எங்கும் தமிழ் எதிலும் தமிழ் - வீ ஆர் தங்க்லீஷ் பீப்புள்!!

சென்றமுறை எங்க ஊருக்கு (தில்லையாடி) போயிருந்தபொழுது ஒருநாள் வீட்டிலிந்து அப்படியே ஊர்சுற்றிவரலாம்னு நடந்து அப்படியே கடைத்தெருப் பக்கம் போனேன். கணேஷ் சைக்கிள் வாடிக்கை நிலையம்-னு விளம்பரப் பலகையைப் பார்த்துட்டு சரி நாமலும் ஒரு மிதிவண்டியை எடுத்துகிட்டு பக்கத்துக்கு ஊரு(திருக்கடையூர்) வரை போயிட்டு வரலாம்னு கிளம்புனேன்.

அந்தக் கடைகாரரிடம் ஒரு ஈருருளை வண்டி ஒன்னு கொடுங்கண்ணே என்றேன். கடைக்காரர் எதுவும் புரியாமல் என்னை மேலும் கீழுமாக பார்த்தார், ஆஹா அவருக்குப புரியவில்லை என்று சுதாரித்துகொண்ட நான் மறுபடியும் மிதிவண்டி கொடுங்கண்ணே என்றேன். யார பார்த்துடா மிதிப்பேன்னு சொல்ற என்று கோவமாக கையில் எதையோ எடுத்து என்னை அடிக்க ஓங்கினார். அங்கிருந்து ஓடினேன்....!

இன்னொரு டீ ஸ்டால் விளம்பர பலகை கண்ணில் தென்பட்டது. சரி ஒரு தேநீராவது குடிப்போமேன்னு சொல்லி கடைக்குள்ளே நுழைந்தேன்.அண்ணே ஒரு தேநீர் கொடுங்கள் என்றேன். சிறிது நேரம் கழித்து வெந்நீர் கொண்டுவந்து என்னிடம் கொடுத்தார் கடைக்காரர். அண்ணா நான் கேட்டது வெந்நீர் இல்லை தேநீர் என்றேன். அப்டீனா? என்றார் கடைக்காரர். இதுகூட தெரியாதா? நீங்கல்லாம் என்ன கடை நடத்துறீங்க என்றேன். கோவத்தில் கடைக்கார் இங்கேருந்து போறியா இல்லை கைல இருக்குற வெண்ணீற மூஞ்சுல ஊத்தவா என்றார். அங்கிருந்து ஓடினேன்....!

பயணிகள் நிழற்குடையைப் பார்த்துட்டு சரி பேருந்துலேயே திருக்கடையூருக்குப் போகலாம்னு நின்றுகொண்டிருந்தேன். சிறிது நேரத்திற்க்கெல்லாம் "நிவேதா மினி பஸ்" என்ற சிறிய பேருந்து வந்தது. பேருந்தில் ஏறினேன். சரி இன்னைக்காவது சரி பயணச் சீட்டு வாங்குவோம்னு சொல்லி "திருக்கடையூறு எவ்ளோ?" என்றேன் நடத்துனரிடம். திருக்கடையூர்லாம் விக்குறது இல்லை தம்பி என்றார் நடத்துனர்.

சரி நல்ல நகைச்சுவை சொல்றீங்க, எனக்கு ஒரு பயண சீட்டு கொடுங்க என்றேன். அப்டினா? என்றார் நடத்துனர். திருக்கடையூருக்கு டிக்கெட் ஒன்னு கொடுங்க என்றேன். பயண சீட்டை வாங்கிட்டு பேருந்தின் உள்ள சுற்றிப் பார்த்தேன், ஒரு அழகான பொண்ணுங்க கூட கண்ணுக்கு தென்படல. (நம்ம ஊர்ல தான் ஒரு பிகரும் கிடையாதே) சரி பயண சீட்ல என்னதான் எழுதிருக்கு என்று படிப்போமேன்னு படித்தேன். தூக்கி வாரி போட்டுது.

