28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

மீனு · மீனு Thu Sep 24, 2009 1:54 pm

28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ஜனாதிபதிக்கு மத்திய அரசு பரிந்துரை

ஜனாதிபதியிடம் பரிசீலனையில் உள்ள 28 கருணை மனுக்களில் 24 மனுதாரருக்கு மரண தண்டனையை நிறைவேற்றலாம் என்று மத்திய அரசு ஏற்கனவே பரிந்துரைத்து விட்டது என்று மூத்த வக்கீலும், காங்கிரஸ் செய்தி தொடர்பாளருமான அபிஷேக் சிங்வி கூறினார்

அப்சல் குருவின் கருணை மனு பற்றி அவர் எதுவும் கூற மறுத்து விட்டார்.

தூக்கு தண்டனை பெற்ற கைதிகள் தண்டனை நிறைவேற்றப்படுவதற்கு முன் இறுதியாக ஜனாதிபதிக்கு கருணை மனு செய்வர். இந்த மனுக்கள் மீது என்ன முடிவு எடுக்கலாம் என்று மத்திய அரசிடம் ஜனாதிபதி கருத்து கேட்பார். மத்திய அரசு தனது பரிந்துரையை ஜனாதிபதிக்கு அனுப்ப வேண்டும். கடந்த பல ஆண்டு களாக ஜனாதிபதிக்கு இவ்வாறு அனுப்பப்பட்ட 28 கருணை மனுக்கள் நிலுவையில் உள்ளன.

தூக்கு தண்டனை தொடர்பான வழக்கு ஒன்றில் கடந்த 18ம் தேதி உச்ச நீதிமன்றம் தீர்ப்பளித்தபோது, கருணை மனுக்கள் மீது முடிவு எடுக்க அசாதாரணமான காலதாமதம் ஏற்படுதால் மரண தண்டனை ஆயுள் தண்டனையாக மாறி விடுகிறது. மரண தண்டனை கைதிகள் தங்களுக்கு ஆயுள் தண்டனை வழங்குமாறு கேட்கும் தகுதியை பெற்றவர்களாகி விடுகிறார்கள் என்று கருத்து தெரிவித்தது.

இது தொடர்பாக தனியார் தொலைக்காட்சியில் நேற்று முன்தினம் இரவு கலந்துரையாடல் நிகழ்ச்சி நடந்தது. காங்கிரஸ் செய்தி தொடர்பாளர் அபிஷேக் சிங்வி, மூத்த வக்கீல் மகேஷ் ஜெத்மலானி ஆகியோர் பங்கேற்றனர். மரண தண்டனை தடை செய்யப் பட வேண்டும் என்பதை இருவருமே எதிர்த்தனர். மும்பை தாக்குதலில் பிடிபட்ட தீவிரவாதி கசாப் மீதான குற்றச்சாட்டு நிரூபிக்கப்பட்டால் அவருக்கு மரண தண்டனையைத் தவிர வேறு என்ன தண்டனை வழங்க முடியும்? என்று மகேஷ் ஜெத்மலானி கேட்டார்.

மரண தண்டனை கைதிகளின் 28 கருணை மனுக்கள் ஜனாதிபதியிடம் பல ஆண்டுகளாக கிடப்பில் கிடக்கும் விவகாரம் பற்றி பேசியபோது, 28 மனுக்களில் 24க்கு மரண தண்டனையை அமல்படுத்தலாம் என்று மத்திய அரசு தனது பரிந்துரையை ஜனாதிபதிக்கு அனுப்பிவிட்டது என்று சிங்வி கூறினார்.

நாடாளுமன்ற தாக்குதலில் மரண தண்டனை பெற்ற அப்சல் குருவின் கருணை மனு மீதான விமர்சனம் முழுவதையும் அபிஷேக் சிங்வி தவிர்த்து விட்டார். மரண தண்டனை பெற்ற வழக்குகளில் மிகவும் பழமையானது 1987ல் நடந்த சம்பவம். இந்த வழக்கில் 1998ல் தான் தண்டனையை உச்ச நீதிமன்றம் உறுதி செய்தது என்று சிங்வி மேலும் தெரிவித்தார்

பிரகாஸ் · பிரகாஸ் Thu Sep 24, 2009 2:36 pm

வெளியில் இருக்கும் அரசியவதிகளுக்கு எபோது ?

ஈழமகன் · ஈழமகன் Thu Sep 24, 2009 3:15 pm

தூக்குத்தண்டனையை தீர்மானிப்பதே தூக்குக்கு போகவேண்டியவர்கள் தானே?

நமது ஈழத்தில் மரண தண்டனைகள் வழங்கப்பட்டன இதனை பலர் எதிர்த்தனர். இதுவரை காலமும் எந்த நாட்டிலும் இல்லாத அரசியல் நிர்வாகம் நம்மவர்கள் செய்தார்கள். அவர்கள் செய்த வெளிப்படையான எல்லோர் முன்னிலுமான மரண தண்டனைதான் தப்பு செய்ய நினைத்தவர்களையும் பெட்டிகுள் அடக்கியது..

மரண தண்டனை என்றால் அதை ஒரு பெயரளவிலேயே பார்த்தவர்களுக்கு இப்படித்தான் இருக்கும் என்று நேரடியாக காட்டி மற்றவர்களை அடக்கியவர்கள்.

மரண தண்டனை என்பது கொடூரமானதாக இருந்தாலும் நடக்க இருக்கும் கொடூரங்களை தடுக்க‌ இது போண்ர ஒரு மரண தண்டனை போதுமானது

பிரகாஸ் · பிரகாஸ் Thu Sep 24, 2009 3:20 pm

மரண தண்டனை என்பது கொடூரமானதாக இருந்தாலும் நடக்க இருக்கும் கொடூரங்களை தடுக்க‌ இது போண்ர ஒரு மரண தண்டனை போதுமானது
இருப்பினும் எம்மக்களுக்கு கிடைத்த உயிர் பறிப்புக்கு யார் கொடுப்பார் இத் தண்டனை

Sponsored content · Sponsored content

28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

Re: 28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

Re: 28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

Re: 28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

Re: 28 மரண தண்டனை கைதிகள் கருணை மனு: 24 பேருக்கு தண்டனையை நிறைவேற்ற ..........

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக