மதிமுக தென்மண்டல மாநாடு கோலாகலம்!

ரபீக் · ரபீக் Fri Sep 16, 2011 3:50 pm

நெல்லையில் மதிமுக தென் மண்டல மாநாடு கோலாகலமாக நடந்தது. பல்லாயிரக்கணக்கான தொண்டர்கள் மத்தியில் வைகோ பேசினார்.

அண்ணா பிறந்தநாளையொட்டி நெல்லை டவுன் பொருட்காட்சி திடலில் இன்று மாலை மதிமுக திறந்தவெளி மாநாடு நடந்தது. அங்கு அமைக்கப்பட்டுள்ள ஈத்தாமொழி திரவியம் அரங்கில் மாலை 3 மணிக்கு மாநாடு துவங்கியது. கொள்கை பரப்பு செயலாளர் நாஞ்சில் சம்பத் தலைமை வகித்தார். மாநாட்டு அரங்கத்தை உயர்மட்டக்குழு உறுப்பினர் இமயம் ஜெபராஜ் திறந்து வைத்தார்.

மாவட்ட செயலாளர்கள் விருதுநகர் சண்முகசுந்தரம், தூத்துக்குடி ஜோயல், குமரி தில்லை செல்வம், மாநில அவைத்தலைவர் துரைசாமி, பொருளாளர் டாக்டர் மாசிலாமணி, துணை பொதுசெயலாளர் நாசரேத் துரை, மல்லை சத்யா ஆகியோர் முன்னிலை வகித்தனர்.

மாநகர் மாவட்ட செயலாளர் பெருமாள் வரவேற்றார். மாநில மகளிரணி செயலாளர் குமரி விஜயகுமாரி கட்சி கொடியை ஏற்றி வைத்தார். அண்ணா சுடரை நெல்லை புறநகர் மாவட்ட செயலாளர் சரவணன் ஏற்றி வைத்தார். பெரியார் படத்தைச் சட்டத்துறை செயலர் சுப்புரத்தினமும், அண்ணா படத்தை ரத்தினராஜும் திறந்து வைத்தனர்.

இறுதியில் மதிமுக பொதுசெயலாளர் வைகோ சிறப்புரையாற்றினார். தொடர்ந்து அவர், அண்ணா பிறந்தநாளையொட்டி நடத்தப்பட்ட கட்டுரை, கவிதை போட்டிகளில் வெற்றி பெற்ற மாணவ, மாணவிகளுக்குப் பரிசுகள் வழங்கினார்.

மாநாட்டில் திருப்பூர் துரைசாமி, டாக்டர் மாசிலாமணி, துரை பாலகிருஷ்ணன், மலர் மன்னன், கணேசமூர்த்தி எம்.பி., டாக்டர் சதன்திருமலைக்குமார் உள்ளிட்ட முக்கிய நிர்வாகிகள் பேசினர். தி.மு.ராஜேந்திரன் நிகழ்ச்சியை தொகுத்து வழங்கினார். மாநில அரசியல் ஆலோசனைக்குழு உறுப்பினர் நிஜாம் நன்றி கூறினார்.

மாநாட்டில் இலங்கை தமிழர் பிரச்சனை, ராஜீவ்காந்தி கொலை கைதிகளின் தூக்குத்தண்டனை ரத்து, கூடங்குளம் அணு மின்நிலையம் எதிர்ப்பு உள்ளிட்ட பல்வேறு தீர்மானங்கள் நிறைவேற்றப்பட்டன.

மாநாட்டில் பங்கேற்பதற்காக பல்வேறு ஊர்களில் இருந்து காலையில் இருந்தே தொண்டர்கள் கார், வேன், பேருந்துகளில் வந்து குவிந்தனர்.

இந்நேரம்