பெட்ரோல் விலை அதிகரிப்பு அமலுக்கு வந்தது : லிட்டருக்கு ரூ.3.14 உயர்ந்தது

**சிவா** · **சிவா** Fri Sep 16, 2011 2:46 pm

புதுடெல்லி : கச்சா எண்ணெய் விலை உயர்வு மற்றும் ரூபாய் மதிப்பு சரிவு ஆகிய காரணங்களால் பெட்ரோல் விலையை எண்ணெய் நிறுவனங்கள் லிட்டருக்கு ரூ.3.14 உயர்த்தியுள்ளன. இது நேற்று நள்ளிரவு முதல் அமலுக்கு வந்தது. சென்னையில் ஒரு லிட்டர் பெட்ரோல் ரூ.67.49லிருந்து 70.63க்கு உயர்ந்துள்ளது. கடந்த ஆண்டு ஜூன் மாதம் பெட்ரோல் விலை மீதான கட்டுப்பாட்டை மத்திய அரசு விலக்கி கொண்டது. இதனால், சர்வதேச சந்தை நிலவரத்துக்கேற்ப எண்ணெய் நிறுவனங்களே பெட்ரோல் விலையை முடிவு செய்து வருகின்றன. கடந்த மே, ஜூன் மாதங்களில் ஒரு பேரல் கச்சா எண்ணெய் விலை 120 டாலரை தாண்டியது.

அப்போதைய விலை நிலவரப்படி லிட்டருக்கு ரூ.10 இழப்பு ஏற்பட்டபோதும், மே 15ம் தேதி பெட்ரோல் விலை லிட்டருக்கு ரூ.5 உயர்த்தப்பட்டது. அதனுடன் டீசல் ரூ.3, மண்ணெண்ணெய் ரூ.2, சமையல் காஸ் ரூ.50 உயர்த்தப்பட்டது. எனினும், தமிழக அரசு வரி குறைப்பால் சிலிண்டர் விலை ரூ.15 குறைந்தது.

பின்னர் ஜூன் 24ம் தேதி பெட்ரோல், டீசல் மற்றும் மண்ணெண்ணெய் மீதான 5 சதவீத சுங்க வரியை அரசு ரத்து செய்தது. அதன் பின்னர், கச்சா எண்ணெய் விலை 100 டாலருக்கும் கீழ் சரிந்தது. இந்த காரணங்களால் பெட்ரோல் விற்பனையில் ஏற்பட்ட நஷ்டம் குறைந்தது. 80 டாலருக்கு கீழ் விலை சரிந்தால் பெட்ரோல் விலை குறைக்கப்படும் என்று மத்திய அரசு தெரிவித்திருந்தது.

அதன்பிறகு மீண்டும் கச்சா எண்ணெய் விலை உயர தொடங்கியது. இதனால், பெட்ரோல் விற்பனையில் எண்ணெய் நிறுவனங்களுக்கு நஷ்டம் தொடர்கிறது.

இப்போதைய நிலவரப்படி ரூபாய் மதிப்பு சரிவு, கச்சா எண்ணெய் விலை உயர்வால் பெட்ரோல் விற்பனை விலையில் லிட்டருக்கு ரூ.2.61 நஷ்டம் ஏற்படுகிறது.

பல்வேறு வரிகளைப் பொருத்து அது ரூ.3.14 ஆகிறது. எனவே, லிட்டருக்கு ரூ.3.14 விலை உயர்வை எண்ணெய் நிறுவனங்கள் நேற்று அறிவித்தன. இது நேற்று நள்ளிரவு முதல் அமலுக்கு வந்தது.

இதுகுறித்து டெல்லியில் எண்ணெய் நிறுவன உயரதிகாரி கூறுகையில், ‘‘பெட்ரோல் விற்பனையில் தினமும் ரூ.15 கோடி இழப்பு ஏற்படுகிறது. அமெரிக்க டாலருக்கு இணையாக ரூபாய் மதிப்பு ரூ.48 வரை சென்றதால் இறக்குமதி செலவு அதிகரித்து நஷ்டம் உயர்ந்துள்ளது. எனவே, விலை உயர்வு தவிர்க்க முடியாததாகி விட்டது’’ என்றார்.

டாலரால் வந்த உயர்வு

பெட்ரோல் விலை மீதான கட்டுப்பாட்டை மத்திய அரசு விலக்கி கொண்ட பிறகு இந்த நிதி ஆண்டில் எண்ணெய் நிறுவனங்கள் நஷ்டம் ரூ.2,450 கோடியானது. இப்போது ரூபாய் மதிப்பு சரிவால் இறக்குமதி செலவு அதிகரித்து மேலும் ரூ.2,850 கோடி நஷ்டம் ஏற்பட்டு மொத்தம் ரூ.5,300 கோடியாகும். இந்தியன் ஆயில், பாரத் பெட்ரோலியம், இந்துஸ்தான் பெட்ரோலியம் ஆகிய 3 எண்ணெய் நிறுவனங்களின் மொத்த கச்சா எண்ணெய் இறக்குமதி மார்ச் 2011ல் ரூ.96,700 கோடி. அதே அளவு கச்சா எண்ணெய் ரூபாய் மதிப்பு சரிவால் கடந்த மாதத்தில் ரூ.1.2 லட்சம் கோடிக்கு இறக்குமதியானது குறிப்பிடத்தக்கது.

சென்னையில் விலை

ஏப்.1& 2010 52.13

ஜூன்26&2010 55.92

டிச.16& 2010 60.65

ஜன.16&2011 63.36

மார்ச்2& 2011 61.93

மே15& 2011 67.49

செப்.15&2011 70.63

தினகரன்

**உமா** · **உமா** Fri Sep 16, 2011 2:49 pm

தங்கம் விலை போல. பெட்ரோல் இப்படி விலை ஏறி போனால் நடுத்தர மக்களின் நிலைமை என்ன?
சோகம்

**சிவா** · **சிவா** Fri Sep 16, 2011 2:55 pm

உமா wrote:தங்கம் விலை போல. பெட்ரோல் இப்படி விலை ஏறி போனால் நடுத்தர மக்களின் நிலைமை என்ன?

டூவிலரை என்னிடம் தந்துவிடுங்கள் உமா, நான் உங்களுக்கு சைக்கிள் வாங்கித் தருகிறேன். (problem solved)

**உமா** · **உமா** Fri Sep 16, 2011 3:11 pm

சிவா wrote:
உமா wrote:தங்கம் விலை போல. பெட்ரோல் இப்படி விலை ஏறி போனால் நடுத்தர மக்களின் நிலைமை என்ன?

டூவிலரை என்னிடம் தந்துவிடுங்கள் உமா, நான் உங்களுக்கு சைக்கிள் வாங்கித் தருகிறேன். (problem solved)

இன்னும் ஒரு டியூ கூட கட்டவே இல்லை ...
:afro:

**சிவா** · **சிவா** Fri Sep 16, 2011 3:12 pm

உமா wrote:
சிவா wrote:
உமா wrote:தங்கம் விலை போல. பெட்ரோல் இப்படி விலை ஏறி போனால் நடுத்தர மக்களின் நிலைமை என்ன?

டூவிலரை என்னிடம் தந்துவிடுங்கள் உமா, நான் உங்களுக்கு சைக்கிள் வாங்கித் தருகிறேன். (problem solved)

இன்னும் ஒரு டியூ கூட கட்டவே இல்லை ...
:afro:

அய்யோ. அம்மா.. நான் இல்லை....!! பெட்ரோல் விலை அதிகரிப்பு அமலுக்கு வந்தது : லிட்டருக்கு ரூ.3.14 உயர்ந்தது 230655