விடாது காதல்!

"என்னம்மா நான் கேட்டதுக்கு இன்னமும் சரியான பதில் சொல்லலையே..'' என்றார் மானேஜர் மாதவன்.

"சார் நீங்களும் இதையே பலதடவை கேட்டுட்டீங்க. என் நிலைமையையும் கொஞ்சம் யோசித்துப் பாருங்க சார். இதுக்கு மேல நானென்ன சொல்றதுன்னு புரியவில்லை.'' என்றாள், நித்யா.

"ஏம்மா, என் பையன் நல்லாயிருக்கமாட்டான்னு நெனைக்கிறியா? இன்னும் ஒரு மாசத்துல பாரின்ல இருந்து வரப் போறான். தனியா பிஸினஸ் ஆரம்பிக்கப்போறான். நீயும் எம்.பி.ஏ. படிச்சிருக்கே. ரெண்டுபேரும் சேர்ந்து பிசினசை கவனிச்சிக்கலாம்..''

"சார்.. நான்தான் எங்க குடும்பத்துல மூத்தவள். வீட்ல அம்மா, அப்பா, ரெண்டு தம்பி, தங்கைன்னு நிறைய பேர் இருக்காங்க. மூத்த பிள்ளை நான் கல்யாணம் பண்ணிட்டுப் போயிட்டேன்னா, குடும்பத்தின் கதி என்னாகும்? சாரி.. சார்..''

நித்யா அழகானவள். நடுத்தர வர்க்க குடும்பத்தில் பிறந்திருந்தாலும் அன்புக்கும் பாசத்திற்கும் குறைவில்லை. தந்தையின் வருமானம் குடும்பத்தின் சில்லறை செலவுக்குக் கூட போதாது. நித்யாவின் சம்பாத்தியம்தான் குடும்பத்தை தாங்கி வருகிறது.

நித்யாவுக்கு படிப்பு நன்றாக வந்தது. தாயும் தந்தையும் தங்கள் செலவுகளைக் குறைத்துக் கொண்டு, படிக்க வைத்தார்கள். நித்யாவும் எம்.பி.ஏ. முடித்து, உயர் அதிகாரியாய் இருக்கிற அலுவலகத்தில் தான் மேனேஜர் மாதவனின் `மருமகள் அப்ளிகேஷன்.'

ஒரு மாதத்திற்குப் பிறகு...

"மிஸ்டர்.. ஏன் என் பின்னாலேயே வர்றீங்க? பார்த்தா டீஸண்டா இருக்கீங்க, வொய்?''

"மேடம். எனக்கு முன்னால நீங்க போறதால நான் உங்க பின்னால வர்றமாதிரி தெரியுது.''

"ஜோக்கா..?''

"நோ மேடம்..''

"மிஸ்டர், நீங்க என்ன நினைக்கிறீங்களோ அதை நேரிடையா சொல்லுங்க. டு யு லவ் மீ?''

"வாவ்..! எப்படி கரெட்டா சொல்லிட்டீங்க? நான் லவ் லெட்டர் எழுதி எடுத்துட்டு வந்ததை முன்கூட்டியே கண்டுபிடிச்சிட்டீங்களா? இதோ கையிலேயே இருக்கு. தரவா?''

"மிஸ்டர்..எனக்கு இந்தக் காதல் கத்திரிக்காய்லாம் பிடிக்காது..''

"ஓ.. அப்படின்னா ஸ்ட்ரெய்ட்டா கல்யாணம் தானா? ஓகே. ஐம் ரெடி..''

"மிஸ்டர்..'' முறைத்து விட்டுப் போய்விட்டாள் நித்யா.

ஆனாலும் அதன்பிறகும் அவன் தொடர்ந்தான். கரைப்பார் கரைத்தால் கல்லும் கரையும். அவனுடைய நகைச்சுவையான பேச்சும், தன் காதலை அவன் சொன்ன விதமும் அவளிடையே ஒரு புரிதலை ஏற்படுத்தி விட, காதலானார்கள்.

ஒருநாள்...

"ரமேஷ்.. எப்படியோ பேசிப் பேசி என்னை கவுத்திட்டீங்க. இப்ப எங்க மானேஜருக்கு என்ன பதில் சொல்றது? அவரோட பையனுக்கு என்னைக் கேட்டு தொந்தரவு பண்ணிக்கிட்டிருக்காரே!''

"ஒண்ணும் கவலைப்படாத. நாளைக்கு நான் வந்து உங்க மானேஜரைப் பார்த்து பேச
றேன்..''

மறுநாள் காலை 10 மணி.

நித்யா பணிபுரியும் அலுவலகத்தில் மானேஜருக்கு எதிர்சீட்டில் ரமேஷ். பக்கத்தில் நித்யா.

"வணக்கம் சார்.. நான் ரமேஷ். உங்க ஆபீஸ் ஸ்டாப் நித்யாவை லவ் பண்றேன். இவங்களும் தான்.'' என்றான்.

பூகம்பம் ஏற்படப்போகிறது என்று எதிர்பார்த்த நித்யாவுக்கு மானேஜரின் பதில்ஆச்சரியம் தந்தது.

அவர் சொன்னார்: "இந்த அளவுக்கு நீங்க ரெண்டு பேரும் முன்னேற்பாடா இருக்கிறப்ப நான் ஏன் குறுக்கே நிக்கப்போறேன். உங்க ரெண்டு பேரையும் இப்பவே வேணுமானாலும் ஆசீர்வாதம் பண்றேன்...'' என்று மானேஜர் சொல்லி சிரிக்க, `தேங்க்ï வெரிமச் டாடி' என்றான் ரமேஷ்.

"என்னம்மா பிரமிச்சிப்போய் நின்னுட்டே. இவன்தாம்மா என் பிள்ளை. நீ உன் குடும்ப சூழ்நிலையை சொல்லி என் விருப்பத்தை நிராகரிச்சதும் பாரின்ல இருந்து வந்த என் பையனிடம் சொன்னேன். `எங்கிட்ட விடுங்க டாடி. நித்யா தான் உங்க மருமகள். போதுமான்னுட்டான். அப்புறம்தான் உன்னிடம் பேசிப்பழகி இப்போ கல்யாணம் வரைக்கும் வந்திருக்கான்!''

"சார்.. கடைசி வரைக்கும் உங்க மகனைப் பத்தி எதுவும் சொல்லலை. போட்டோ கூட காட்டலை. எல்லாம் இந்த சஸ்பென்சுக்குத்தானா?''

-சொல்லி அழகாக வெட்கப்பட்ட தன் வருங்கால மருமகளை, முகத்தில் பெருமிதம் பொங்க பார்த்தார், எதிர்கால மாமனார் மாதவன்.

-எஸ்.மீனாட்சி சுந்தரம்

நல்லாதான்யிருக்கு ... வேற என்ன சொல்ல முடியும் ...