பரமக்குடியில் மாநில மாநாடு நடத்த திட்டமிட்டு உள்ளோம்: ஜான்பாண்டியன்

kitcha · kitcha Fri 7 Oct 2011 - 15:21

பாளையங்கோட்டையில் செய்தியாளர்களிடம் பேசிய தமிழக மக்கள் முன்னேற்ற கழக நிறுவனர் ஜான்பாண்டியன்,

உள்ளாட்சி தேர்தலில் தமிழக மக்கள் முன்னேற்ற கழகம் தனித்து போட்டியிடுகிறது. மாநிலம் முழுவதும் 89 இடங்களில் வேட்பாளர்களை நிறுத்தி இருக்கிறோம். எங்கள் வேட்பாளர்களுக்கு வெற்றி வாய்ப்பு சிறப்பாக உள்ளது. எங்கள் கட்சி வேட்பாளர்கள் வெற்றி பெற்றால், மக்களுக்கு தேவையான குடிநீர், சாலை வசதி, மின்விளக்கு போன்ற அடிப்படை பிரச்சினைகளை சரி செய்வோம்.

எங்கள் கட்சி பதிவு செய்யப்பட்ட அரசியல் கட்சி. எங்கள் கட்சியை சுயேச்சையாக அறிவித்து 89 இடங்களிலும் தனித்தனி சின்னம் வழங்கப்பட்டது.

தேர்தல் ஆணையம் ஒருதலைபட்சமாக நடக்கிறது. இதை நாங்கள் வன்மையாக கண்டிக்கிறோம். எங்களுக்கு அனைத்து இடங்களிலும் ஒரே சின்னம் வழங்க வேண்டும்.

பரமக்குடி துப்பாக்கி சூடு சம்பவத்துக்கு பிறகு என்னை ராமநாதபுரம் மாவட்டத்துக்குள் செல்ல போலீசார் அனுமதிக்கவில்லை. இது தொடர்பாக நாங்கள் கோர்ட்டில் வழக்கு தொடர்ந்து உள்ளோம். போலீசார் அனுமதி வழங்கவில்லை என்றால் தடையை மீறி பரமக்குடி செல்வோம். பரமக்குடியில் மாநில மாநாடு நடத்த திட்டமிட்டு உள்ளோம்.

இவ்வாறு ஜான்பாண்டியன் கூறினார்.

நக்கீரன்

அன்பு தளபதி · அன்பு தளபதி Fri 7 Oct 2011 - 15:24

இந்த பரமக்குடி சம்பவம் குறித்து மிக அதிக கட்டுரைகளை இணையத்திலும் இதழ்களிலும் படித்துவிட்டேன் நியாயமான ஒன்றையும் காணோம் இவர் நடுநிலையாக எழுதி இருக்கிறார் பாருங்கள் http://psenthilraja.wordpress.com/2011/10/06/the-paramakudi-caste-conflict/