"அன்புடை நெஞ்சம்"-அம்மாவின் பாஸ் புக்கில்...

**rameshnaga** · **rameshnaga** Sun Oct 09, 2011 11:00 am

First topic message reminder :

இந்தத் தீபாவளி கொஞ்சம் ஸ்பெஷல்...
எனக்கும் என் மனைவிக்கும்.

அம்மாவை-
நான் முதியோர் இல்லத்திலிருந்து
மூன்று நாட்களுக்கு மட்டும்
அழைத்து வரப் போகிறேன்.

குழந்தைகளிடம்-
பாட்டி...வெளியூரிலிருந்து வரப் போவதாய்
சொல்லி வைத்திருக்கிறேன்.

அவர்கள்-என்னைத்
தப்பாய் நினைத்துவிடக் கூடாதுதானே.
தவிரவும்-
நான் எப்போதோ படித்த
அப்பாவிற்காக பையன் பாதுகாத்து வைக்கச் சொன்ன
"செருப்பு மூலைத் தட்டு" கதை
என்னை அவ்வப்போது உறுத்திக் கொண்டே இருந்தது.

அம்மா-
என்னை வளர்த்த நாட்களிலெல்லாம்-
கால் தேய கறிகாய் விற்றும்...
கை ரேகைகள் அழியப் பாத்திரம் தேய்த்தும்..
ஒரு அலுவலகத்தில்..பெருக்கியும்..கூட்டியும்..
வளர்த்த நாட்களிலும் வந்த தீபாவளியை....
அசுரனைக் கடவுள் அழித்த நாள் என்பார்.

பாவம்! கடவுளுக்கு இப்போது அசுரர்களைக்
கொல்ல முடியாமல் போயிருக்கலாம்.
அவருக்கும் வயதாகிக் கொண்டே போகிறதுதானே.
தவிரவும்...இப்போதெல்லாம் தினம் தினம்
புதுப் புது வடிவத்தில் அசுரர்கள்.
எத்தனை பேரைத்தான்..எத்தனை விதத்தில் கொல்ல
கடவுளாலும் முடியும்?

இந்த முறை...தீபாவளிக்கு..
என் சம்பளத்தை அப்படியே அவள் கையில்
கொடுத்த போது...
அவள்தான் "விழித்துக் கொண்டு கேட்டது"...
அம்மாவின் கணக்கில் தீபாவளி மாத வரவு எப்படியும்
போனஸ்.,பஞ்சப்படி எல்லாம் சேர்ந்து
ஒரு பத்தாயிரம் வருமென.

அன்று இரவில்தான்..
அவளுக்கு மாமியார் மேலும் எனக்கு என் அம்மா மேலும்
பாசம் பீறிட்டு வந்ததே.
அவளும் நானும் "அன்புடை நெஞ்சமாய்"
அம்மாவின் பென்ஷன் பாஸ் புக்கை புரட்டிப் புரட்டிப் பார்த்தது.

பாவம்தான்! கடவுள்!
அவரும் இத்தனை அசுரர்களை எப்படி...
அவர் காலத்திற்குள்...அழித்து முடிப்பார்?

**rameshnaga** · **rameshnaga** Mon Oct 10, 2011 7:05 am

rameshnaga wrote:ரொம்பவும் நன்றி! இளமாறன்.

**உமா** · **உமா** Mon Oct 10, 2011 7:20 am

படிக்கவே வேதனையாய் இருந்தது,,,,
இந்த உலகில் இப்போது நடக்கும் கொடுமைகளில் இதுவும் ஒன்றே.
என்ன செய்வது....மகன்கள் சரியில்லாத வீட்டில் மருமகள்களை குற்றம் சொல்லி என்ன பயன்....
சோகம்

உங்களின் வித்யாசமான சிந்தனைக்கு வாழ்த்துக்கள்.
சூப்பருங்க

**Manik** · **Manik** Mon Oct 10, 2011 7:49 am

நண்பா கவிதை ரொம்ப நல்லாயிருக்கு மகிழ்ச்சி

இதை கட்டுரை வடிவில் கொடுத்துட்டீங்களே............. அழுகை

முகம்மது ஃபரீத் · 07/07/2011

**rameshnaga** · **rameshnaga** Mon Oct 10, 2011 8:45 am

ரொம்பவும் நன்றி! உமா..மாணிக்..முகம்மதுஃபரீத்.