பயணச் சீட்டில் கீழே "சில்லரையாக கெடுக்கவும் என்று எழுதி இருந்தது". நடத்துனர்கிட்ட ஓடிபோயி என்னங்க இப்படி எழுதிருக்கே என்று காட்டினேன். அது ஒன்னும் இல்லை தம்பி ஒரு காலு விடுபட்டு போச்சி என்றார். அடப் பாவிகளா தமிழிக்கு உயிரே போயிட்டுதடா என்று பேருந்தை விட்டு ஓடினேன்....!

சரி ஓகேஅடுத்த பதிவுல பார்ப்போம். தேங்க்யூ, பாய்! பாய்!
என்ன இவ்ளோ சொல்லிட்டு நானே ஆங்கிலத்துல பேசுறேன்/எழுதுறேன்னு பாக்குறீங்கள? உபதேசம் ஊருக்கு தானே!

- பிச்ச!

அருமையா இருக்கு சரா , தொடர்ந்து இது போல நகைச்சுவை பதிவுகள் இட முயற்சி செய்

ராஜா wrote:அருமையா இருக்கு சரா , தொடர்ந்து இது போல நகைச்சுவை பதிவுகள் இட முயற்சி செய்

(எவ்ளோ சீரியஸா பேசிட்டு இருக்கேன் சிரிப்பு போலீசா?............ )

//பயணச் சீட்டில் கீழே "சில்லரையாக கெடுக்கவும் என்று எழுதி இருந்தது". நடத்துனர்கிட்ட ஓடிபோயி என்னங்க இப்படி எழுதிருக்கே என்று காட்டினேன். அது ஒன்னும் இல்லை தம்பி ஒரு காலு விடுபட்டு போச்சி என்றார். அடப் பாவிகளா தமிழிக்கு உயிரே போயிட்டுதடா என்று பேருந்தை விட்டு ஓடினேன்....!//

ஆஹா என்ன தமிழுணர்வு. இது போன்ற பதிவுகள் தமிழுணர்வை வளர்க்கும். தொடருங்க சரா.. நான் உங்க (த்மிழுக்கு/ ப்திவுக்கு) ரசிகைன்னு எழுதி கையெழுத்துப் போட்டுத் தரேன். வாழ்த்துகள்

அடா டா டா. புகழ்ந்து தல்றீங்களே!

தங்கள் அனுபவித்த இன்னல்கள் நகைசுவையுடன் கொடுத்தது
சூப்பர் பிச்ச அண்ணா..!

பிச்ச wrote:அடா டா டா. புகழ்ந்து தல்றீங்களே!

உடனே தமிழைக் இப்படி கொலை பண்ணுவீங்களா?

எங்க ஊருக்கு (தில்லையாடி) போயிருந்தபொழுது

என்று குறிபிட்டுள்ளீர்கள் ,தில்லையாடி எவ்வளவு சிறப்புமிக்க ஊர் ,தில்லையாடி வள்ளியம்மை மிகசிறந்த பெண்மணி ,அதுமட்டும் இல்லாமல் அருகில் இருக்கும் ஊர் திருக்கடையூர் என்று குறிபிட்டிருந்தீர்கள், திருக்கடையூர் அபிராமி கோவிலை பற்றி அனைவருக்கும் தெரியும் .இவ்வளவு சிறப்புமிக்க ஊர்களை வைத்துக்கொண்டு ஏன்

பிச்சக்கார பயலுக்கு ஏதுங்க வசிப்பிடம்

என்று குறிபிட்டுள்ளீர்கள்

(ஆஹா! கேசவன் அய்யா கொக்கி போட்டு இழுக்கிறாரே. சமாளிப்போம்)

நான் சும்மா சொன்னத பூரா நீங்க உண்மைனு நம்பிட்டீங்க..ஹய்யோ! ஹய்யோ!

பிச்ச wrote:(ஆஹா! கேசவன் அய்யா கொக்கி போட்டு இழுக்கிறாரே. சமாளிப்போம்)

நான் சும்மா சொன்னத பூரா நீங்க உண்மைனு நம்பிட்டீங்க..ஹய்யோ! ஹய்யோ!

இனி மேல் உங்கள் ப்ரோஃபைலில் வசிப்பிடம் என்று கேட்கபட்டுள்ள இடத்தில் திள்ளையாடி என்று மாற்றிவிடுங்கள்