அடுத்த நூற்றாண்டின் நதி.....

**rameshnaga** · **rameshnaga** Mon Sep 26, 2011 6:45 pm

First topic message reminder :

தன்னைப் பற்றி எழுதப்படும்
கவிதையைப் படிக்கத் தெரியாத பூக்கள்..
தலைகவிழ்ந்து உதிர்ந்துவிடுகின்றன
ஒவ்வொரு நாள் மாலையும்
தீரா வருத்தத்துடன்.
**********************************
இரத்தம் ஒரே நிறம்தான்..
ஆனால் அதிலும் சாதிகள்...
மனிதர்களைப் போலவே.
ஓ பாஸிட்டிவ்...ஏபி நெகட்டிவ்...ஏ பாஸிட்டிவ்..
என்று ஏராளமாய்.
நேற்று என் கனவில்..
ஏதோ ஒரு பிரிவு இரத்தம்..
45 சதவீதம் இட ஒதுக்கீடு கேட்டுப்
போராடிக் கொண்டிருந்தது.
******************************************
யாருக்கும் தெரியாமல்...
எரி விளக்கின் சுடரில்...எழுதிக் கொண்டிருக்கிறேன்
உனக்கான கவிதையை.
காதலின் மயக்கம் தாளாமல்
அணைந்து விடுகிறது சுடர்.
அது..ஒளித்து எடுத்துச் சென்ற
உனக்கான வார்த்தைகள்..
இரவில் சுடுகிறது தீயாய் என் நெஞ்சில்.
********************************************
மாலையும்...இரவும்
அந்தியில் சந்திக்கின்றன..
கலந்து விடுவதில்லை..
இரண்டு ஜன்னல்களுக்கு இடையே
மிதந்து..மிதந்து பிரியும்
நம் பார்வைகளைப் போலவே.
*******************************************
என் உடலில் பாயும் இரத்த நதியில்..
இந்த நூற்றாண்டின்..
அத்தனை பாவங்களும்
பாய்ந்து செல்கின்றன.
பூமியில் எனக்கான இடமோ
புத்தன் இல்லாத போதி மரத்தடியாய் இருக்கிறது.
பாவம்! அடுத்த நூற்றாண்டுகளின் நதி.
*********************************************

**rameshnaga** · **rameshnaga** Mon Sep 26, 2011 7:49 pm

ரொம்பவும் நன்றி! கிச்சா.

**rameshnaga** · **rameshnaga** Tue Sep 27, 2011 3:16 pm

rameshnaga wrote:ரொம்பவும் நன்றி! கிச்சா.

Sponsored content · Sponsored content

அடுத்த நூற்றாண்டின் நதி.....

அடுத்த நூற்றாண்டின் நதி.....

Re: அடுத்த நூற்றாண்டின் நதி.....

Re: அடுத்த நூற்றாண்டின் நதி.....

Re: அடுத்த நூற்றாண்டின் நதி.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக