"உம்மாச்சி"க்கு வந்த கனவு.

**rameshnaga** · **rameshnaga** Sat Sep 17, 2011 8:35 pm

யாருக்கும் தெரியாது
என நினைத்திருக்கிறேன்..
எல்லோருக்கும் தெரிந்திருக்கிறது
எனது காதல்.
***************************
எப்படி மறைப்பேன்...
ஒரு நாகம் போல் மின்னி...
ஜொலித்துப் படம் எடுத்து...
முகம் திருப்பும்..
உனது பிம்பத்தை
எனது கண்களில் இருந்து?
******************************
நேற்றும் வழக்கம் போல்
"வழி மறிச்சான்" என் கனவில்
வந்துவிட....
தொலைந்து போன உன்னைத் தேடி
"சாமியாடி"வருகிறான்
கனவில் உடுக்கையுடன்.
அவனின் சாட்டையடிக்குப் பயந்து
உன்னை ஒளித்துவைக்கிறேன்...
நானும் அறியாத ஒரு தீவில்.
******************************
குழந்தைகளின் உலகில்
கடவுள் "உம்மாச்சிதான்"
தூங்கும் அதன் கனவில்
"உம்மாச்சி" நீட்டிய
பூக்களைப் பெற்றுக்கொண்ட குழந்தை..
மறுநாள் அந்தப் பூக்களை
"உம்மாச்சியின்"தலையில் போடுகிறது..

அந்த இரவில்-
"உம்மாச்சி"க்குக் கனவு வந்து விட்டது.
**********************************
வானத்தில் வாழ்ந்தபடி
ஒளி கொடுக்கும் "சூரியன்"
எப்படியோ ...
எனக்காக எழுதப்பட்ட
"பணிரண்டு" கட்டங்களுக்குள் வந்துவிட்டான்.
மேலே இருந்து சுடுவதை விட..
இந்தக் கட்டத்திலிருந்துதான்..
அவன்
என் வாழ்க்கையை மாற்றிக் கொண்டிருக்கிறான்.
****************************************

kitcha · kitcha Sat Sep 17, 2011 9:20 pm

Code:: யாருக்கும் தெரியாது என நினைத்திருக்கிறேன்.. எல்லோருக்கும் தெரிந்திருக்கிறது எனது காதல். *************************** எப்படி மறைப்பேன்... ஒரு நாகம் போல் மின்னி... ஜொலித்துப் படம் எடுத்து... முகம் திருப்பும்.. உனது பிம்பத்தை எனது கண்களில் இருந்து?

அனைத்துமே அருமை. "உம்மாச்சி"க்கு வந்த கனவு. 224747944

அதில் மேல் உள்ள அந்த வரிகள் ரொம்ப ரசிக்கவேண்டிய அருமையான வரிகள்.

**rameshnaga** · **rameshnaga** Sat Sep 17, 2011 9:47 pm

ரொம்பவும் நன்றி கிச்சா.

ranhasan · ranhasan Sun Sep 18, 2011 2:12 am

யாருக்கும் தெரியாது
என நினைத்திருக்கிறேன்..
எல்லோருக்கும் தெரிந்திருக்கிறது
எனது காதல். - அவளை தவிர...

எப்படி மறைப்பேன்...
ஒரு நாகம் போல் மின்னி...
ஜொலித்துப் படம் எடுத்து...
முகம் திருப்பும்..
உனது பிம்பத்தை
எனது கண்களில் இருந்து? - விழியை மூடினாலும் ஆழி அலையாய் மனதில் உன் பிம்பம் மீண்டும்...

வானத்தில் வாழ்ந்தபடி
ஒளி கொடுக்கும் "சூரியன்"
எப்படியோ ...
எனக்காக எழுதப்பட்ட
"பணிரண்டு" கட்டங்களுக்குள் வந்துவிட்டான்.
மேலே இருந்து சுடுவதை விட..
இந்தக் கட்டத்திலிருந்துதான்..
அவன்
என் வாழ்க்கையை மாற்றிக் கொண்டிருக்கிறான் - ஜோசியர்களை வாழவைக்க...

குழந்தைகளின் உலகில்
கடவுள் "உம்மாச்சிதான்"
தூங்கும் அதன் கனவில்
"உம்மாச்சி" நீட்டிய
பூக்களைப் பெற்றுக்கொண்ட குழந்தை..
மறுநாள் அந்தப் பூக்களை
"உம்மாச்சியின்"தலையில் போடுகிறது..

அந்த இரவில்-
"உம்மாச்சி"க்குக் கனவு வந்து விட்டது - குடந்தையில் மடிந்த மடந்தைகளின் சடலங்களுக்கு மலர் தூவ...

மிகவும் ரசித்தேன் ரமேஷ்... ஒவ்வொரு கவியிலும் ஒரு உணர்வு வெளிப்படுகிறது... அதுதான் உங்கள் கவியின் வெற்றி... சூப்பருங்க