என் அப்பாவிற்கு இன்று பிறந்த நாள் உறவுகளே !!

**பிஜிராமன்** · **பிஜிராமன்** Thu Sep 22, 2011 9:29 pm

First topic message reminder :

அப் - அப்பழுக்கற்ற உள்ளம்
பா - பாசத்தில் மணற்கேணி

நான் தாயின் கருவினிலே துஞ்சுகையில்
உன் தாரம் வயிரதனை வருடுகையில்
என் சருமம் உன் வருடல் உணர்ந்ததுவே
என் தந்தை நீயெனவே உணர்ந்தனனே

நான் எப்பிறப்பை எவ்வுலகில் எய்தினாலும்
அப்பிறப்பை உன்பிறப்பால் பெற்றிடவே - என்
உள்ளம் ஓயாது துடிக்கிதுவே; மனம்முழுதும்
உன் நாமம் ஒலிக்கிதுவே

பிறந்த நாள் முதலே வறுமையுனை சேர்ந்ததுவே
நீ வளர்ந்திடவே வறுமையதும் வளர்ந்ததுவே
அந்நாள் முதலே உழைப்பதனை தொடங்கிவிட்டாய்
இந்நாள் வரையில் உழைத்துக் கொண்டே நீயிருக்கின்றாய்

எந்ததுன்பம் என்னிலையில் உனைக் கொண்டபோதும்
அறம் என்ற பாதைதனை நீ மாற்றவில்லை-அறமென்ற
இறைவழியே சிறந்ததென்று அவ்வழியை இன்றளவும்
தொடர்ந்திட்டாய் எங்களையும் தொடரச் செய்திட்டாய்

தந்தையென்ற எவரும் வாழ்வில் வள்ளல்களே
உனை சுரண்டுபவர் தினமுனது பிள்ளைகளே
இன்று உன் பிள்ளை உனக்கு சுரண்டல் காரன்
நாளை அவன்பிள்ளைக்கு அவனே வள்ளலன்றோ

காத்திடப்பா சிலகாலம் எனக்காக வந்திடுவேன்
உனை தூக்கிச் சுமந்திடவே; உன் பாரம் என்தோளில்
ஏற்றிடுவேன் இன்பமொன்றே அத்தினம் முதல்
உனக்குநான் தந்திடுவேன்.

இனிய பிறந்த நாள் வாழ்த்துக்கள் அப்பா......

ஈகரை உறவுகளே நாளை என் அப்பாவிற்கு பிறந்த நாள் என்பதை இன்முகத்துடன் தெரிவித்துக் கொள்கிறேன்....

ரேவதி · ரேவதி Fri Sep 23, 2011 9:23 am

உங்கள் அல்ல எங்கள் அன்பு தந்தையை வாழ்த்த வயதில்லை வணங்குகிறேன்!! பிறந்த நாள்

ranhasan · ranhasan Fri Sep 23, 2011 11:57 am

வாழ்த்துக்கள்.

**ஜாஹீதாபானு** · 16/04/2011

உங்கள் அப்பாவுக்கு அன்பு வாழ்த்துக்கள் ராமன் சூப்பருங்க

பது · பது Fri Sep 23, 2011 12:10 pm

என் சார்பில் வாழ்த்துக்கள் உங்கள் அப்பாவிற்க்கு

**உமா** · **உமா** Fri Sep 23, 2011 12:18 pm

இதை படித்ததும் கண்கள் கொஞ்சம் ஈரமாகியது...எவ்வளவு பாசம் உங்களுக்கு .... என் அப்பா ஞாபகம் வந்துடுச்சு எனக்கு...

அவரை வாழ்த்தி வணங்குகிறேன்...
:வணக்கம்: