"நடந்து போன கடவுள்"

**rameshnaga** · **rameshnaga** Fri Sep 23, 2011 7:48 pm

First topic message reminder :

சின்ன வயசிலிருந்தே...
அம்மா என்னை
இப்படிச் சொல்லித்தான் வளர்த்தது..
"தப்பு செய்தால் சாமி கண்ணைக் குத்தும்"-என்று.

தப்புக்கள் இல்லாமல் என்னால்
வளர முடியவில்லை.
"சாமி" குறித்தான பயம் என்னை வருத்த..
"கற்பூரம்...வாழைப்பழம்..தேங்காய்"-இல்
நான் "சாமி"யைச் சரிசெய்து கொள்ளக்
கற்றுக் கொண்டேன்.

என்றாலும்...
இன்றைக்கும் கோவிலில் "சாமி"யை
நான்-நேருக்கு நேர் பார்ப்பதில்லை.
கண்ணை மூடிக் கொண்டு விடுகிறேன்.

இப்போதும்...
"சாமி" குறித்தான விசாரம்...
அதிகமாய் இருக்கிறது என்னிடம்.
"சாமி"க்குக் "கண் குத்தத் தெரியவில்லை"
என்பது தெரிந்து போய்விட்டது எனக்கு.

இப்போதெல்லாம் ..நான்
"சாமி இருக்கிறதா?" என்ற கேள்வியோடு
அலைந்து கொண்டிருக்கிறேன்.

இன்று காலை...
எனது தெருவின் முட் புதரில்...
"அம்மா" இல்லாத ஒருத்தியால்
வீசியெறியப்பட்டு அழுதுகொண்டிருந்த
குழந்தை...
எனக்கு உறுதியாய் சொன்னது..
"கடவுள் இல்லவே இல்லை" என்று.
பின் நாங்களெல்லாம் ...
பார்த்துக் கொண்டிருந்தபோதே...
அதை வாரியணைத்துத் தூக்கிச் சென்ற
ஒரு பெண்ணைப் பார்த்தேன்..

என் கண்ணெதிரில்...
"யாருடைய கண்ணையும் குத்தாமல்"...
தன் பாட்டுக்கு நடந்து சென்றது ஒரு "கடவுள்"...
தன் ஊர்...பெயர்..எதுவும் சொல்லாமல்.

**rameshnaga** · **rameshnaga** Sat Sep 24, 2011 5:16 pm

rameshnaga wrote:ரொம்பவும் நன்றி! கிச்சா.

ARR · ARR Sat Sep 24, 2011 5:32 pm

இறைவன் தன் இருப்பை எவருக்கும் மெய்ப்பிக்க வேண்டிய அவசியமில்லாதவன்.. அவனை உணர எல்லோராலும் ஆகாது.. உணர்ந்தோர் பாக்கியசாலிகள்..

நல்ல கவிதை ரமேஷ்.. பாராட்டுகள்..!

**rameshnaga** · **rameshnaga** Sat Sep 24, 2011 5:57 pm

ரொம்பவும் நன்றி! ARR ...

dsudhanandan · dsudhanandan Sat Sep 24, 2011 6:03 pm

அந்த கடவுளுக்கும் உங்களுக்கும் என் நன்றிகள் ரமேஷ்

**இளமாறன்** · **இளமாறன்** Sat Sep 24, 2011 6:24 pm

கடவுள் இவ்வுலகில் இன்னும் வாழ்ந்து கொண்டிருக்கிறார் யார் யார் வடிவிலோ சூப்பருங்க

**rameshnaga** · **rameshnaga** Sat Sep 24, 2011 7:07 pm

ரொம்பவும் நன்றி! த.சுதானந்தன்...,
ரொம்பவும் நன்றி! இளமாறன்.

kavimuki · kavimuki Mon Sep 26, 2011 5:12 pm

முடிவு பகுதியில் வார்த்தைகள் சிறிது மாற்றமாக இருந்திருந்தால் இன்னும் நன்றாக இருந்திருக்கும்.

கவிதை alaku

**rameshnaga** · **rameshnaga** Mon Sep 26, 2011 5:57 pm

ரொம்பவும் நன்றி! கவிமுகி.
தயவு செய்து...நீங்கள் சொல்ல விரும்பும் மாற்றத்தை..உங்களுடைய
பின்னூட்டத்தில் தெரியப் படுத்துங்களேன்..அது என்னுடைய கவிதையை மேம்படுத்த உதவியாய் இருக்கும்.

**rameshnaga** · **rameshnaga** Mon Sep 26, 2011 8:55 pm

rameshnaga wrote:ரொம்பவும் நன்றி! கவிமுகி.
தயவு செய்து...நீங்கள் சொல்ல விரும்பும் மாற்றத்தை..உங்களுடைய
பின்னூட்டத்தில் தெரியப் படுத்துங்களேன்..அது என்னுடைய கவிதையை மேம்படுத்த உதவியாய் இருக்கும்.

Sponsored content · Sponsored content

"நடந்து போன கடவுள்"

"நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக