அதிமுகவின் 3வது வேட்பாளர் பட்டியல் வெளியீடு-72 நகராட்சித் தலைவர் வேட்பாளர்கள் அறிவிப்பு

சென்னை: கூட்டணிக் கட்சிகளுடன் ஒருபக்கம் பேசிக் கொண்டே மறுபக்கம் தனது 3வது வேட்பாளர் பட்டியலை அறிவித்துள்ளது அதிமுக. இதனால் தேமுதிகவின் நிலை மேலும் சிக்கலாகியுள்ளது.

உள்ளாட்சித் தேர்தலில் வழக்கம் போல தனது பாணியில் அதிரடியாக செயல்பட ஆரம்பித்துள்ளார் முதல்வர் ஜெயலலிதா. ஆரம்பத்தில், 10 மாநகராட்சிகளுக்கும் மேயர் பதவிக்கான வேட்பாளர்களை அதிரடியாக அறிவித்து கூட்டணிக் கட்சிகளை, குறிப்பாக தேமுதிகவை அதிர்ச்சியில் ஆழ்த்தினார்.

இந்த நிலையில் அடுத்த அதிரடியாக 52 நகராட்சித் தலைவர் பதவிகளுக்கான வேட்பாளர்களை அறிவித்தார் ஜெயலலிதா. இதனால் கூட்டணியில் மேலும் நிலைமை குழப்பமானது.

இந்தச் சூழ்நிலையில் நேற்று இடதுசாரிகளை அழைத்து அதிமுக தரப்பில் பேச்சுவார்த்தை நடத்தினார்கள். மற்றவர்களை இதுவரை கூப்பிடவே இல்லை. இந்த நிலையில் இன்று இன்னொரு அதிரடியாக மேலும் 72 நகராட்சித் தலைவர்கள் பதவிகளுக்கான வேட்பாளர் பட்டியலை வெளியிட்டுள்ளார் ஜெயலலிதா.

இது அதிமுக வெளியிட்டுள்ள 3வது வேட்பாளர் பட்டியலாகும். இன்றைய பட்டியலில், வெள்ளக்கோவில்-கந்தசாமி, தாராபுரம்-கலாவதி, காங்கேயம்-மணிமாறன், பொள்ளாச்சி-விஜயக்குமார், மேட்டுப்பாளையம்-சுலோச்சனா, வால்பாறை-செல்வி விஜயராகவன், ஊட்டி-சத்யபாமா, கிருஷ்ணகிரி-தங்கமுத்து, ஓசூர்-பாலகிருஷ்ணன், நாமக்கல்-கரிகாலன், தர்மபுரி-சுமதி, ராசிபுரம்-பாலசுப்ரமணியம், திருச்செங்கோடு-பொன் சரஸ்வதி, குமாரபாளையம்-நாகராஜன், விழுப்புரம்-பாஸ்கரன், திண்டிவனம்-வெங்கடேசன் உள்பட 72 நகராட்சித் தலைவர் பதவிகளுக்கான அதிமுக வேட்பாளர்கள் அறிவிக்கப்பட்டுள்ளனர்.

தட்ஸ்தமிழ்

அம்மான்னா அதிரடி அட்டக்தான் !!