லதா மங்கேஷ்கருக்கு வயது 82

**கேசவன்** · **கேசவன்** Thu 29 Sep 2011 - 18:55

சுமார் 70 ஆண்டுகளாக வசீகரக் குரலால் உலகம் முழுவதுமுள்ள ரசிகர்களைக் கட்டிப் போட்டிருக்கும் பிரபல திரைப்பட பின்னணிப் பாடகி லதா மங்கேஷ்கர் தனது 82-வது பிறந்தநாளை மும்பையிலுள்ள வீட்டில் புதன்கிழமை கொண்டாடினார்.

"பிறந்தாளை நான் ஆடம்பரமாகக் கொண்டாடுவதில்லை. கேக் வெட்டுவதிலெல்லாம் எனக்கு நம்பிக்கை இல்லை' என்று கூறிய லதா, பிறந்தாளை குடும்பம் சார்ந்த விழாவாக மட்டுமே பார்ப்பதாகத் தெரிவித்தார்.

அதனால், வீட்டில் இருந்தபடியே நாள் முழுவதும் தனது குடும்பத்தினருடன் நேரத்தைச் செலவிட்ட அவர், உலகமெங்கிலும் உள்ள தனது ரசிகர்களிடமிருந்து வந்த வாழ்த்துகளை ஏற்றுக் கொண்டார்.

1942-ம் ஆண்டில் மராத்தி படங்களில் பின்னணிப் பாடல்களைப் பாடத் தொடங்கிய லதா, 1946-ம் ஆண்டில் "பா லகூன் கர் ஜோரி' என்கிற படத்தின் மூலம் ஹிந்தித் திரையுலகில் காலடி பதித்தார். இதுவரை பல்வேறு மொழிகளிலும் சுமார் 30 ஆயிரம் பாடல்களை அவர் பாடியிருக்கிறார். லதா மங்கேஷ்கருக்கு வயது 82 28lathamanges