முத்துச் சிதறல்கள் - பொது அறிவுத் தகவல்கள்

**சிவா** · **சிவா** Thu Sep 15, 2011 3:07 am

First topic message reminder :

மும்முரமாகத் தேடுவதை, `ஒரு கல்லையும் திருப்பாமல் விடாதே' (Leave no stone unturned) என்று ஆங்கிலத்தில் கூறுவார்கள்.

இதன் பின்னணி என்னவென்று தெரியுமா?

கிரேக்கப் புராணக் கதையின் அடிப்படையில் கூறப்படும் வார்த்தைகள் இவை. `ஆரக்கிள் ஆப் டெல்பி'யால் (Oracle of Delphi) கடவுளுடன் பேச முடியும். அதனால் அவன் பேரறிவைப் பெற்றிருந்தான்.

தோற்கடிக்கப்பட்ட ஒரு ராணுவத் தளபதியால் ஒளித்து வைக்கப்பட்ட புதையலை எப்படிக் கண்டுபிடிப்பது என்று ஆரக்கிளிடம் கேட்கப்பட்டபோது, `ஒரே ஒரு வழிதான் உள்ளது. எந்தக் கல்லையும் திருப்பாமல் விடாதே!' என்று அவன் கூறினானாம்.

அந்த அறிவுரைதான் அப்படியே சொற்றொடராக நீடிக்கிறது.

**சிவா** · **சிவா** Sat Jan 07, 2012 9:26 am

கயிறு திரித்தல்

இஷ்டம்போல மிகைப்படுத்திக் கூறுபவனை `கயிறு திரிக்கிறான்' என்று சொல்வோம். ஆங்கிலத்தில் இது spinning a yarn என்று சொல்லப்படுகிறது. 1812-ல் முதல் முறையாக இது அச்சில் இடம்பெற்றது.

வீட்டில் நூற்கும் நூலுக்கும் இதற்கும் தொடர்பில்லை. இது கடல்பகுதியோடு தொடர்புடையது.

அக்காலத்தில் பாய்மரக் கப்பல்களைச் செலுத்த பல மைல் நீளமுள்ள சணல் நார் தேவைப்படும். மாலுமிகள் இருவர் இருவராக நீண்ட நேரம் சணல் நார்களை நூற்கும் வேலையில் தொடர்ந்து ஈடுபட வேண்டும்.

கயிறைத் திரிக்கும்போது மாலுமிகள் அலுப்புத் தெரியாமல் இருப்பதற்காக கற்பனையாக நிறையக் கதை அளப்பார்கள். அதிலிருந்துதான் இச்சொற்றொடர் உருவானது.

**பிஜிராமன்** · **பிஜிராமன்** Sat Jan 07, 2012 9:29 am

இரண்டு புது விஷய்ங்களை தெரிந்து கொண்டேன் அண்ணா.....மிக்க நன்றிகள்

**Dr.சுந்தரராஜ் தயாளன்** · 03/09/2011

நல்ல செய்திகள்...நன்றி...சிவா அவர்களே மகிழ்ச்சி

மகா பிரபு · மகா பிரபு Sat Jan 07, 2012 9:40 am

நல்ல சிதறல்கள் அண்ணா. நன்றி. சூப்பருங்க

**சிவா** · **சிவா** Wed Jan 18, 2012 5:35 am

அனாக்ரம்

ஆங்கிலத்தில் உள்ள வார்த்தை விளையாட்டு, `அனாக்ரம்' (Anagram). கொடுக்கப்பட்டுள்ள ஒரு வார்த்தையின் எழுத்து அல்லது சொற்றொடரை வைத்துக்கொண்டு மற்றொரு சொல்லையோ, சொற்றொடரையோ உருவாக்குவதுதான் இந்த விளையாட்டு. தமிழிலும் இதுபோல் உண்டே? `பாட்டுக்குப் பாட்டு' போன்ற நிகழ்ச்சிகளை நீங்கள் வானொலியில் கேட்டிருப்பீர்கள், தொலைக்காட்சியில் பார்த்திருப்பீர்களே? ஒரு பாட்டின் கடைசி அடியில் உள்ள எழுத்தை முதலில் வைத்துப் பாடுவார்களே, அது போன்றதுதான், `அனாக்ரம்'.

