தாலாட்டு என் மகனுக்கு - அப்துல்லாஹ்

அப்துல்லாஹ் · அப்துல்லாஹ் Tue Oct 11, 2011 9:57 am

அழகான மலர்க் காம்பு
அம்மாவின் விரல்கள் போல
அந்த விரல்கள்
கொஞ்சம் கருத்தும்
காய்ந்தும் வரிவரிகளாக
வெடித்தும்

காய்ச்சலின் போது
களிம்பு தடவ அம்மாவின் அந்த
கருத்த காய்த்த வரியுள்ள...
விரல்கள்
எத்தனை முறை
என் நெற்றியை நெஞ்சை
முதுகின் தண்டை
களிம்பு தொட்டுத்
தடவுகையில்
விரலில் அந்தச் சூடும்
அவளின் மன ஏக்கமும்
என் நோய்மை பற்றிய கவலையும்
என் மீதான அளவு கடந்த
வாஞ்சையுமாய்
விரல் காய்ப்பின் வழி ஊடுறுவும்...
உடலைத் தொட்டுத் தடவும்

அது படரும் பாதையில்
சில சமயம் அவளின்
விழிநீரின் முத்துக்களும்
சேர்த்தே நீவப்படும்...

மெல்லிசாய் முணுமுணுத்துத்
துவங்கும் அவளது
தாலாட்டுப் பாடல்
அதன் இறுதில் விசித்து
கசிந்து கண்ணீர் சிந்தி
வழக்கம் போலவே முடியும்...

அம்மாவின் மனசில்
அடிக்கடி சோகம் காண
அப்பாவும் காரணம்...
அவரின் வீரம்
வெறியோடு வெளிப்பட
வீட்டில்
நெளிந்திருக்கும் சொம்பு
தட்டைகள் கிண்ணங்கள்
தோட்டத்தில் ...
பாத்தியில் பொருத்தப்பட்ட
மண்பானையின் உடைந்த
ஓட்டுத் துண்டுகள்...

அவளின்
அழகான நெற்றியில்
காணும் கூட்டல் தழும்பு
இன்னமும் இருள்
தழுவிய அவளின்
புனித அதரங்களில்
எத்தனை எத்தனையோ
அம்மா எனும் அப்பிராணி
அவருக்கு ரௌத்திரம் காட்ட
அவசியம்;;; அது போல
அம்மாவுக்கும் அவருக்கு
அடிமையாய் வாழ

என் அம்மா பாடிய தாலாட்டை
நான் பாடச் சொல்லி
அதை அடிக்கடிக் கேட்க
என் மகனுக்கும்ஆசை

மெல்லிசாய் முணுமுணுத்துத்
துவங்கும் என் தாய் வழித்
தாலாட்டுப் பாடல்
அதன் இறுதில் விசித்து
கசிந்து கண்ணீர் சிந்தி
வழக்கம் போலவே முடிகிறது
அவளது நினைவுகளில்...

ரேவதி · ரேவதி Tue Oct 11, 2011 10:42 am

தாயின் பாசத்தையும், அன்பையும் எவராலும் அளவிட முடியாது, அவளின் ஒவ்வொரு வார்த்தையும் வேதம், உண்மையாக சொல்லும்போது குழந்தையாய் இருக்கும்போது அவளின் தாலாட்டு வெறும் தூங்குவதற்கு மட்டுமே பயன்படும் அதைத்தவிர வேறு ஏதும் அவ்வயதில் தெரியாது ஆனால் ஒரு பிள்ளைக்கு தாயாகவும், தந்தையாகவும் மாறும்போதுதான் நம் தாயின் தாலாட்டிலும், சோறு ஊட்டுவதிலும் உள்ள உண்மையான சந்தோஷத்தை அறிய முடிகிறது, என்னதான் தந்தையின் அடிமையாக அவள் இருந்தாலும் நம்மிடம் கோபம் கொள்ளும்போது உண்மையாகவே அவள் வீரலக்ஷ்மியாக மாறிவிடுகிறாள் ஆனால் அது போலியான கோபம் என்று பிள்ளையின் மனது அறிவதில்லை......
உங்களின் ஒவ்வொரு வரியிலும் அன்னையின் அன்பையும், அவள் அன்பை முழுமையாக பெற்று அதை உங்கள் பிள்ளையின் மீது நீங்கள் பாசமாக வைது இருபது தெரிகிறது........
நல்ல பாசமான கவிதை சூப்பருங்க

அப்துல்லாஹ் · அப்துல்லாஹ் Tue Oct 11, 2011 11:55 am

ஒரு பிள்ளைக்கு தாயாகவும், தந்தையாகவும் மாறும்போதுதான் நம் தாயின் தாலாட்டிலும், சோறு ஊட்டுவதிலும் உள்ள உண்மையான சந்தோஷத்தை அறிய முடிகிறது

அருமையான கருத்திடல் நன்றி ரேவதி...உங்களின் பெருந்தன்மையான மறுமொழிக்கு...

ரேவதி · ரேவதி Tue Oct 11, 2011 11:59 am

அப்துல்லாஹ் wrote:
ஒரு பிள்ளைக்கு தாயாகவும், தந்தையாகவும் மாறும்போதுதான் நம் தாயின் தாலாட்டிலும், சோறு ஊட்டுவதிலும் உள்ள உண்மையான சந்தோஷத்தை அறிய முடிகிறது
அருமையான கருத்திடல் நன்றி ரேவதி...உங்களின் பெருந்தன்மையான மறுமொழிக்கு...

நன்றி......
நானும் இதில் ஏதாவது ஸ்மலி வருகிறதா என்று பார்த்தேன் நல்லவேளை எதுவும் வரவில்லை.....
ஜாலி

அப்துல்லாஹ் · அப்துல்லாஹ் Tue Oct 11, 2011 12:06 pm

ரேவதி wrote:
அப்துல்லாஹ் wrote:
ஒரு பிள்ளைக்கு தாயாகவும், தந்தையாகவும் மாறும்போதுதான் நம் தாயின் தாலாட்டிலும், சோறு ஊட்டுவதிலும் உள்ள உண்மையான சந்தோஷத்தை அறிய முடிகிறது
அருமையான கருத்திடல் நன்றி ரேவதி...உங்களின் பெருந்தன்மையான மறுமொழிக்கு...
நன்றி......
நானும் இதில் ஏதாவது ஸ்மலி வருகிறதா என்று பார்த்தேன் நல்லவேளை எதுவும் வரவில்லை.....

ஸ்மைலி தானே இதோ...
அருமையிருக்கு

போதுமா

ரேவதி · ரேவதி Tue Oct 11, 2011 12:08 pm

அடடா இதனை ஸ்மைலியா மகிழ்ச்சி

முகம்மது ஃபரீத் · 07/07/2011

தாயின் பாசம்.... அருமை அப்துல்லாஹ் ஜி.... அருமையிருக்கு

**உமா** · **உமா** Tue Oct 11, 2011 12:25 pm

அண்ணா....இதற்க்கு என்ன சொல்வது என்றே தெரியவில்லை எனக்கு.

தாய் என்ற சொல்லிர்க்கு இணை இவ்வுலகில் வேறில்லை.
மனைவியை அடித்து ஆண் தனத்தை காட்டும் எத்தனையோ ஆண்கள் இன்னும் இருக்கின்றனர்... ஆனாலும் அந்த தாய்மையினை நினைத்து உருகும் மகங்களை காண்பதே அரிதாகி விட்டது.

இப்படிப்பட்ட கவிதைகளை படிக்கும்போது இன்னும் தாயை நினைத்து வாடும் மகன்களுன் உள்ளனரோ என்று தான் நினைக்கிறேன்.
பாராட்டுவதை விட நன்றி சொல்லவே ஆசை படுகிறேன் அண்ணா.
:வணக்கம்:

**ஜாஹீதாபானு** · 16/04/2011

என்ன சொல்லுறதுன்னே தெரியல அவ்வளவு அருமை தாய் கவிதை சூப்பருங்க

**ஹிஷாலீ** · **ஹிஷாலீ** Tue Oct 11, 2011 12:30 pm

அது படரும் பாதையில்
சில சமயம் அவளின்
விழிநீரின் முத்துக்களும்
சேர்த்தே நீவப்படும்...
சூப்பருங்க

Sponsored content · Sponsored content

தாலாட்டு என் மகனுக்கு - அப்துல்லாஹ்

தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

Re: தாலாட்டு என் மகனுக்கு - அப்துல்லாஹ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக