உபுண்டு 11.10 - மாற்றங்களின் ஆரம்பம்

ஆளுங்க · ஆளுங்க Sun Oct 16, 2011 2:56 pm

உபுண்டு 11.10 - மாற்றங்களின் ஆரம்பம்

உபுண்டு (Ubuntu) என்கிற ஒப்பற்ற இயங்கு தளத்தின் அருமை பெருமைகளை அதனை பயன்படுத்துபவர்கள் அறிவர்!!

திறமூல இயங்குதளங்களில் ஒன்றான உபுண்டுவின் முக்கிய சிறப்பம்சங்கள்:

* விண்டோஸ் தளத்தில் இருந்தே நிறுவ முடியும்
* எந்த மென்பொருளையும் அதிக சிரமம் இன்றி எளிதாக நிறுவவும், பயன்படுத்தவும் முடியும்.
* MP3 முதலிய காப்புரிமை பெறப்பட்ட கோடெக் போன்றவற்றுக்கும் நல்லதொரு ஆதரவு தருகிறது. (சில வகை லினக்ஸ் இயங்குதளங்களில் இது கடினம்!)
* மிகவும் முக்கியமான சிறப்பம்சம்- கணிணி உங்கள் தாய் மொழியில் உங்களுடன் உரையாடும் (விண்டோஸ் தளத்தில் இதனைப் பெற எவ்வளவு கடினம் என்பதை பயனாளர்கள் அறிவர்)

"பாமரர்களின் லினக்ஸ்" என்று புகழ் பெற்ற உபுண்டு ஆறு மாதங்களுக்கு ஒரு முறை ஒரு புதிய பதிப்பை வெளியிடுவது வழக்கம்..

2011 ஆம் ஆண்டு அக்டோபர் 13 ஆம் நாள் வெளியான பதிப்பு தான் உபுண்டு 11.10
ஒவ்வொரு பதிப்பிற்கும் வித்தியாசமான ஒரு பெயர் இடுவது உபுண்டு குழுவின் சிறப்பு. உபுண்டு 11.10 Oneiric Ocelot என்று பெயரிடப்பட்டு உள்ளது..

உபுண்டு 11.10 - மாற்றங்களின் ஆரம்பம் Images

உபுண்டு 11.10 - மாற்றங்களின் ஆரம்பம் Images

உபுண்டு 11.10 Oneiric Ocelot பதிப்பின் சிறப்பம்சங்கள்:

* மிகவும் அருமையான உள்நுழைதல் மேலாண்மை (Login Manager)
* எளிதாக மென்பொருள் கண்டறியும் வசதி
* தேஜா டப் (Deja Dup) என்கிற காப்புப்படி (Backup) வசதி
* எளிமையாக்கப்பட் ட கோப்பு மேலாண்மை
* உபுண்டு முகப்பு Unity ஆல் அலங்கரிக்கப்பட்டுள்ளது. எனவே, மேம்படுத்தப்பட்ட அணுகுமுறை.
* பாரம்பரியம் மிகுந்த க்னோம் (Gnome Classic) இனியும் முகப்பில் இருக்கப்போவதில்லை. அதற்குப் பதில், Gnome 3.2 உள்ளது.
* விண்டோஸ் இயங்கு தளத்தில் உள்ளது போலவே, Alt + Tab அழுத்தி பல வேளைகளுக்கு இடையில் மாறலாம்!!
* 64- பிட் கணிணிகளில் 32-பிட் ஆதரவு மேம்படுத்தப்பட்டுள்ளது.
* தமிழ் மொழியில் படிக்க மற்றும் எழுத முழு ஆதரவு

உபுண்டு 11.10 - மாற்றங்களின் ஆரம்பம் Ubuntu-unity

உபுண்டு 11.10 - மாற்றங்களின் ஆரம்பம் Ubuntu-unity

பதிப்புடன் வரும் திறமூல மென்பொருட்கள்:

இணைய உலாவி : பயர்பாக்ஸ் 7.0
இசைப்பான்: பேன்ஷீ (Banshee)
படங்கள் ஒருங்கிணைப்பு: ஷாட்வெல் (Shotwell)
ஆவணங்கள்: லிப்ரே ஆபிஸ் (Libre Office)
வட்டு எழுதி: பிரசரோ (Brasero)
மின்னஞ்சல்: தண்டர்பேர்ட் (Thunder bird)
டொரெண்ட்: பிட் டிரான்ஸ்மிஷன் (Bit Transmission)
ஆவணக்காப்பு (Archive): Archive Manager
சமூக தொடர்பு (Chat, Face Book போன்றவை): கிவிப்பர் (Gwibber)

மேலும் பல....

இப்போதே உபுண்டு 11.10 தரவிறக்கம் செய்யுங்கள்..
அதன் பிரம்மாண்டத்தில் உங்களை உணருங்கள்!!

உபுண்டு 11.10 - மாற்றங்களின் ஆரம்பம் Ubuntulogin-640x480

உபுண்டு 11.10 - மாற்றங்களின் ஆரம்பம் Ubuntulogin-640x480

நான் இந்த பதிவை எழுதுவதே அதனைக் கண்ட பின் தான் என்று சொல்லவும் வேண்டுமா??

என்ன உபுண்டு 11.10 இல் நுழைய தயாராகி விட்டீர்களா?
உபுண்டு 11.10 - மாற்றங்களின் ஆரம்பம் Image

பி.கு: என் வலைப்பூவில் இருந்து மறு பதிப்பு செய்யப்பட்டது

kitcha · kitcha Sun Oct 16, 2011 2:59 pm

லிங்கை கொடுத்தால் நன்றாக இருக்கும்

ஆளுங்க · ஆளுங்க Sun Oct 16, 2011 3:03 pm

உபுண்டு ஒரு இயங்குதளம் (OS) என்பதை நினைவில் கொள்க!
தரவிறக்க இணைப்பு:உபுண்டு

kitcha · kitcha Sun Oct 16, 2011 3:06 pm

ஆளுங்க wrote:உபுண்டு ஒரு இயங்குதளம் (OS) என்பதை நினைவில் கொள்க!
தரவிறக்க இணைப்பு:உபுண்டு

**அருண்** · **அருண்** Sun Oct 16, 2011 3:20 pm

நன்றி ஆளுங்க!!

**ரா.ரமேஷ்குமார்** · 23/01/2011

அருன் அண்ணா தாங்கள் உபுண்டு இயக்கு தளத்தினையா பயன்படுத்துகிறீர்கள்... மகிழ்ச்சி

நான் உபுண்டு 11.04 பயன்படுத்துகிறேன் சில நாட்களாக தான் மீண்டும் விண்டோஸ்யை பயன்டுத்துகிறேன்... புன்னகை

ஆளுங்க · ஆளுங்க Sun Oct 16, 2011 8:59 pm

ரா.ரமேஷ்குமார் wrote:அருன் அண்ணா தாங்கள் உபுண்டு இயக்கு தளத்தினையா பயன்படுத்துகிறீர்கள்...
நான் உபுண்டு 11.04 பயன்படுத்துகிறேன் சில நாட்களாக தான் மீண்டும் விண்டோஸ்யை பயன்டுத்துகிறேன்...