அடுத்த மாதம் உலக ஜனத்தொகை 7.000.000.000 ஆகிறது

**சிவா** · **சிவா** Tue Sep 27, 2011 11:57 am

உலக ஜனத்தொகை இந்த இலையுதிர் காலத்துடன் ஏழு பில்லியனாக உயர்ந்துவிடும் என்று ஐ.நா அறிவித்துள்ளது. இன்று உலகில் ஒவ்வொரு செக்கனுக்கும் சராசரி 2.6 பிள்ளைகள் பிறக்கின்றன. இந்த வேகம் இந்த மாத முடிவில் உலக ஜனத்தொகையை 7 பில்லியனாக உயர்த்துகிறது. தற்போது 1.3 பில்லியன் ஜனத்தொகை கொண்ட சீனாவை விரைவில் இந்தியா முந்திச் சென்று உலகில் ஜனத்தொகை கூடிய முதலாவது நாடு என்ற பட்டத்தை பெற்றுவிடும் என்றும் கணிப்புக்கள் கூறுகின்றன. வரும் 2050ம் ஆண்டு உலக மொத்த ஜனத்தொகை 9 பில்லியனாக உயர்ந்துவிடும் என்றும் தெரிவிக்கப்படுகிறது. அதேநேரம் இந்த நூற்றாண்டு புவி வெப்பமடைவதால் கடல் மட்டம் அரை முதல் ஒரு மீட்டர் உயரப்போகிறது. இதனால் பெருமளவு நிலப்பரப்பு கடலில் போகப்போகிறது. முன்னைய காலங்களைப் போல் அல்லாது வயோதிபர்கள் அதிக காலம் வாழப்போகிறார்கள். 2050 ம் ஆண்டு 60 வயதைக் கடந்த வயோதிபர்கள் மட்டும் 2.000.000.000 பேர் பூமியில் ஆரோக்கியமாக இருக்கப்போகிறார்கள். ஆகவே இடநெருக்கடி பொருளாதாரப் பிரச்சனை போன்றன பாரிய சிக்கலாக மாறப்போகிறது.

உலக ஜனத்தொகை பெருக்கத்தின் வளர்ச்சி :

கி.மு. 10.000 வருடத்தில் உலக ஜனத்தொகை : 1 மில்லியன்
கி.பி. 1800 ல் 1 பில்லியன்
கி.பி. 1925 ல் 2 பில்லியன்
கி.பி. 1960 ல் 3 பில்லியன்
கி.பி. 1975 ல் 4 பில்லியன்
கி.பி. 1987 ல் 5 பில்லியன்
கி.பி. 1999 ல் 6 பில்லியன்
கி.பி. 2011 ல் 7 பில்லியன்

அலைகள்

ரபீக் · ரபீக் Tue Sep 27, 2011 11:59 am

அடுத்த மாதம் உலக ஜனத்தொகை 7.000.000.000 ஆகிறது

அடுத்த மாதம் உலக ஜனத்தொகை 7.000.000.000 ஆகிறது

Re: அடுத்த மாதம் உலக ஜனத்தொகை 7.000.000.000 ஆகிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக