உலக உணவு தினம் (16.10.2011)

அ.இராஜ்திலக் · அ.இராஜ்திலக் Sat Oct 15, 2011 5:32 pm

நூறு கோடி மக்களெல்லாம்
நொடிக்கு நொடி அனுபவிக்கும்
கொடுமையான பசி போக்க
கொள்கையொன்று வகுத்தளித்து
சர்வதேச உறுதி மொழியாய்
சாப்பாட்டுக்கு பகிர்ந்தளிக்க
சபதமொன்று ஏற்று கொள்ள
சரித்திரத்தை மாற்றலாமா ?

மூன்று வேளை உணவு கிடைக்க
முன்னேறிய ஒவ்வொருவரும்
தன் பங்கை ஆற்றி விட்டால்
தரணியில் ஏது பசி பட்டினி ?

எச்சிலிலை உணவு உண்ணும்
இப்போதும் எண்ணற்ற மக்களிருக்க
எப்படித்தான் வளர்ச்சி வரும்
யார் வந்து மாற்றுவார்கள்

ஏன் நாம் கூட மாறலாமே
இனி பசுமை புரட்சி வளர்த்தெடுத்து
உணவு பொருளின் உற்பத்தியினை
உலகமெங்கும் கொடுத்திடுவோம்.