திங்க் பாஸிடிவ் ; ஒரு ஹெல்த் டிப்ஸ்!

திங்க் பாஸிடிவ் ; ஒரு ஹெல்த் டிப்ஸ்!
Details Published on Monday, 10 October 2011
ஒரு நல்ல செய்தி ; பெரும்பாலும் 80% மனிதர்கள் நேர்மறையாக தான் சிந்திக்கிறார்களாம். அது அவர்களுக்கே சிலவேளை தெரிவதில்லையாம்!

இயற்கை நியூரோசயின்ஸ் (Nature Neuroscience) பற்றிய கல்வியில் மேற்கொண்ட ஆய்வில் இப்படி கூறியுள்ளார்கள். எமது மனித முளை, எதிர்காலத்தை பற்றி எப்போதும் ஆரோக்கியமான செய்திகளையே எமக்கு அதிகமாக அறிவுறுத்தி வருகிறதாம்.

உண்மையில் சில மனிதர்கள், நடைமுறையில் எதிர்மறையான விடயங்களை புறக்கணிப்பதற்கு கூட, அவர்களது நேர் மறையாக உலகை பார்வையிம் தன்மை தான் காரணம் என்கிறார்கள் இந்த ஆய்வாளர்கள்.

லண்டன் பல்கலைக்கழக கல்லூரியின் விஞ்ஞானிகள் மேற்கொண்ட ஆய்வின் படி 80% வீதமானவர்கள் நேர்மறையாக சிந்திக்கிறார்களாம். சிலவேளை அது அவர்களுக்கே தெரியாது இருக்கலாமாம்.

14 பேரை அணுகி, அவர்களுக்கு மூளை பரிசோதனை நடத்தி ஒரு ஆய்வு மேற்கொண்டார்கள். உங்களுக்கு புற்றுநோய் இருப்பதாக பயம் இருக்கிறதா? உங்களது திருமண உறவு முறிந்துவிடுமா? என பல்வேறு எதிர்மறையான கேள்விகளை கேட்டு அவர்களுடைய பதில்களை கணக்கில் எடுத்து ஒப்பீடு செய்தார்கள்.

விடை சொன்ன நபரில் ஒருவருக்கு உண்மையில் புற்று நோய் இருப்பதற்கு 30% வாய்ப்பு இருக்கும் போது, அவர் அதை 40% வீதமாக நம்புவார் எனில், உண்மையான வாய்ப்பு 31% ஆக உயர்ந்து விடுகிறது என அவர்களது ஆய்வு தகவல் கூறுகிறது.

அவர் தனக்கு நோயிருப்பதை அழுத்தம் திருத்தமாக மறுத்தார் எனில், அந்த வாய்ப்பு சிறிதளவு நிஜமாகவே குறைந்துவிடுகிறதாம்.

நோயை விட நோய்க்கான பயமும், அதற்கான எதிர்மறையான எண்ணமும் இன்னமும் ஆபத்தானது என்கிறது இந்த ஆய்வு.

ஒரு நேர்மறையான செய்தியை கேட்கும் போது, எல்லா மனிதர்களதும், மூளையும் முன் மடிப்புக்கள் மிக சுறுசுறுப்பாக இருக்குமாம். இந்த முன்மடிப்புக்கள் தான், செயலாக்கபிழைகளுடன் தொடர்புடையவை.

ஒரு எதிர்மறையான செய்தி கேட்கும் போது, எப்போதும் நேர்மறையாக சிந்திப்பவர்களுக்கு குறைந்தளவே இந்த மூளையின் முன்மடிப்புக்கள் இயங்குகிறது.

இதன் மூலம், அவர்களது மூளை இலகுவில் செயலாக்க பிழைகளை உருவாக்க விடாது. ஆனால் எதிர்மறையாக சிந்திப்பவர்கள் எதிர்மறையான செய்தியை கேட்கும் போது, அவர்களது மூளையின் முன்மடிப்புக்கள் வேகமாக இயங்க தொடங்குமாம்.

இந்த மூளை மடிப்புக்களே, ஒரு ஆதாரமான விஷத்தில் எதை நம்புவது, எதை எடுத்துகொள்வது என்பதை தீர்மானிக்கிறதாம்.
ஆகையால் எதிர்மறையாளர்களுக்கு, எதிர்மறையான விடயம் மேலும் குழப்பத்தை தான் ஏற்படுத்துகிறது என்கிறார்கள் இவர்கள்.

நீங்கள் எப்படி? நேர்மறையாளனா? எதிர்மறையாளனா?

http://www.4tamilmedia.com/knowledge/essays/1177-think-positive-health-tips-part-1