அப்சல் குருவுக்கு மன்னிப்பு அளிக்கும் தீர்மானம்: காஷ்மீர் சட்டசபையில் கடும் அமளி

**சிவா** · **சிவா** Wed Sep 28, 2011 3:46 pm

டெல்லி பாராளுமன்ற தாக்குதல் வழக்கில் முக்கிய குற்றவாளியான அப்சல் குருவிற்கு தூக்கு தண்டனை விதிக்கப்பட்டது. சிறையில் அடைக்கப்பட்டுள்ள அவன், தண்டனையை குறைக்கக்கோரி ஜனாதிபதிக்கு கருணை மனு அனுப்பி உள்ளான். இந்த மனு நிராகரிக்கப்பட்டது.

ராஜீவ் கொலையாளிகள் 3 பேரின் தூக்கு தண்டனையை ரத்து செய்யக்கோரி, தமிழக சட்டசபையில் தீர்மானம் இயற்றப்பட்டதுபோல காஷ்மீர் மாநில சுயேட்சை எம்.எல்.ஏ., சேக் அப்துல் ரஷீத் என்பவர், அப்சல் குருவுக்கு மன்னிப்பு அளிக்கக் கோரும் தீர்மானத்தை சட்ட சபையில் கொண்டு வந்தனர்.

இந்த தீர்மானத்துக்கு பாரதீய ஜனதா, தேசிய பாந்தர் கட்சி உள்ளிட்ட எதிர்க்கட்சிகள் கடும் எதிர்ப்பு தெரிவித்தன. இந்த தீர்மானத்தை கைவிட வேண்டும் என்று சபாநாயகரிடம் அவர்கள் வலியுறுத்தினர். இதனால் கேள்வி நேரம் பாதிக்கப்பட்டது. ஆளும் கட்சி எம்.எல்.ஏ.க்கள் தீர்மானத்துக்கு ஆதரவாக குரல் எழுப்பினர்.

பாரதீய ஜனதா உறுப்பினர்களை வெளியேற்ற வேண்டும் என்று காங்கிரஸ் உறுப்பினர்கள் மேஜை மீது நின்று கூச்சல் போட்டனர். ஆளும் தரப்பும், எதிர் தரப்பும் வார்த்தை போரில் ஈடுபட்டனர். இதனால் சபையில் கூச்சலும், அமளியும் நிலவியது. உறுப்பினர்களை அமைதியாக இருக்குமாறு சபாநாயகர் முகமது அக்பர் லோன் பலமுறை கேட்டுக் கொண்டார். ஆனால், அமளி நீடித்ததால், சபை அரை மணி நேரம் ஒத்திவைக்கப்படடது. சபை மீணடும் கூடியதும், அமளி நீடித்தது. எனவே மறுபடியும் ஒரு மணி நேரம் சபை ஒத்தி வைக்கப்பட்டது.

மாலைமலர்

**பிரசன்னா** · **பிரசன்னா** Wed Sep 28, 2011 4:22 pm

இது தான் நம் இந்தியாவின் இறையாண்மை... வேற என்ன சொல்றது ! என்ன கொடுமை சார் இது

அப்சல் குருவுக்கு மன்னிப்பு அளிக்கும் தீர்மானம்: காஷ்மீர் சட்டசபையில் கடும் அமளி

அப்சல் குருவுக்கு மன்னிப்பு அளிக்கும் தீர்மானம்: காஷ்மீர் சட்டசபையில் கடும் அமளி

Re: அப்சல் குருவுக்கு மன்னிப்பு அளிக்கும் தீர்மானம்: காஷ்மீர் சட்டசபையில் கடும் அமளி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக