ரயில் பயணத்தில் - கட கட கிடு கிடு குடு குடு

aathma · aathma Fri Oct 14, 2011 2:02 pm

First topic message reminder :

லொட லொட புகை வண்டி ஒண்ணு

சிக்கு புக்குன்னு சத்தம் போட்டுகிட்டு

குபு குபுன்னு புகைய விட்டுகிட்டு

குக் கூன்னு விசிலு அடிச்சுக்கிட்டு

தட தடன்னு அதிர்ந்து ஓடுது

குடு குடுன்னு மலையும் ஏறுது

கிடு கிடு பள்ளத்த பாத்து

பக் பக்குன்னு பயமும் வருகுது

திக் திக்குன்னு மனசும் பதறுது

சல சலன்னு நதியும் ஓடுது

க்வக் க்வக்குன்னு வாத்து கத்துது

ஜல் ஜல்லுன்னு சத்தம் கேட்குது

கொழு கொழு மாடு மேயுது

பட படன்னு காத்து அடிக்குது

தட தடன்னு இடி இடிக்குது

பளீர் பளீர்ன்னு மின்னல் மின்னுது

திடு திடுன்னு மழையும் வருகுது

சுடச் சுட வரும் காப்பி கேனை பாத்து

நம நமன்னு நாக்கும் ஊறுது

பல பல பஜ்ஜிகள் தட்டிலே இருக்கு

கம கமன்னு வாசனை வருகுது

கப கபன்னு வயிறும் பசிக்குது

குடீர் குடீர்ன்னு அம்மா அடிக்குறா

வீல் வீல்ன்னு குழந்த அலறுது

தர தரன்னு இழுக்குறான் தகப்பன்

விடு விடுன்னு குழந்த ஓடுது

தள தளன்னு இருக்குற பொண்ணையும் பாத்து

தகிட தகிட தாளம் போடுது மனசு

குறு குறுன்னு பாக்கிற அப்பன பாத்து

திரு திருன்னு முழிக்குது கண்ணு

திபு திபுன்னு வந்த குண்டம்மா ஒன்னு

தள்ளு தள்ளுன்னு எல்லாரையும் தள்ளீட்டு

பர பரன்னு படுக்கைய போட்டு

கட கடன்னு கால நீட்டி படுத்துகிட்டு

கொர் கொர்ருன்னு குறட்டையும் விடுது

குடு குடு தாத்தா ஒன்னு

மொஜ் மொஜ்குன்னு பொக்கவாயினாலே

ஜவ்வு ஜவ்வுன்னு இழுக்கிற மிட்டாய் சாப்பிடுது

டொக் டொக்குன்னு பாக்க இடிச்சு

டக் டக்குன்னு வாயில போடுது பாட்டி

கட்டு கட்டுன்னு செமகட்டு கட்றான் சாதத்த ஒருத்தன்

சர் சர்ருன்னு இழுக்குறான் மூக்கு பொடிய ஒருத்தன்

ஹச் ஹச்சுன்னு தும்மரான் ஒருத்தன்

கிறு கிறுன்னு போதையில கிடக்குறான் ஒருத்தன்

வெறிக்க வெறிக்க பாக்குறான் ஒருத்தன்

கடு கடுன்னு முறைக்கிறான் ஒருத்தன்

தொண தொணன்னு பேசுறா ஒருத்தி

சிடு சிடுன்னு எரிஞ்சு விழரா ஒருத்தி

கல கலன்னு சிரிக்கிறா ஒருத்தி

பராக் பராக்குன்னு பாக்குறா ஒருத்தி

தடால் தடால்ன்னு டாய்லெட் கதவு திறக்குது

குப்பு குப்புன்னு கப்பு அடிக்குது

கெஸ் கெஸ்ன்னு மூச்சு முட்டுது

டக் டக்குன்னு இதயம் அதிருது

ஜிலு ஜிலுன்னு காத்து அடிக்குது

வெட வெடன்னு உடம்பு நடுங்குது

கர கரன்னு தொண்ட வறழுது

சுடச் சுட தண்ணி குடிக்க கேட்குது

திடு திடுன்னு வண்டி ஸ்டேஷனில் நுழையுது

அடடா இறங்கும் இடமும் வந்தாச்சு

கனம் கனமான பெட்டிகள தூக்கிகிட்டு

சட்டு புட்டுன்னு இறங்கியாச்சு

டாட்டா டாட்டான்னு சொல்லீட்டு வண்டியும் போயிருச்சு புன்னகை