இந்தியா- பாகிஸ்தான் பார்வையற்றோர் கிரிக்கெட்

இந்தியா- பாகிஸ்தான் பார்வையற்றோர் கிரிக்கெட் அணிகள் நவம்பர் மாதம் மோதல்

கராச்சி: இந்தியா- பாகிஸ்தான் நாடுகளை சேர்ந்த மாற்றுத் திறனாளிகளின் கிரிக்கெட் போட்டிகள் அடுத்த மாதம் நடத்தப்பட உள்ளதாக, பாகிஸ்தான் அதிகாரிகள் தெரிவித்துள்ளனர்.

மும்பை தீவிரவாத தாக்குதலுக்கு பின் பாகிஸ்தான் உடனான கிரிக்கெட் உறவை துண்டித்து கொண்ட இந்தியா, அதன்பின் கடைசியாக உலகப் போட்டியில் நடந்த ஒருநாள் போட்டியில் தான் மோதின. இதில் இந்தியா வெற்றி பெற்றது.

அதன்பின் இந்தியா -பாகிஸ்தான் கிரிக்கெட் அணிகளுக்கு இடையேயான சர்வதேச கிரிக்கெட் போட்டிகள் நடத்துவதில் பலமுறை இழுபறி ஏற்பட்டு, தற்போது முழுவதுமாக கைவிடப்பட்டுள்ளது. இந்நிலையில் 2 நாடுகளை சேர்ந்த பார்வையற்ற மாற்றுதிறனாளிகள் பங்கேற்கும் கிரிக்கெட் போட்டியை பாகிஸ்தானில் அடுத்த மாதம் நடக்க முடிவு செய்திருப்பதாக, பாகிஸ்தான் அதிகாரிகள் தெரிவித்துள்ளனர்.

இதுகுறித்து பாகிஸ்தான் பார்வையற்றோர் கிரிக்கெட் வாரிய தலைவர் சையது சுல்தான் ஷா கூறியதாவது, அடுத்த மாதம் இறுதியில் இந்தியா- பாகிஸ்தான் அணிகளுக்கு இடையேயான கிரிக்கெட் போட்டியை நடத்த முடிவு செய்துள்ளோம். அதில் 3 டி20 போட்டிகளும், 3 ஒருநாள் போட்டிகளும் நடத்தப்படும். இதன்மூலம் 2 அணிகளிடையே கிரிக்கெட் போட்டிகளின் மேலும் அதிகரிக்கும் என நம்புகிறோம்.

லாகூரில் 2 அணிகளும் மோதும் முதல் டி20 போட்டி நவம்பர் 18ம் தேதி துவங்கும். பின் 19ம் தேதி 2வது போட்டியும், 3வது போட்டி 20 தேதியும் நடைபெறும். அதற்கு அடுத்தபடியாக நவம்பர் 22ல் முதல் ஒருநாள் போட்டியும், பின் 24 மற்றும் 26ம் தேதிகளில் 2 மற்றும் 3வது ஒருநாள் போட்டிகள் நடைபெறும்.

இதற்காக இந்தியா பார்வையற்றோர் கிரிக்கெட் அணியினர் பாகிஸ்தான் எல்லைக்குள் நுழையும் போது வாகா எல்லையில் அவர்களுக்கு சிறப்பான வரவேற்பு அளிக்கப்படும். இந்த போட்டிகளின் இந்தியா- பாகிஸ்தான் மக்கள் நண்பர்கள் தான். 2 நாடுகளிடையே உள்ள பிரச்சனைகளில் கிரிக்கெட் போட்டிகள் தடைப்பட கூடாது என்றார் அவர்.

thatstamil