எட்டு வயசு வரைக்குந்தான் வளருமாம்!

எட்டு வயசு வரைக்குந்தான் வளருமாம்!

ஏதோ ஒரு எக்ஸிபிஷனுக்கு குழந்தையோடு போயிருந்தோம். கசகசவென கூட்டம். சுடிதார் டாப்ஸில் இருந்து எல்.இ.டி டிவி வரை கூவி விற்றுக்கொண்டிருந்தார்கள். கொஞ்சம் மனுசவெள்ளத்தில் நீந்தி போகையில் ஒரு ஸ்டால் கொஞ்சம் ஈயாடிக்கொண்டிருந்தது. வாசலில் நின்று தேவுடு காத்துக்கொண்டிருந்த டிப்-டாப் ஆசாமிகள் இருவர், என் கையில் இருந்த இரண்டரை வயசு குழந்தையை பார்த்து ரெண்டு பக்கமும் மறித்து ஸ்டால் உள்ளே தள்ளிக்கொண்டு வந்துவிட்டார்கள்.

குழந்தைகளுக்கான விளையாட்டு சாமான்கள் ஒருபுறம், ரெண்டு சோபாக்கள் இன்னொருபுறம்..சுவர் எல்லாம் எலி,பூனை,நரி, கரடி என்று அனிமல்ஸ் படம். டீப்பாயில் கலர் கலராய் வழ வழ காயிதத்தில் புத்தகங்கள், பெரிய டெடி பியர், பந்துகள் என்று ஒரு மினி கிண்டர் கார்டர் மாதிரியிருந்த ஸ்டால் அது.

என்னை தள்ளிக்கொண்டுவந்தவர்களில் வெள்ளையும் ஜொள்ளையுமாயிருந்த செவத்தபய அப்படியே சோபாவில் உட்கார வைத்து, சார் என்ன கம்பெனியில ஒர்க் பண்றீங்க ? விசிட்டிங் கார்ட் இருக்குதா என்று நம்மை பற்றிய தகவல்களை கலெக்ட் செய்ய ஆரம்பித்தான், இன்னொரு கருத்தபய பளபள விசிட்டிங் கார்ட் ஒன்றை நீட்டி, ஏதோ வாயில் நுழையாத ஜெர்மன் கம்பேனி பெயரை சொன்னான். குழந்தைகளுக்கான புத்தகம் தயாரிக்கற கம்பேனியாம்.

என்னங்கடா மேட்டர் என்றால் குழந்தைகளுக்கு புத்தகம், சீடி, ரீடிங் மெட்டீரியல், அபாக்கஸ் எல்லாம் மொத்தமாக சப்ளை செய்வானுங்களாம். மொத்தமா காசு கட்ட தேவையில்லையாம், ஈ,எம்.ஐ கூட போடுவானுங்களாம். தக்காளி இவன் கொஞ்சம் பளபளன்னு ப்ரிண்ட் அடிக்க எம்புட்டு செலவாயிரப்போவுது ? கழுத ரெண்டா அனுப்புவிடுடா என்று சொல்லிகொண்டிரும்போதே, சார் ஒன்னர லட்சத்த கேஷா கொடுத்தீங்கன்னா அஞ்சு பர்சண்ட் டிஸ்கவுண்ட், இன்னோரு ஆள சேத்துவுட்டீங்கன்னா பத்து பர்சண்ட் டிஸ்கவுண்ட் அப்படீன்னான்..

தக்காளி, ஏண்டா கிண்டர் கார்டன்ல படிக்கற அதே ஏபீசிடிய படிக்கறதுக்கு எதுக்குடா இம்புட்டு காசு என்று கேட்டது தான் தாமதம். அந்த படிப்புல இருக்கற நிறைகள அடுக்கினான் ஒரு அரை மணி நேரம். குழந்தை பொம்மைகள புடிச்சு வெளையாட ஆரம்பிச்சுடுச்சு. இவன் ஒன்னரை லட்சம்னதும், இவ எதையாவது புத்தகத்து பேப்பரை கிழிச்சுட்டா அதுக்கு ஆயிரம் ரூபாய் பில்லு போட்டுடுவானோன்னு பீ.ப்பி எகிறுது.

இதை கண்டுபிடிச்ச விஞ்சானி இன்னும் ஜெர்மனியில உசுரோடத்தான் இருக்காராம். அவர் அங்கிட்டு ஒரு பள்ளிகோடத்த நடத்துறாராம். இவரோட கண்டுபிடிப்பு ( அதாவது ஏபிசிடிய வேற மாதிரி படிக்கறது) மூலமா நிறைய குழந்தைகள் பலன் அடைஞ்சிருக்காம். அப்படீன்னு அடுக்கி அறுத்து தள்ளிக்கிட்டே போறான். நாமளும் ஒரு காலத்துல மார்க்கெட்டிங் செஞ்சவந்தான் என்ற வகையில வெட்டி பேசவும் மனசு வரல, தட்டி கேக்கவும் துப்பு இல்ல என்ற நிலையில, ஜெர்மன் தலை கொள்ளி எறும்பா முழிச்சேன்.

இந்த பரபரப்பான உலகத்துல நாம ஏபீசிடிய மட்டும் படிச்சா பத்தாதாம். மூனு வயசுலயெ டைனோசர், ஹிப்போகொட்டொமஸ், ரெப்டைல் அப்படீன்னு டிபரண்டா படிச்சாத்தான் மத்த கொழந்தைய விட நம்ம கொழந்தை படுபயங்கரமா முன்னுக்கு வருமாம். அப்படி அடிச்சு உட்டுக்கினு இருந்தப்ப கடைசியா ஒன்னு உட்டாம்பாருங்க, அப்பத்தான் நான் டென்சனானேன். 8 வயசு வரைக்கும்தான் மூளை வளருமாம் கொழந்தைகளுக்கு. அதுக்கப்புறம் வளராதாம். அதனால எத சொல்லிக்கொடுக்கறதா இருந்தாலும் அதுக்குள்ளார சொல்லிக்கொடுத்துடனுமாம். தக்காளி இந்த அயிட்டத்த விக்கறதுக்காக எம்மாம்பெரிய உடான்ஸை எடுத்து உட்டான் பாருங்க ? அவ்ளோதான். சார் நான் ஆபீஸ் போய்ட்டு, நல்லா சிந்திச்சு உங்களுக்கு சொல்றேன் அப்படீன்னு கொழந்தய தூக்கப்போனது தான் மிச்சம். சார் 5 ஆயிரம் கட்டுங்க, ஒரு முக்கியமான ஆபர் இன்னும் மூணு மணி நேரத்துல முடியிது, அப்புறம் கண்டிப்பா கிடையாது. முப்பத்தஞ்சு சிடி ப்ரீயா குடுப்போம் மூனு வருசத்துக்கு அப்படின்னு கணக்கில்லாம உட ஆரம்பிச்சுட்டான்.

கருத்த பயலவிட செவத்த பய கைய புடிச்சு இழுக்காத கொறயா உடவே மாட்டேன்னுட்டான். போதும்போதும்னு ஆச்சு அந்த தேங்கா மண்டையண்ட்ட இருந்து தப்பிக்க. டேய் பெசாம பைனான்ஸ் கம்பேனி ஆரம்பிச்சு ஊரை ஏமாத்துங்களேண்டா. ஜெர்மன்ல 6 வயசு வரைக்கும் அல்பபெட்டே சொல்லிக்குடுக்க மாட்டான், வெறும் ப்ளே ஸ்கூல் தான். அவனுக்கு இப்படி ஒரு சிஸ்டம் போட்டீங்கன்னா புக்கு வாங்க செய்வான். உங்கக்கிட்ட ஒரு கான்ஸப்ட் இருக்குங்கறதுக்காக இப்படி உடான்ஸ் விட்டு விக்கலாமான்னு ஒரு சவுண்டு கொடுத்து கிலிய கெளப்புனதுல அப்படியே தெறிச்சானுங்க.

8 வயசு வரைக்கும்தான் மூளை வளருமாம். நல்லா கெளப்புறானுங்க பீதிய..

நன்றி
http://allinall2010.blogspot.com/2011/09/blog-post_9074.html

இவணுகல என்ன பண்ணலாம்...

இவணுகல என்ன பண்ணலாம்...

சுட்டுத் தள்ளனும்