32 ரூபாய்க்குள்........

**rameshnaga** · **rameshnaga** Sat Oct 08, 2011 9:14 pm

First topic message reminder :

பல்லக்கில் வீதி ஊர்வலம்..
பாதி வழியில் சாதிக் கலவரம்...
பாவம்! கடவுளும்.
**************************
சென்செக்ஸ்...நிஃப்டி..
பங்குச்சந்தை எருது.,
ஸ்பெக்ட்ரம்.,பிராட்பேண்ட்.,
சுரங்கத்தைச் சுரண்டுவது...
எதுவும் தெரிவதில்லை...
32 ரூபாய்க்குள் .....
தனது ஒருநாள் வாழ்க்கையை
முடித்துக் கொள்ளும்...
இன்னமும் இருக்கும்
இந்தியக் காந்திகளுக்கு.
*******************************
என் பையனைக் காணோம்..
ஃபேஸ்புக்கில் எழுதி இருக்கிறேன்..
நிச்சயம் கிடைத்துவிடுவான்.
**********************************
எனக்கு என் தாத்தாவின் பெயர்.
என் பையனுக்கு நான்....
என் அப்பாவின் பெயர் வைத்தேன்..
பிடிக்கவில்லையாம்.
"குமரேசன்" என்ற பெயரை மாற்றிவிட்டான்..
"மரேஸ்"-என..
ஊரெல்லாம் சந்தோஷமாய் சொல்லித் திரிகிறான்..
இப்போதே- அவன்
தாத்தாவின் பெயரை "எடுத்து விட்டதாக".
********************************************
இது கலியுகமாகி விட்டது.
நான் பாவம் செய்தவனாய் இருக்கிறேன்.
என்னைப் போலவே எல்லோரும் நினைக்கக் கூடும்.
நாளை-ஓர் இறுதி நாளில்
தீர்ப்பு வழங்கும் நாளில்......
பூமியிலிருந்து சுவர்க்கம் செல்ல
கடவுளுக்கு...
யார் மிஞ்சக் கூடும்?
******************************************

**rameshnaga** · **rameshnaga** Mon Oct 10, 2011 11:51 am

ரொம்பவும் நன்றி! அய்யம்பெருமாள்.

முகம்மது ஃபரீத் · 07/07/2011

அருமை அருமை சூப்பருங்க

**rameshnaga** · **rameshnaga** Mon Oct 10, 2011 12:30 pm

ரொம்பவும் நன்றி! முகம்மதுஃபரீத்.

**உமா** · **உமா** Mon Oct 10, 2011 12:54 pm

எனக்கு என் தாத்தாவின் பெயர்.
என் பையனுக்கு நான்....
என் அப்பாவின் பெயர் வைத்தேன்..
பிடிக்கவில்லையாம்.
"குமரேசன்" என்ற பெயரை மாற்றிவிட்டான்..
"மரேஸ்"-என..
ஊரெல்லாம் சந்தோஷமாய் சொல்லித் திரிகிறான்..
இப்போதே- அவன்
தாத்தாவின் பெயரை "எடுத்து விட்டதாக"

நல்லா இருக்கு நாகா....
இதுவும் நல்ல யோசனை.....

அனைத்துமே சிந்திக்க வைத்தன சில நிமிடங்கள்
32 ரூபாயில் ஒருநாளை கழிப்பவர்கள் உண்மையிலே கிரேட்.

மகிழ்ச்சி