அமெரிக்க துணை ஜனாதிபதி தம்பிக்கு வந்த கிருமி பவுடர்; இந்தியாவில் இருந்து ஆந்த்ராக்ஸ் பார்சல் அனுப்பியது யார்?

**இளமாறன்** · **இளமாறன்** Mon Oct 03, 2011 8:29 pm

வாஷிங்டன், அக் 3-

அமெரிக்க துணை ஜனாதிபதியாக இருப்பவர் ஜோபைடன். இவரது தம்பி பிரான்சிஸ் பைடன். இவர் புளோரிடாவில் பல கல்வி நிறுவனங்களை நடத்தி வருகிறார். பிரான்சிஸ் பைடனுக்கு இந்தியாவில் இருந்து ஒரு பார்சல் வந்தது. அந்த பார்சலை பைசன் பிரித்து பார்த்தார். அப்போது பார்சலில் ஒரு வகையான பவுடர் இருந்தது.

அவரது கையிலும் பவுடர் கொட்டியது. இதனால் சந்தேகம் அடைந்த பிரான்சிஸ் போலீசுக்கு தகவல் கொடுத்தார். உடனே போலீசார் விரைந்து வந்து பவுடரை சோதித்து பார்த்த போது அது ஆந்த்ராக்ஸ் நோய் கிருமிகளை பரப்பும் பவுடர் என தெரியவந்தது. பவுடர் கையில் பட்டாலே நோய் கிருமிகள் தொற்றிக் கொள்ளும்.

இதனால் பிரான்சிஸ் உடனடியாக ஆஸ்பத்திரியில் அனுமதிக்கப்பட்டார். பார்சலை பிரித்த போது அவரது காதலி மின்டியம் உடன் இருந்தார். அவர் மீதும் பவுடர் சிதறியதால் அவரும் ஆஸ்பத்திரியில் அனுமதிக்கப்பட்டார். இருவருக்கும் ஆந்த்ராக்ஸ் நோய் தடுப்பு சிகிச்சை அளிக்கப்பட்டது. அதன் பிறகு இருவரும் வீடு திரும்பினார்கள்.

அந்த பார்சலில் அனுப்பிய முகவரியில் இந்தியா என இருந்தது. இதுபற்றி அமெரிக்க எப்.பி.ஐ. அதிகாரிகள் விசாரித்து வருகிறார்கள். இந்தியாவில் இருந்து அனுப்பி இருந்தால் தூதரகங்களில் சோதனைகள் நடத்தப்பட்ட பின்பு தான் அனுப்பி வைக்கப்படும்.

பல கட்ட சோதனையையும் மீறி பார்சல் அனுப்பப்பட்டுள்ளது. எனவே பார்சலை அனுப்பியது யார் என்று தீவிரமாக விசாரணை நடக்கிறது. ஆந்த்ராக்ஸ் பவுடர் சிதறியதால் பிரான்சிஸ் நடத்தும் கல்வி நிறுவனங்களுக்கு விடுமுறை விடப்பட்டது. மாலைமலர்

நட்புடன் · நட்புடன் Mon Oct 03, 2011 9:18 pm

உலகத்துல எங்க எது நடந்தாலும் நம்ம ஈகரை மக்கள் தான்
அத உடனே புடிச்சு இங்க போடறாங்க - அதனால் இனிமே
பார்சல் எல்லாம் நம்ம மூலமா அனுப்ப ஒரு
கோரிக்கை மனு வெக்கலாமா இளமாறன்?

**இளமாறன்** · **இளமாறன்** Mon Oct 03, 2011 9:54 pm

நட்புடன் wrote:உலகத்துல எங்க எது நடந்தாலும் நம்ம ஈகரை மக்கள் தான்
அத உடனே புடிச்சு இங்க போடறாங்க - அதனால் இனிமே
பார்சல் எல்லாம் நம்ம மூலமா அனுப்ப ஒரு
கோரிக்கை மனு வெக்கலாமா இளமாறன்?

எனக்கும் இதுக்கும் எந்த சம்பந்தங்கள் இல்லைங்கோ ஜாலி