"பகல் கனவு" கவிதைகள்.....

**rameshnaga** · **rameshnaga** Mon Oct 10, 2011 7:31 pm

First topic message reminder :

நல்லவேளை!
அதிர்ஷ்டக் கல் வரிசையில்
எவனும் வைக்கவில்லை
பாறாங்கல்லை!
*************************
கனவில் வந்த கடவுள்
பகல் கனவு காணச் சொன்னார்.
இரவில் வரப் பயமாய் இருக்கிறதாம்.
*******************************
நடுகற்கள் ...
வீரர்களின் நினைவுத் தூணாம்.
வரலாற்றில் சொல்லி இருந்தது.
பறவைகளும்..சோம்பேறிகளும்
அமர்ந்து செல்கிறார்கள்.
*********************************
மஞ்சுவிரட்டில்...
பாயத் தயாராகின்றன "காளைகள்"
மிரளுகிறது சில "மான் விழிகள்".
**********************************
மழை....
வானத்திலிருந்து நழுவும் அருவியின் சிதறல்..
வாசுகிப் பாம்பு தெறித்த அமிர்தம்..
கடவுள்...மனிதனுக்கு எழுதிய கடிதத்தில்
தெறித்த கண்ணீர்த் துளிகள்.
**************************************

**rameshnaga** · **rameshnaga** Wed Oct 12, 2011 6:05 pm

முஹைதீன் wrote:

அனைத்தும் அருமை

ரொம்பவும் நன்றி! முஹைதீன்.

**ஜாஹீதாபானு** · **ஜாஹீதாபானு** Wed Oct 12, 2011 6:07 pm

அனைத்து கவிதையும் அருமை சூப்பருங்க

முதல் 2 கவிதை நகைச்சுவையாக இருக்கு மகிழ்ச்சி

**rameshnaga** · **rameshnaga** Wed Oct 12, 2011 6:09 pm

ரொம்பவும் நன்றி! ஜாஹீதா பானு.

kitcha · kitcha Wed Oct 12, 2011 6:23 pm

rameshnaga wrote:
kitcha wrote:கவிதை நன்றாக உள்ளது.
ஆனால் கீழே உள்ள கவிதையில் ஒரு இடத்தில் கொஞ்சம் வார்த்தை உறுத்துகிறது என்னை
நடுகற்கள் ...
வீரர்களின் நினைவுத் தூணாம்.
வரலாற்றில் சொல்லி இருந்தது.
பறவைகளும்..சோம்பேறிகளும்
அமர்ந்து செல்கிறார்கள்.

பறைவைகளை சேர்த்து இருக்கிறீகள்.ஒரு விதத்தில் உட்கார்ந்தாலும் அவையும் இரையைத் தேடி அலைகின்றன, உழைக்கின்றன(சோம்பேறிகள் கிடையாது) - பறவையை நீக்கினால் நன்றாக இருக்கும் என்று நான் நினைக்கிறேன்.
அதற்குப் பதில் வேற எதாவது ஒரு வார்த்தை

அதை மாற்ற வேண்டாம் என்று கருதுகிறேன் கிச்சா ...
ஓய்வு கருதித் தங்காத ஒரு ஐந்தறிவு ஜீவனையும்...வீண் பொழுது போக்க
அமரும்...ஒரு ஆறறிவு மனிதனுக்குமான எதிர் ஒப்பீடாய் எழுதி இருக்கிறேன்.
ஒரு வீரனின் நடுகல் ஐந்தறிவு ஜீவனால் மதிக்கப் படுவது கவிதையின்
உள்கருத்து..கிச்சா ...எனவே அதுவே சரியாய் இருக்குமென நான் நம்புகிறேன்.

aathma · aathma Wed Oct 12, 2011 6:36 pm

மிக அருமையான கவிதைகள் ரமேஷ் மகிழ்ச்சி

rameshnaga wrote:
மஞ்சுவிரட்டில்...
பாயத் தயாராகின்றன "காளைகள்"
மிரளுகிறது சில "மான் விழிகள்".

மான்விழி கண்டு காளைகளே மிரளுமே கண்ணடி

**rameshnaga** · **rameshnaga** Wed Oct 12, 2011 7:04 pm

ரொம்பவும் நன்றி! ஆத்மா.

**கோவிந்தராஜ்** · 20/02/2011

மழை....
வானத்திலிருந்து நழுவும் அருவியின் சிதறல்..
வாசுகிப் பாம்பு தெறித்த அமிர்தம்..
கடவுள்...மனிதனுக்கு எழுதிய கடிதத்தில்
தெறித்த கண்ணீர்த் துளிகள்.

என் மனதிலும் மழை .....
மகிழ்ச்சி :நல்வரவு: