மண்ணுளி பாம்பை ரூ.20 லட்சத்துக்கு விற்க திட்டம்

**இளமாறன்** · **இளமாறன்** Sat Oct 01, 2011 1:01 am

மண்ணுளி பாம்பை ரூ.20 லட்சத்துக்கு விற்க திட்டம்
[ வியாழக்கிழமை, 29 செப்ரெம்பர் 2011, 05:46.37 AM GMT +05:30 ]

ஆந்திராவில் இருந்து கொண்டு வரப்பட்ட 3 கிலோ மண்ணுளி பாம்பை 20 லட்சத்துக்கு விற்க பேரம் பேசிய கும்பலை பொலிசார் கைது செய்துள்ளனர்.

கன்னியாகுமரியில் ஒரு கும்பல் மண்ணுளி பாம்பை விற்பனை செய்வதற்காக வந்து தங்கி இருப்பதாக வந்த தகவலின் பேரில் நேற்று முன்தினம் இரவு பொலிசார் தீவிர வாகன சோதனை நடத்தினர்.

சந்தேகத்தின் பேரில் வந்த 2 கார்களை நிறுத்தி சோதனை மேற்கொண்ட போது காரில் மண்ணுளி பாம்பு பதுக்கி வைக்கப்பட்டு இருந்தது தெரியவந்தது. உடனடியாக அந்த பாம்பை பொலிசார் கைப்பற்றி கார்களில் இருந்த 13 பேரை கைது செய்தனா்.

அவா்கள் கன்னியாகுமரி, காவல்கிணறு, சிவகங்கை, மதுரை, குழித்துறை, புதுக்கடை உள்ளிட்ட பகுதிகளை சேர்ந்தவர்கள் என தெரியவந்திருக்கிறது. புரோக்கர்கள் மூலம் இவர்கள் கன்னியாகுமரியில் கூடி மண்ணுளி பாம்பை விற்க முயற்சித்தது தெரியவந்தது. பிடிபட்ட பாம்பையும், கைதான 13 பேரையும் வனத்துறையினரிடம் பொலிசார் ஒப்படைத்தனர்.

பிடிபட்ட மண்ணுளி பாம்பு ஆந்திர மாநிலம் விசாகபட்டணத்தில் இருந்து கொண்டு வரப்பட்டுள்ளதாகவும், சுற்றுலா தலங்களில் வெளி மாநிலத்தை சேர்ந்தவர்கள் அதிகளவில் திரள்வார்கள் என்பதால் எளிதில் விற்பனை செய்து விடலாம் என்பதற்காக இவர்கள் கன்னியாகுமரிக்கு வந்து அங்குள்ள லாட்ஜ்களில் சுற்றுலா பயணிகள் போல் தங்கியிருந்தது தெரியவந்திருக்கிறது.

முதலில் ரூ.5 லட்சத்துக்கு விலை பேசப்பட்டுள்ளது. பின்னர் படிப்படியாக ரூ.20 லட்சமாக அதிகரிக்கப்பட்டுள்ளது. மாவட்ட வனத்துறை அதிகாரி ரிட்டோ சிரியாக் பிடிபட்ட 13 பேரிடம் விசாரணை நடத்தியதில் மருந்துக்காகவும், வயாகரா வகைக்கு பயன்படுத்தவும் விற்பனை செய்வோம் என பிடிபட்டவர்கள் கூறியுள்ளனர்.

kING · kING Sat Oct 01, 2011 10:30 am

இந்த பாம்பு இவ்வளவு விலை போகும் காரணம் என்ன

மண்ணுளி பாம்பை ரூ.20 லட்சத்துக்கு விற்க திட்டம்

மண்ணுளி பாம்பை ரூ.20 லட்சத்துக்கு விற்க திட்டம்

Re: மண்ணுளி பாம்பை ரூ.20 லட்சத்துக்கு விற்க திட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக