"நடந்து போன கடவுள்"

**rameshnaga** · **rameshnaga** Fri 23 Sep 2011 - 21:18

சின்ன வயசிலிருந்தே...
அம்மா என்னை
இப்படிச் சொல்லித்தான் வளர்த்தது..
"தப்பு செய்தால் சாமி கண்ணைக் குத்தும்"-என்று.

தப்புக்கள் இல்லாமல் என்னால்
வளர முடியவில்லை.
"சாமி" குறித்தான பயம் என்னை வருத்த..
"கற்பூரம்...வாழைப்பழம்..தேங்காய்"-இல்
நான் "சாமி"யைச் சரிசெய்து கொள்ளக்
கற்றுக் கொண்டேன்.

என்றாலும்...
இன்றைக்கும் கோவிலில் "சாமி"யை
நான்-நேருக்கு நேர் பார்ப்பதில்லை.
கண்ணை மூடிக் கொண்டு விடுகிறேன்.

இப்போதும்...
"சாமி" குறித்தான விசாரம்...
அதிகமாய் இருக்கிறது என்னிடம்.
"சாமி"க்குக் "கண் குத்தத் தெரியவில்லை"
என்பது தெரிந்து போய்விட்டது எனக்கு.

இப்போதெல்லாம் ..நான்
"சாமி இருக்கிறதா?" என்ற கேள்வியோடு
அலைந்து கொண்டிருக்கிறேன்.

இன்று காலை...
எனது தெருவின் முட் புதரில்...
"அம்மா" இல்லாத ஒருத்தியால்
வீசியெறியப்பட்டு அழுதுகொண்டிருந்த
குழந்தை...
எனக்கு உறுதியாய் சொன்னது..
"கடவுள் இல்லவே இல்லை" என்று.
பின் நாங்களெல்லாம் ...
பார்த்துக் கொண்டிருந்தபோதே...
அதை வாரியணைத்துத் தூக்கிச் சென்ற
ஒரு பெண்ணைப் பார்த்தேன்..

என் கண்ணெதிரில்...
"யாருடைய கண்ணையும் குத்தாமல்"...
தன் பாட்டுக்கு நடந்து சென்றது ஒரு "கடவுள்"...
தன் ஊர்...பெயர்..எதுவும் சொல்லாமல்.

**பிஜிராமன்** · **பிஜிராமன்** Fri 23 Sep 2011 - 21:27

அருமையான கவிதை ரமேஷ்.....
கடவுள் அலங்கரிக்க பட்டு ஒய்யாரமாய் அமர்ந்திருக்க மாட்டார் எல்லாருக்கும் தெரியும் படி......

அவர் அமைதியாய் ஏதாவதை யாருக்காவது செய்வார் என்பதை அருமையாக சொல்லி விட்டீர்கள்......நன்றிகள்.....

**rameshnaga** · **rameshnaga** Fri 23 Sep 2011 - 21:28

ரொம்பவும் நன்றி! பி.ஜி.இராமன்.

**rameshnaga** · **rameshnaga** Fri 23 Sep 2011 - 22:38

rameshnaga wrote:ரொம்பவும் நன்றி! பி.ஜி.இராமன்.

**சிவா** · **சிவா** Fri 23 Sep 2011 - 22:39

///"சாமி"க்குக் "கண் குத்தத் தெரியவில்லை"
என்பது தெரிந்து போய்விட்டது எனக்கு.///

உண்மை வரிகள்.

**rameshnaga** · **rameshnaga** Fri 23 Sep 2011 - 22:41

ரொம்பவும் நன்றி! சிவா சார்.

நட்புடன் · நட்புடன் Fri 23 Sep 2011 - 22:51

மனிதம் நிறைந்த மனதே கடவுள் என்றால்
கடவுள் உண்டு - மனிதம் காக்கும் கடவுள் உண்டு...

**rameshnaga** · **rameshnaga** Fri 23 Sep 2011 - 22:53

ரொம்பவும் நன்றி! நட்புடன்.

kitcha · kitcha Fri 23 Sep 2011 - 22:57

அருமையான கவிதை "நடந்து போன கடவுள்" 224747944

கடவுள் என்பவர் ஆலயங்களில் உள்ளனர் என்பது பொதுவாக மக்கள் கருத்து.ஆலயம் என்பது அது ஒரு மனதை ஒருமுகப் படுத்தும்,அமைதிபெறச் செய்யும் ஒரு இடம்.

ஆனால் உண்மையான கடவுள் - பிறர் துன்பபடுவதைப் பார்த்துக் கொண்டு இது அவரின் விதி என்று சொல்லிக் கொண்டு இருப்பவர் அல்ல.அதற்கு உதவி செய்கிறவர்.அதை தீர்க்க முயல்கிறவர்

**rameshnaga** · **rameshnaga** Fri 23 Sep 2011 - 22:58

ரொம்பவும் நன்றி! கிச்சா.

Sponsored content · Sponsored content

"நடந்து போன கடவுள்"

"நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

Re: "நடந்து போன கடவுள்"

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக