கவிதையோடு அலையும் ஒரு வண்ணத்துப் பூச்சி.

**rameshnaga** · **rameshnaga** Sat 8 Oct 2011 - 21:33

இதுவரை -
நான் எழுதாத சொற்களில்..
தளும்பிக் கொண்டிருந்தது
ஒரு கவிதை.
மகத்தான அதன் அழகை
ஒளித்துவைத்திருந்த -
ஒரு வண்ணத்துப் பூச்சியைத்
துரத்திக் கொண்டிருந்தேன் நான்.
தேன் தளும்பி வழிந்த அதன் வாயில்-
நான் எழுதாத கவிதையின்..
முதல் வரி வழிந்து கொண்டிருக்கிறது.
முழுக் கவிதையையும்-
அது தன் சிறகுகளில்
ஒளித்து வைத்திருந்தது.
இந்த மொழியின்-
மகத்தான ஒரு கவிதையைச் சுமந்து...
ஒவ்வொரு மலராய்...மாறி மாறி அமர்ந்து
பறந்து கொண்டிருக்கும்
அந்த வண்ணத்துப் பூச்சியைத்
துரத்திக் கொண்டிருக்கிறேன்....
இந்தப் பெருவெளியில்....
இம் மொழியில் ....
கவிதை பிறந்த நாள் முதலாய்.

**ayyamperumal** · **ayyamperumal** Sat 8 Oct 2011 - 21:40

rameshnaga wrote:
தேன் தளும்பி வழிந்த அதன் வாயில்-
நான் எழுதாத கவிதையின்..
முதல் வரி வழிந்து கொண்டிருக்கிறது.
முழுக் கவிதையையும்-
அது தன் சிறகுகளில்
ஒளித்து வைத்திருந்தது.

உண்மைதான் ! நல்ல வரிகள் நன்றி !

**rameshnaga** · **rameshnaga** Sat 8 Oct 2011 - 21:53

ரொம்பவும் நன்றி! அய்யம்பெருமாள்.

**இளமாறன்** · **இளமாறன்** Sat 8 Oct 2011 - 22:52

அழகான தேடல்

வாழ்த்துக்கள் மகிழ்ச்சி

**rameshnaga** · **rameshnaga** Sat 8 Oct 2011 - 22:57

ரொம்பவும் நன்றி! இளமாறன்.

**Aathira** · **Aathira** Sat 8 Oct 2011 - 23:22

//துரத்திக் கொண்டிருக்கிறேன்....
இந்தப் பெருவெளியில்....
கவிதை பிறந்த நாள் முதலாய்.//

அழகான இறுதி. முத்தாய்ப்பாக உள்ளது. துரத்தல் உள்ள வரைதான்.... எல்லாம் சுவையாக... வாழ்த்துகள்

அப்துல்லாஹ் · அப்துல்லாஹ் Sun 9 Oct 2011 - 1:37

வண்ணத்துப்பூச்சியே கவிதையாய் சிறகடிக்கையில்...
அதன் வாய்வழித் தளும்பி நிற்கும் சொல்லப்படாத சுவைமிக்க வார்த்தைகள், சிறகின் அணைப்பில் முழுக்கவியுமாய் என கவிஞரின் கற்பனை வண்ணத்துப் பூச்சியின் சேலுடன் செம்மாந்து நின்றாலும் மலருக்கு மலர் அது தாவும் நேரத்திலும் இவர் மனதில் அமர்ந்து அது மலர்த்திய கவிதை அருமை...
பூச்சி தாவிச்சென்றாலும் ரமேஷ் உங்களின் புதுக்கவிதை தங்கிவிட்டது மனதுடன்...