிகளில் பணமாகவும், தங்கமாகவும், உலகின் புகழ்பெற்ற நிறுவனங்களில் முதலீடாகவும் வைத்திருந்துள்ளார் கடாஃபி. அமெரிக்காவில் மட்டும் 3 ஆயிரத்து 700 கோடி டாலர்களை முதலீடு செய்துள்ளார். அனைத்து ஐரோப்பிய நாடுகளிலும் மொத்தமாக 3 ஆயிரம் கோடி டாலர் முதலீடு செய்துள்ளார். பெரும்பாலும் மத்திய மற்றும் தென்மேற்காசிய நாடுகளிலேயே அவரின் முதலீடுகள் அதிகம் இருந்துள்ளன.

இத்தாலிய கால்பந்து கிளப்புகள், இத்தாலியின் யுனி கிரடிட் வங்கி, ஃபினான்சியல் டைம்ஸ் நாளிதழை நடத்தும் இங்கிலாந்து நிறுவனமான பியர்சன் போன்ற புகழ் பெற்ற நிறுவனங்களிலும் கடாஃபியின் முதலீடுகள் இருந்துள்ளன.

இவற்றையெல்லாம் அமெரிக்காவும், ஐரோப்பிய நாடுகளும் முடக்கிவிட்டன. கடாஃபிக்கு எதிராக ஐ.நா. பாதுகாப்புச் சபையில் தீர்மானம் கொண்டுவருவதற்கு முன்பாக இந்தியா, சீனா, ரஷியா நாடுகளில் உள்ள கடாஃபியின் முதலீடுகளையும் கைப்பற்ற, மேற்கத்திய அதிகாரிகள் பெரும் முயற்சி எடுத்தது குறிப்பிடத்தக்கது.

தினமணி

2009kr · 2009kr Sun 23 Oct 2011 - 20:16

கடாபியே ஆனாலும் போகும்போது எதையும் எடுத்துச்செல்லமுடியவில்லை!!

நட்புடன் · நட்புடன் Sun 23 Oct 2011 - 20:40

பத்து லட்சம் கோடி இருந்தென்ன பயன்?
ஒத்த உசிரு அவரு உடலை சொந்தம் கொண்டாட விரும்பலியே...

**கேசவன்** · **கேசவன்** Sun 23 Oct 2011 - 20:53

**ராஜா** · **ராஜா** Sun 23 Oct 2011 - 20:57

நட்புடன் wrote:பத்து லட்சம் கோடி இருந்தென்ன பயன்?ஒத்த உசிரு அவரு உடலை சொந்தம் கொண்டாட விரும்பலியே...

வாழ்ந்தவர் கோடி மறைந்தவர் கோடி மக்களின் மனதில் நிற்பவர் யார்?
42 வருடம் ஆட்சி செலுத்தி எவ்வளவு சொத்து சுகம் அதிகாரம் இருந்தென்ன பயன் வெற்றுடம்புடன் இறைச்சி கூடத்தில் கிடத்தி வைக்கபட்டது தான் வாழ்க்கை. கடாஃபியின் சொத்து மதிப்பு 10 லட்சம் கோடி ரூபாய் 440806

கடாஃபியின் சொத்து மதிப்பு 10 லட்சம் கோடி ரூபாய் 440806

**ayyamperumal** · **ayyamperumal** Sun 23 Oct 2011 - 21:14

அளவிற்கு மேலே பணம் வைத்திருந்தால்
அவனும் திருடனும் ஒன்றாகும் !

கூடுவிட்டு ஆவிபோனால்
கூடவே வருவதென்ன ?

நன்றி இளா !

**இளமாறன்** · **இளமாறன்** Sun 23 Oct 2011 - 22:04

ஏழை மக்கள் ஏழையாகவே இருக்கிறார்கள் ஆனால் நாட்டில் உயர்ந்த நிலையில் உள்ளவர்கள் அதிகம் மக்களின் உழைப்பை உறிஞ்சுபவர்களாகவே இருக்கிறார்கள் கோடிக்கணக்கில் சொத்து வைத்து கொள்கிறார்கள் என்ன கொடுமை சார் இது