**சிவா** · **சிவா** Wed Jan 18, 2012 5:36 am

அகாடமி

இப்போதெல்லாம் கல்விக் கழகங்களுக்கு `அகாடமி' என்று பெயர் வைக்கிறார்கள். இதன் வரலாறு என்ன? `அகாடமி', ஒரு கிரேக்கச் சொல். இதன் பொருள், `மரங்கள் அடர்ந்த தோப்பு' என்பதே. புகழ்பெற்ற தத்துவஞானியான பிளேட்டோ, அம்மாதிரியான இடங்களில்தான் தனது சீடர்களுக்குக் கல்வி பயிற்றுவித்து வந்தார். ஆனால் பிற்காலத்தில் இதே வார்த்தை, ஏதோ ஒருவகைப்பட்ட உயர்கல்விப் பிரிவை பயிற்றுவிக்கும் மையத்துக்குப் பயன்படுத்தப்பட்டது. வரலாறு, மருத்துவம், இசை, கலை என்று பல பிரிவுகள் இதைப் பயன்படுத்தத் தொடங்கின.

**சிவா** · **சிவா** Wed Jan 18, 2012 5:37 am

அலிபி

`அலிபி' (Alibi) என்பது ஒரு சட்ட சம்பந்தமான வார்த்தை. இந்த லத்தீன் சொல்லுக்கு `எங்கோ' என்று பொருள். ஒரு சம்பவம் நடந்தபோது தான் `அங்கில்லை' என்று நிரூபிக்கும் தடயம் இது. திட்டமிட்டுத் தவறு செய்யும் ஆசாமிகள் இது போன்ற `அலிபி'களை உருவாக்கி, சட்டத்தின் பிடியில் இருந்து தப்பிக்க முயற்சி செய்வார்கள்.

**Dr.சுந்தரராஜ் தயாளன்** · 03/09/2011

மிகவும் நன்று...சிவா அவர்களே மகிழ்ச்சி

**சிவா** · **சிவா** Wed Feb 29, 2012 8:15 pm

டிரிவியா

வீண்பேச்சு மற்றும் முக்கியமற்ற தகவல்களை ஆங்கிலத்தில் ஏன் `டிரிவியா' (trivia) என்கிறோம்? சாலைகளை அமைப்பதில் ரோமாபுரியினர் மிகவும் புகழ்பெற்றுத் திகழ்ந்தார்கள். லத்தீன் மொழிச் சொல்லான `டிரிவியம்' (trivium) என்பதற்கு மூன்று சாலைகள் சந்திக்கும் இடம் என்று பொருள். அதிலிருந்து முக்கியமற்ற சங்கதிகளுக்கான சொல் தோன்றியது. மூன்று சாலைகள் சந்திக்கும் இடத்தில் போக்குவரத்து குறைவான வேகத்தோடு, நெரிசலாக இருக்கும். அப்போது வெற்று அரட்டைக்கும், வீண்பேச்சுக்கும் அதிக வாய்ப்பு உண்டு. tri என்பது 3. via என்பது சாலை வழி. அதிலிருந்துதான், பயனற்ற தகவலைக் குறிக்கும் `டிரிவியா' பிறந்தது.

**சிவா** · **சிவா** Wed Feb 29, 2012 8:15 pm

பொருத்தமற்ற செயல் - taboo

பொருத்தமற்ற அல்லது ஏற்கமுடியாத செயலை `டாபூ' என்கிறோம். 1777-ம் ஆண்டில் கேப்டன் ஜேம்ஸ் குக் பிரெண்ட்லி தீவுக்கு வந்தார். அங்கிருந்த பாலினீசியர்கள் taboo என்ற சொல்லைப் பயன்படுத்துவதைக் கண்டார். அதைத் தனது குறிப்பேட்டிலும் எழுதினார். `செய்யக் கூடாதது' என்பதை அச்சொல் குறித்தது. ஆங்கிலம் பேசும் நாடுகளுக்கு ஜேம்ஸ் குக்கும், அவரது ஆட்களும் அந்தச் சொல்லை எடுத்துச் சென்றனர். உண்மையில் அந்த வார்த்தைக்கு `போய்விடு' என்ற பொருள் இருந்ததை அவர்கள் அறியவில்லை. ஜேம்ஸ் குக் குழுவினர் அந்தத் தீவை அடைந்தபோது தீவுக்காரர்கள் அதைத்தான் சொன்னார்கள்!

Sponsored content · Sponsored content

முத்துச் சிதறல்கள் - பொது அறிவுத் தகவல்கள்

முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

Re: முத்துச் சிதறல்கள் - பொது அறிவுத் தகவல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக