காலத்தை வென்ற "மூலிகை டாக்டர்கள்'

**சிவா** · **சிவா** Sun Dec 21, 2008 6:33 pm

First topic message reminder :

காலம் காலமாக நோய்களைத் தீர்க்கும் மருத்துவ ஆற்றல் கொண்ட மூலிகைகள் பற்றி இங்கு விளக்கப்பட்டுள்ளன. ஜலதோஷம் - காய்ச்சல், இரைப்பை - குடல் தொடர்பான நோய்கள், சர்க்கரை நோய், இதய நோய்கள், தோல் நோய்கள், சிறுநீரக நோய்கள், நரம்பியல் நோய்கள், மகளிர் நோய்களுக்கு மருத்துவ மூலிகைகளின் பயன்பாடு வரிசைப் படுத்தப்பட்டுள்ளன.

1. சுக்கு-- "சுள்ளுன்னு' காபி சாப்பிடுங்க

"சுக்கிற்கு மிஞ்சிய மருந்தில்லை; சுப்பிரமணியனுக்கு மிஞ்சிய சாமியில்லை' என்பது வழக்கு. தலைவலி, பிரசவ கால குமட்டல் (Nausea in pregnancy) இரண்டுக்கும் சுக்கு முதல் மருந்து. தினமும் காலையில் காபித் தூளுக்குப் பதிலாக சுக்குத் தூளும் மல்லித் தூளும் போட்டு, சர்க்கரை கலந்து சுக்கு-மல்லி காபி சாப்பிட மூக்கடைப்பு, தலைவலி, உடல் பித்தம் காணாமல் போகும். சுக்கைப் பயன்படுத்தும்போது மேல் தோலை நீக்கிவிட வேண்டும்.

**சிவா** · **சிவா** Sun Dec 21, 2008 6:57 pm

21. சீரகம்--- வீட்டுக்குள் வயிறு டாக்டர்

அகத்தைச் சீர்படுத்துவதால் இதற்குச் சீரகம் என்று பெயர். வயிற்றுப்புசம், வாயு நீக்கி, வயிற்றுப் புண்ணுக்கு ("அல்சருக்கு') அடித்தளம் அமைப்பதை அடியோடு அறுக்கும் சீரகம், உயர் ரத்த அழுத்த நோயையும் கட்டுப்படுத்தும். நல்லெண்ணெய்யில் சீரகம் போட்டுக் காய்ச்சி சனி நீராட, உடலின் பித்தம் குறையும்.
காலத்தை வென்ற "மூலிகை டாக்டர்கள்' - Page 3 Herb21

காலத்தை வென்ற "மூலிகை டாக்டர்கள்' - Page 3 Herb21

**சிவா** · **சிவா** Sun Dec 21, 2008 6:58 pm

22. சுண்டைக்காய்-- "சாப்பிட அடம் பிடிக்கும் பிஞ்சுகளுக்கு...'

ஒருவரை கேலி செய்து சிறுமைப்படுத்த உதவும் இது, உண்மையில் நம் மருத்துவத்தை பெருமைப்படுத்துவது. வயிற்றுப் புழுக்களை நீக்கி, குழந்தைகளைச் சீராகச் சாப்பிட வைக்க மற்றும் அமீபியாசிஸ் தொல்லையிலும் IBS எனும் அடிக்கடி வயிற்றைக் கழிய வைக்கும் நோயிலும் சுண்டைக்காய் வற்றல் சூரணம் சுகமளிக்கும்.
காலத்தை வென்ற "மூலிகை டாக்டர்கள்' - Page 3 Herb22

காலத்தை வென்ற "மூலிகை டாக்டர்கள்' - Page 3 Herb22

**சிவா** · **சிவா** Sun Dec 21, 2008 7:00 pm

23. பப்பாளி---- ஏழைகளின் அசையாச் சொத்து

ஏழைகளின் "மல்ட்டி வைட்டமின் டானிக்' இது. வைட்டமின் ஏ நிறைந்துள்ள இக் கனி, வயிற்றுப் புண்ணை ஆற்றும். பால் பெருக்கும் தன்மையுடையது இதன் காய். மலச்சிக்கலை தீர்த்துப் பசியாற்றும் இக் கனி, சத்து நிறைந்த ஏழையின் சொத்து.
காலத்தை வென்ற "மூலிகை டாக்டர்கள்' - Page 3 Herb23

காலத்தை வென்ற "மூலிகை டாக்டர்கள்' - Page 3 Herb23

**சிவா** · **சிவா** Sun Dec 21, 2008 7:02 pm

24. பிரண்டை--- வயிறு நன்றி சொல்லும்

நெளிந்து வளைந்த முருங்கைக்காய்போல் படரும் கொடியான பிரண்டை, வயிற்றுப் புண்ணுக்குச் சரியான மருந்து. இதனைத் துவையலாகச் சாப்பிட வேண்டும். தோட்டத்தைத் தொலைவில் கூட பார்த்திராத நகரவாசிகள், கடைகளில் கிடைக்கும் பிரண்டை வற்றலை வறுத்து உணவில் சாப்பிடவும். "எச் பைலோரி' எனும் கிருமி உண்டாக்கும் வயிற்றுப் புண்ணையும் ஆற்ற வல்லது பிரண்டை. இதன் சாற்றில் செய்யப்படும் மருந்துகள், கருப்பைக் கட்டிக்கும் மருந்து என கட்டியம் கூறுகின்றன யாழ்ப்பாண மருத்துவ நூல்கள்.
காலத்தை வென்ற "மூலிகை டாக்டர்கள்' - Page 3 Herb24

காலத்தை வென்ற "மூலிகை டாக்டர்கள்' - Page 3 Herb24

**சிவா** · **சிவா** Sun Dec 21, 2008 7:03 pm

25. வெந்தயம்--- "மிஸ்டர் டயபடாலஜிஸ்ட்'

கிரேக்கத்திலிருந்து அலெக்சாண்டர் கொண்டுவந்து இந்தியாவுக்கு அளித்த பரிசு. சர்க்கரை நோய்க்கு (மதுமேகம்) மகத்தான உணவு மருந்து இது. இதிலிருந்து பெறப்படும் நார்ப்பொருள், சர்க்கரை நோயைக் கட்டுப்படுத்த, மலச்சிக்கலைக் குணப்படுத்த, இதய நாடி கொழுப்பைக் கரைக்க உதவிடும். தினமும் வெந்தய நோய்க்கு, சர்க்கரை நோயாளிகளுக்கு ஏன் பயம் என்றும் சொல்லலாம்.
காலத்தை வென்ற "மூலிகை டாக்டர்கள்' - Page 3 Herb25

காலத்தை வென்ற "மூலிகை டாக்டர்கள்' - Page 3 Herb25

**சிவா** · **சிவா** Sun Dec 21, 2008 7:04 pm

26. ஆவாரை--- "சர்க்கரை'க்கு அல்வா கொடுக்கும் !

ஆவாரை பூத்திருக்க சாவாரைக் கண்டதுண்டோ?--இது எதுகை மோனைக்காக எழுதப்பட்டது அல்ல. ஆவாரை பூ இதழ் கஷாயத்தை காபிக்குப் பதிலாக சர்க்கரை நோயாளிகள் தினமும் குடித்தால், ரத்த சர்க்கரை அளவு குறையும். ரத்த சர்க்கரை சீராக இருப்பதன் மூலம், சர்க்கரை நோய் காரணமாக ஏற்படும் பின் விளைவுகளையும் தவிர்க்க முடியும்---இவ்வாறு ஆவாரைக்கு "ஐ.எஸ்.ஐ.' குத்தியுள்ளது எது தெரியுமா?--சென்னைப் பல்கலைக்கழகம்.
காலத்தை வென்ற "மூலிகை டாக்டர்கள்' - Page 3 Herb26

காலத்தை வென்ற "மூலிகை டாக்டர்கள்' - Page 3 Herb26

**சிவா** · **சிவா** Sun Dec 21, 2008 7:06 pm

27. அதிமதுரம்--- சர்க்கரை இல்லாத இனிப்பு

என்ன, தலைப்பைப் பார்த்தவுடன் குழம்பிவிட்டீர்களா? உண்மை. சர்க்கரைச் சத்தாகிய குளுக்கோஸின் எந்தப் பிரிவு வகையும் இல்லாமல், அதே சமயம் இனிப்புச் சுவையுடன் கூடியது "அதிமதுரம்'. தொண்டைக் கட்டு, நாவறட்சி, வறட்டு இருமலுக்கு இது "டாக்டர்'. இதில் உள்ள "Glycerrizic acid" எனும் பொருள் குடல் புண்ணை ஆற்றக்கூடியதும்கூட. இதில் இருந்து பிரித்தெடுக்கக்கூடிய "Monosodium glycerrizate" எனும் "இனிப்பை' சர்க்கரைக்குப் பயன்படுத்தலாம்--சர்க்கரை நோயாளிகள் கவனிக்க.
காலத்தை வென்ற "மூலிகை டாக்டர்கள்' - Page 3 Herb27

காலத்தை வென்ற "மூலிகை டாக்டர்கள்' - Page 3 Herb27

**சிவா** · **சிவா** Sun Dec 21, 2008 7:23 pm

28. அருகம்புல்--- சாறு செய்யும் "மந்திரம்'

அருகம்புல் சாறு உடல் எடையைக் குறைக்கும் என்பது தற்போது கடற்கரை ஓர நடைப் பயிற்சியாளர்களிடையே அத்துப்படியான விஷயம். ரத்த கொலஸ்டிராலைக் குறைப்பது மட்டுமல்ல அருகம்புல்லின் பணி. கண்ணுக்குத் தெரியாத நச்சுகளால் (Allergens) உடலில் ஏற்படும் திடீர் அரிப்பு நோய் (Urticaria), ஒவ்வாமை நோய்க்கு அருகம்புல் சாறு 100 மி.லி. தினமும் 2 வேளை சாப்பாட்டுக்கு முன் சாப்பிட 15 நாளில் "ரிசல்ட்' நிச்சயம்.
காலத்தை வென்ற "மூலிகை டாக்டர்கள்' - Page 3 Herb28

காலத்தை வென்ற "மூலிகை டாக்டர்கள்' - Page 3 Herb28

Guest · Guest Wed Jul 01, 2009 9:33 pm

மிகவும் அ௫மையான தகவல் மகிழ்ச்சி

தாமு · தாமு Tue Oct 06, 2009 7:25 am

சிவா அண்ணா அருமையான‌ த‌கவ‌ல் ந‌ன்றி படங்கலை தந்தால் நன்ராக இருக்கும் தரமுடியுமா பிலீஸ்..... காலத்தை வென்ற "மூலிகை டாக்டர்கள்' - Page 3 678642

Sponsored content · Sponsored content

காலத்தை வென்ற "மூலிகை டாக்டர்கள்'

காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

Re: காலத்தை வென்ற "மூலிகை டாக்டர்கள்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக