மைசூரில் தசரா விழா கோலாகல கொண்டாட்டம்

**இளமாறன்** · **இளமாறன்** Fri Oct 07, 2011 10:02 pm

மைசூரில் தசரா விழா கோலாகல கொண்டாட்டம்

First Published : 07 Oct 2011 12:46:40 AM IST

மைசூர், அக். 6: வரலாற்று சிறப்புமிக்க தசரா விழா மைசூரில் கோலாகலமாக வியாழக்கிழமை கொண்டாடப்பட்டது.

மைசூர் அருகே உள்ள சாமுண்டி மலையில் சாமுண்டேஸ்வரி, மகிஷாசூரனை விஜயதசமியன்று கொன்று வென்றதாகக் கூறப்படுவதையொட்டி அந்த நாள் தசரா என்ற பெயரில் கடந்த 400 ஆண்டுகளுக்கும் மேலாக மைசூரில் சிறப்பாகக் கொண்டாடப்பட்டு வருகிறது.

விஜயதசமியன்று யானை மீது 750 கிலோ எடை கொண்ட தங்கப் பல்லக்கில் சாமுண்டேஸ்வரியின் உருவப் படத்துடன் ஜம்பு சவாரி ஊர்வலம் புறப்படும். 401-வது ஆண்டாக மைசூரில் வியாழக்கிழமை தொடங்கிய இந்த ஊர்வலத்தை பிற்பகல் 12.53 மணியளவில் முதல்வர் சதானந்த கெüடா தசமி திதியில் தொடங்கி வைத்தார்.

பலராமா யானை மீது வைக்கப்பட்டிருந்த தங்க பல்லக்குடன் அரண்மனையில் தொடங்கிய பேரணி மைசூர் நகரின் முக்கிய சாலைகள் வழியாக இரவு பன்னிமண்டாபாவை அடைந்தது.

விழாவில் கர்நாடக மாநிலத்தின் பண்பாடு, கலாசாரங்களை விளக்கும் வகையில் வாகனங்களின் அணிவகுப்பு, நாட்டுப்புற கலைஞர்களின் நடனம், கிராமிய கலைகள், இசைக் கச்சேரி, ராணுவ வீரர்களின் அணிவகுப்பு, பேண்டு, வாத்தியம் ஆகியவை அணிவகுத்துச் சென்றன. அதில் மாநில அரசின் சாதனைகள் இடம்பெற்றிருந்தன.

சாலை நெடுகிலும் லட்சக்கணக்கான மக்கள் கூடி ஜம்பு சவாரி ஊர்வலத்தை கண்டு மகிழ்ந்தனர்.

பன்னிமண்டபாவுக்கு சென்ற பின் புகழ்பெற்ற ஜம்புசவாரி ஊர்வலம் முடிவடைந்தது.

முதல்வர், மத்திய அமைச்சர், மாநில அமைச்சர்கள், அரசியல் பிரமுகர்கள் தனியாக அமைக்கப்பட்டிருந்த மேடையிலிருந்து ஊர்வலத்தைக் கண்டு ரசித்தனர்.

வெளிநாடுகளைச் சேர்ந்த ஏராளமான சுற்றுலாப் பயணிகள் குவிந்து ஜம்பு சவாரி ஊர்வலத்தை ரசித்தனர்

**கேசவன்** · **கேசவன்** Sat Oct 08, 2011 9:13 am

பார்க்க மிக அருமையாக இருக்கும்

மைசூரில் தசரா விழா கோலாகல கொண்டாட்டம்

மைசூரில் தசரா விழா கோலாகல கொண்டாட்டம்

Re: மைசூரில் தசரா விழா கோலாகல கொண்டாட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக