கள்ள தொடர்பை எதிர்த்த மனைவி சினிமா பாணியில் கொலை

மீனு · மீனு Mon Sep 21, 2009 2:38 pm

கள்ளத்தொடர்பைக் கண்டித்த மனைவியை சினிமா பாணியில் எரித்துக்கொன்று நாடகமாடிய கணவர் கைது செய்யப்பட்டுள்ளார்.

மதுரை வெங்கடாசலபுரத்தைச் சேர்ந்தவர் கனகவேல்பாண்டி. இவரது மனைவி ரேவதி. இவர்களுக்கு 2 மகன்கள் உள்ளனர். குவைத் நாட்டில் ஜேசிபி வாகன ஆபரேட்டராக வேலை பார்த்து வந்த கனகவேல்பாண்டி ஒரு மாதம் முன்பு மதுரை திரும்பினார். மதுரையில் ஒரு பெண்ணுடன் இவர் தொடர்பு வைத்திருந்ததாக தெரிகிறது. இதை ரேவதி கண்டித்தார். இதனால் கணவன், மனைவிக்கு இடையே அடிக்கடி தகராறு ஏற்பட்டது.

இந்நிலையில், நேற்று முன்தினம் கணவன் மனைவி இடையே தகராறு முற்றியது. இதில் ஆத்திரமடைந்த கனகவேல்பாண்டி அறைக்குள் சென்று, தான் வாங்கி வந்த பெட்ரோலை மனைவி படுக்கும் படுக்கையில் கொட்டினார். இதை அவரது மகன் குருநாத் பார்த்து விட்டான்.

இது குறித்து தாயார் ரேவதியிடம் குருநாத் தெரிவித்தான். மகனின் பேச்சை மீறி, படுக்கையறைக்குள் ரேவதி சென்றபோது அங்கு பற்றவைத்த சிகரெட்டுடன் காத்திருந்த கனகவேல்பாண்டி, மனைவியை மெத்தை மீது தள்ளி, தான் வைத்திருந்த சிகரெட் துண்டையும் மெத்தை மீது வீசினார்.
இதில் மெத்தையில் பற்றிய தீயில் ரேவதி சிக்கினார். அவரை காப்பாற்ற முயற்சிப்பது போல் நடித்து கனகவேல்பாண்டியும் தீக்காயமடைந்தார். 2 பேரும் மதுரை அரசு மருத்துவமனையில் சேர்க்கப்பட்டு ரேவதி நேற்று இறந்தார். போலீசில் ரேவதி அளித்த வாக்குமூலத்தில், "மற்றொரு பெண்ணுடன் தொடர்பு வைத்திருந்த கணவரை கண்டித்தேன். இதனால் திட்டமிட்டு மெத்தையில் பெட்ரோலை ஊற்றி தீ வைத்து என்னை எரித்தார்" என தெரிவித்திருந்தார். இதன்பேரில் போலீசார் கனகவேல் பாண்டியை