மொதல்ல பயம்.. அப்பறம் ஜாலி !

ரேவதி · ரேவதி Tue Oct 18, 2011 12:24 pm

'பாஸ்
(எ) பாஸ்கரன்' படத்தில் முக்கியமான பாத்திரத்தில் நடித்தவர் அஸ்வின் ராஜா.
படத்தில் டுடோரியல் பள்ளி மாணவராக நடித்து இருந்தார். படத்தில் இவரது
நடிப்பு பெரும் வரவேற்பை பெற்றது.

அஸ்வின் அடுத்தடுத்து பல்வேறு
படங்களில் நடித்து வருகிறார். பிரபுசாலமன் இயக்கி வரும் 'கும்கி' படத்தில்
முக்கிய பாத்திரத்தில் நடித்து வருகிறார் அஸ்வின்.

இது குறித்து
அஸ்வின் கூறியிருப்பது " பிரபு சாலமன் சார் இயக்கத்தில் நடித்து வருவது
மகிழ்ச்சி அளிக்கிறது. படத்தில் யானையுடன் இருக்கும் ஒரு இளைஞராக நடித்து
இருக்கிறேன்.

படத்தின் நாயகனான விக்ரம் பிரபுவிற்கு யானையை நான்
தான் பழக்கப்படுத்துவேன். படத்தில் யானையுடன் முதலில் நடிக்கும் போது
மிகவும் பயமாக இருந்தது.

பின்னர் யானையுடன் பழகி நட்பாகிவிட்டேன்.
பிறகு படப்பிடிப்பு ஜாலியாகி விட்டது. தம்பி ராமையா சார், பிரபுசாலமன் சார்
ஆகியோர் பங்கேற்கும் படத்தில் நான் நடித்து இருப்பது பெருமையாக
இருக்கிறது " என்று தெரிவித்துள்ளார்.

விகடன்