நீங்கள் சொல்கிறதை நானும் உணர்கிறேன்...மாணிக். ஆனால் கவிதை
என்றாலே..மிகப் பெரிய அறிவுஜீவியான விஷயம்..அது நமக்குக் கைவராது என இந்தத் தளத்தில் பலரும் நினைப்பதாக நான் உணர்கிறேன். கவிதையின் தளம் மிகப் பெரியது என்பதையும்.. படிப்பவர்களின் மனத்தைத் தொடும் ஒரு திருப்பத்தோடு கொடுத்தால்...அதுவும் ஒரு அழகான கவிதையாகிவிடும் என்பதை உணர்த்தவும்தான் நான் இந்த முறையைத் தேர்ந்தெடுத்து இப்படிச் சில கவிதைகளும் பதிகிறேன்.கவிதை
உரைநடை வடிவிலும் எழுதலாம் என்பதைத்தான் நான் இதன் மூலம் வலியுறுத்த விரும்புகிறேன். இதே பாணியில் "வழிந்து தளும்பும் என் வருத்தம்" என்றொரு கவிதையும் பதிந்திருக்கிறேன்.. இது கவிதை மேலான...நம்முடைய பழைய எண்ணங்களை முற்றாகவும்..உடைக்கும். எல்லோரும் கவிதை எழுத முடியும்..என்பதைச் சொல்லவும்..கவிதை குறித்தான மாயையை உடைத்தெறிவதும்தான் இந்தப் பதிவுகளின் நோக்கம்.
நன்றி! மாணிக்.

**உமா** · **உமா** Mon Oct 10, 2011 8:47 am

உண்மையிலேயே....இதை படிக்கவே நல்லா இருக்கு நாகா....
கருத்து தெளிவாக புரிகிறது...கவிதைகளில் இந்த மாதிரி கட்டுரை மாதிரியும் சொல்லலாம்.... மகிழ்ச்சி

**rameshnaga** · **rameshnaga** Mon Oct 10, 2011 8:59 am

ரொம்பவும் நன்றி! உமா.

**Manik** · **Manik** Mon Oct 10, 2011 9:03 am

நான் சொன்னதற்கு வருத்தம் இல்லைல நண்பா

நான் எழுதும் கவிதை கூட கட்டுரை வடிவில்தான் இருக்கும் சிலசமயம்.... ஆனால் இப்படி எழுதுவது எல்லோரும் புரிந்து கொள்ள சுலபமாகவும் இருக்கும் சொல்ல வந்த கருத்தை நன்றாகவும் சொல்லமுடியும் இது வித்தியாசமான யோசனைதான் நண்பா நன்று...........

**rameshnaga** · **rameshnaga** Mon Oct 10, 2011 9:11 am

வருத்தமெல்லாம் இல்லை நண்பா. உரைநடைக் கவிதை என்னுடைய
idea..கிடையாது. பாரதியின் வசன கவிதை தாண்டி..பிரமிள் கூட ஓரிரு கவிதைகள் எழுதி இருக்கிறார். இப்போது நிறையப் பேர் எழுதுகிறார்கள். நான் அதில் படித்தது....சங்கர் ராம சுப்ரமணியனின் கவிதைகள்.....
கவிதையின் விரிவான தளத்தை நான் அறிந்த வகையில்..ஈகரைக்குச் சொல்ல ஆசைப்படுகிறேன். அவ்வளவுதான். உங்களுடைய அந்தக் கேள்விக்கு எனது நன்றிகள் தோழா. அதுதான் என் மனத்திலுள்ள விளக்கத்தை ஈகரையில் பதியும்படி செய்தது. நன்றி! மாணிக்.

**Manik** · **Manik** Mon Oct 10, 2011 9:16 am

நன்றி நண்பா

இதே வடிவில் மேலும் பல கவிதைகளை தந்து அற்புதமாக்குங்கள் ஈகரையை

Sponsored content · Sponsored content

"அன்புடை நெஞ்சம்"-அம்மாவின் பாஸ் புக்கில்...

"அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

Re: "அன்புடை நெஞ்சம்"-அம்மாவின் பாஸ் புக்கில்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக