"இன்று விளைந்த முத்துக்கள்"

**rameshnaga** · **rameshnaga** Wed Oct 19, 2011 9:32 pm

First topic message reminder :

பள்ளிக்கூடத்துச் சுவர்கள்
வெறுப்பில் வளைந்து நெளிகிறது....
அதன் முதுகில் எல்லாம்
"வயது வந்தவர்களுக்கு மட்டும்".
*********************************
இரவு
தொலைத்துவிடுவது
வெளிச்சத்தை மட்டும் இல்லை.
**********************************
கோவில் தூண்கள்
காதைத் தீட்டிக் கொள்கின்றன...
"ஊர் வம்பு"...ஆரம்பம்.
************************************
சுதந்திர தேசம்...
யார் அனுமதியும் தேவை இல்லை...
"மூச்சு விட" மட்டும்.
***********************************
மரங்களின் அழுகையை
பறவைகள் மொழிபெயர்க்கின்றன...
இலையுதிர்காலம்.
************************************
நீ விலகிய பின்னும்
என்னோடு வந்து கொண்டிருக்கிறது
"என்னுடைய" காதல்.
*************************************
வெறும் கயிறுதான்..
பாம்பாய்த் தெரிகிறது.
கொத்திவிட்டதாய் பயமுறுத்தியும் விடுகிறது.
***************************************
தற்கொலையல்ல! கொலைதான்.
அம்மாவைச் சுற்றிவருகிறது
குழம்பில் கொதித்த கோழியின் ஆவி.
***************************************
பிச்சைக்காரர்களின் "அம்மா....."
வீதியில் உலவும் கடவுள்கள்
காசு போடுகின்றன மகத்தான கருணையோடு.
****************************************
"ஹைக்கூ" எழுத ஆசை.
ஒரு வரி முடிந்துவிட்டது.
கடைசி வரி சிரிக்கிறது என் "ஹைக்கூ"வைப் பார்த்து.
******************************************

**ஹிஷாலீ** · **ஹிஷாலீ** Thu Oct 20, 2011 2:08 pm

எதையும் தனித்து கூறமுடியவில்லை அனைத்தும் அருமை.

**உமா** · **உமா** Thu Oct 20, 2011 2:17 pm

அனைத்துமே ரசிக்கும்படி ... மகிழ்ச்சி

செய்தாலி · செய்தாலி Thu Oct 20, 2011 2:24 pm

சிறப்பான வரிகள்
சிறந்த சிந்தனைகள்

முத்துக்கள் அருமை கவிஞரே

பூஜிதா · பூஜிதா Thu Oct 20, 2011 2:27 pm

அருமையான் வரிகள் அருமையிருக்கு

kitcha · kitcha Thu Oct 20, 2011 2:53 pm

அனைத்தும் அருமை அருமையிருக்கு

**rameshnaga** · **rameshnaga** Thu Oct 20, 2011 4:14 pm

ரொம்பவும் நன்றி! ஹிஷாலீ., உமா, செய்தாலி,பூஜிதா., கிச்சா.

முகம்மது ஃபரீத் · 07/07/2011

அருமை அருமை சூப்பருங்க

**rameshnaga** · **rameshnaga** Thu Oct 20, 2011 4:30 pm

முகம்மது ஃபரீத் wrote:அருமை அருமை

ரொம்பவும் நன்றி! முகம்மதுஃபரீத்.

**Manik** · **Manik** Thu Oct 20, 2011 5:33 pm

நண்பா எல்லா கவிதையும் ரொம்ப ரொம்ப ரொம்ப சூப்பரா இருக்கு

அழுத்தமான வரிகள் அத்தனையும்

இரவு
தொலைத்துவிடுவது
வெளிச்சத்தை மட்டும் இல்லைனு சொல்லிருக்கீங்க இதுக்கு அர்த்தம் புரியலையே